Hiziqeeli 47:19 - Kafa Linguistics Project

¹⁹ “Deshi-waani daaro Tamaaree tiijjii Meriib Qadeeshi aacooch beddaahaa, Gibitsee aachi gashoochee Meditiraanee baharooch beddaahaa tunemmone; deshi-waani daaro ebine.

Hiziqeeli 47:19 ပူးပေါင်းရင်းမြစ်များ

1 Taateenaꞌo 8:65

Arooba Solomooni biinna tookkii beeti Israꞌeeleenaꞌo bullina tookkii, ebiyoo Hamaati katemooch beshe kaattoochee tiijjii Gibitsee aacooch beddaahaa beeti showoochee kiceeti ooge iitoona tookkii, no Nuggishoo Doono Yeeri aafooch shabaatte qemi baaroon baariye.

1 Taateenaꞌo 9:18

Baalaatinaa Yihudee barahooch beeti Tadimoorina getteebeeti katemeenaꞌon wochinnoon shuunehe.

2 Kiinoo 20:2

Asheenaꞌo waaꞌi, “Baharoyee bekkee, Sooriyee showoochee neen kocha meeti ginee naayinaꞌo waatinaꞌone. Ebiyoche, Hatsatsoon Tamaari katemoon yechitinaꞌone” iꞌi Yoshafaaxich gettiyeete. (Hatsatsoon Tamaari En Geedi ceekkeebeeti bare shigoone.)

Shoddo 81:7

Ne duꞌehooba taan ceeggehine; tawoo neen wodiihoye; gigeebeeti qere xaaꞌoochaa ne qolloon waayehoye; Meriibi aacoochaa neen phiree beeggehoye.

Isiyaasi 27:12

Arooba, goyecho teepphoon kalloochee bi bariiyoommon, Doono Yeeri Efiraaxisi aacoochee tiijjii Gibitsee showee danooch beddaahaa beeti bi asheenaꞌo tuneti Israꞌeeleenaꞌon boonoshi ikkikkoona kicemmone.

Hiziqeeli 47:10

Haashe yesheenaꞌo baharee gashooch neexemminaꞌone; En Geedee tiijji En Egilayim beddaahaa beeti xaaꞌoo haashe yeshe dabbo yaggeyemmi xaaꞌoon tunemmone; arooch beeti haashoo Meditiraanee baharooch beeti haashoochoommon meeti yarecho tunemmone.

Hiziqeeli 47:15

“Showee daaro ebin tunemmone: Dambi-waanaa, Meditiraanee baharoochee tiijjiꞌi, Hetilooni waanaa Hamaati beshe kaattooch, Tsedaad beddaahaa,

Hiziqeeli 48:28

“Deshi-waani Gaadichi daaro Tamaari katemee deshi-waanina besheꞌi Meriib Qadeeshi aacooch beddaahaa, aroochee Gibitsee aachi danoona hammiꞌi Meditiraanee baharooch beddaahaa tunemmone.

Haddoo 20:1

Israꞌeelee iitoo bulli batti batti agenooch Tsiini barahooch waaꞌi, Qadeesh kotehe. Miiriyamiyoo aroochaa qitiyan; aroochoo duukkehan.

Haddoo 20:13

Israꞌeeleenaꞌo Doono Yeerina kaareti, biyoo yaafoo bi tunoon boonoshich bi bekkiiti Meriibi aaco ebine.

Haddoo 34:3

Deshi-waani ittoshi daaro Tsiini barahoochee tiijji Edoomee showee danooch beddaahaa tunemmone. Ebi deshi-waani daaro bi tiyemmo aabi-keyo waanaa, Kiikki baharee deshi ciiroocheeniye.

Haddoo 34:5

Ebi daaro Azimoonee Gibitsee aaco waan guudi, Meditiraanee baharooch tuggemmone.

Yibbaatoo 32:51

Ebiyoo ittoshi guttiyona Tsiini barahooch, Qadeeshi gaꞌooch beeti Meriibi aachi xuuphooch ittoshi beehooba, Israꞌeeleenaꞌo aafooch taach gibeneyoon ittoshi qajjitoyich, ta yaafittinoyichoo oogoon imon ittoshi qajjitoyichiye.

Yibbaatoo 33:8

Lewi yoodoochon ishichiye: “Ne Tumiimoon Lewich, ne Uriimoon bi qelloon neech beshiiꞌi immitoyich imbe. Masaahaa boonoshin phirehine; Meriibi aacoochaa boonoshina tookkaa hayehine.

Yaasi 12:3

Ebiyoommon Kinerootee baharoochee tiijjiꞌi, aabi-keyo waan beeti Kiikki baharee gaꞌooch beeti, Beet Yeshimooti katemoonaa aroochee deshi-waan beeti, Fisigi guudi baatoonooch beddaahaa beeti Yoordaanoosi bamboo bullin hajjitone.