Hiziqeeli 47:8 - Kafa Linguistics Project

⁸ Aroochee taach ishichiye: “Ebi aaco aabi-keyo waani showooch, desh Yoordaanoosi bambooch woccemmone; aroochee Kiikki baharooch bi giyaa areexi aaco xallemmone.

Hiziqeeli 47:8 ပူးပေါင်းရင်းမြစ်များ

Keyo 15:25

Aroochee Muusi Doono Yeer waan cookiye. Doono Yeeriyoo Muusich ikke mixin bekkiihe; Muusiyoo areen daammii aachi daggooch duppiye; aacoo caamaanoon shaawiye. Doono Yeeriyoo boonoshin qeejjemmi qociyoonaa doyoonon aroochaa boonoshich immiye; are xaaꞌoochaanoo biich deꞌa boonoshi getonaa getti qayonon beegga iye.

Isiyaasi 35:1

Barahoonaa shuuꞌi showoona emiremminaꞌone; barahoo emiriree, aadillee bungoommon bungemmone.

Isiyaasi 35:6

Baata tiisheenaꞌo xiixxechoommon capphemminaꞌone; dudoochi heciyoo emiroona shoddemmone; aaco barahoochee kechemmone; aachi xuupho barahoochee xuupphemmone.

Isiyaasi 35:7

Michiibeeti qacoo gamini gejjoon tunemmone; shacheweti showoochee aaco xuupphemmone; boqqelleenaꞌo kufee xaaꞌooch, mocoo, kohoonaa duukkoona collemmone.

Isiyaasi 43:20

Kaacheti ta asheenaꞌo uchemmoyich aacon barahoochaa, woce aacon shuuꞌi showoochaa ta immetoyich kubbi cooxinaꞌo taan oogiyemminaꞌone; boqqelleenaꞌonaa shaakkeenaꞌonoo taan galletemminaꞌone.

Isiyaasi 49:9

Qoppeenaꞌon ‘Keyi hambote,’ manderee daggooch beetinaꞌonoo ‘Bekkooch keyote’ gettemmo neene; gommona hamibee, maayoon dane maayemminaꞌone; geppee toommeexi shokke xaaꞌoo, boonoshich mocechi gaddo tunemmone.

Erimiyaasi 31:9

Eefona woyemminaꞌone; boonoshin goggiyoona yaabemmo taane; aachi gashoona, boonoshi tephaachemmi kaame gommona, boonoshi hammemmoyich tuniyemmo taane; ebiyoo Israꞌeelich nihoo ta tunetoyich, Efreemiyoo taach gutenee bushoo bi tunetonoyichiye.

Milikiyaasi 1:11

“Aabi keyoochee aabi gimooch beddaahaa beeti aageteenaꞌo ta shigoon oogii beetinaꞌone. Bulli xaaꞌoochaa ta shigoyich ixaanoon shookkiibee xalle deejjoon taach giddii beetinaꞌone. Boonoshi bulliyoo ta shigoon oogii beetinaꞌone” iye Beshe Mawe Doono Yeeri.

Maatiyoosi 13:15

Boonoshi aafoona boonoshi ciinaachemmoyich, boonoshi waamona boonoshi waayeyaachemmoyich, boonoshi mulloona boonoshi shalligaachemmoyich, ta waan boonoshi wottetaa boonoshin ta wodiyaachemmoyich, boonoshi mulloon muumiitinaꞌone; boonoshi waamon ulliitinaꞌone; boonoshi aafoonoo oppetinaꞌone’ iꞌi bi keemmiti keemo boonoshi toommooch ceennitone.

Yowannisi 5:4

Ikkikkoochaa Doonochi maraakoo ebi kote aacooch kindiꞌi aacon shuurikkii beehe. Ebi aaco shuuritoyee gubb shiichiꞌi are aacooch giyimmo amee biiyoocheenolla wodii beehe.]

Yibbaatoo 3:17

Ebi keejje yoodeenaꞌo showee daaro aabi-gimo waanaa Yoordaanoos aacooch bedoone. Wotta dambi-waanaa Kinerootee baharoochee tiijjiꞌi deshi-waan dugilla beeti Kiikki baharoonaa aabi-keyo waan beeti Fisigi guudi baatoonooch beddaahaa bedoone.

Yibbaatoo 4:49

Ebiyoo Yoordaanoosi aacoochaa aabi-keyo waan beeti Yoordaanoosi bamboochee tiijjiꞌi, Fisigi guudi baatooch beeti Kiikki baharooch beddaahaa beetoniye.

Yaasi 3:16

wocciibeeti aaco neexehe. Tsaretaani katemee gaꞌooch beeti, Addaami getteebeeti wohi katemee katinooch aaco kiceeꞌi guteehe; dugilloon Arabee baharo, ebi geto Kiikki baharo waan, wocciibeeti aaco ciroona kuxee neexehe. Asheenaꞌoo Yaariki ciino waanaa kimmiyeete.