Hiziqeeli 47:10 - Kafa Linguistics Project

¹⁰ Haashe yesheenaꞌo baharee gashooch neexemminaꞌone; En Geedee tiijji En Egilayim beddaahaa beeti xaaꞌoo haashe yeshe dabbo yaggeyemmi xaaꞌoon tunemmone; arooch beeti haashoo Meditiraanee baharooch beeti haashoochoommon meeti yarecho tunemmone.

Hiziqeeli 47:10 ပူးပေါင်းရင်းမြစ်များ

Halloo 14:7

Aroochee guuddii wotteꞌi, Qadeeshi getteebeeti Een Mishifaat shaggiyeete. Amaleeqeenaꞌo bullinaa wotta Hatsatsoon Tamaari katemooch beeti Amooreenaꞌonon kochii wochiyeete.

2 Kiinoo 20:2

Asheenaꞌo waaꞌi, “Baharoyee bekkee, Sooriyee showoochee neen kocha meeti ginee naayinaꞌo waatinaꞌone. Ebiyoche, Hatsatsoon Tamaari katemoon yechitinaꞌone” iꞌi Yoshafaaxich gettiyeete. (Hatsatsoon Tamaari En Geedi ceekkeebeeti bare shigoone.)

Shoddo 104:25

Ogoogoonaa gishiishoona tuneti haddoyee beshe halleenaꞌo arooch beeti, oogetonaa gaminoona tuneti baharo ebiyoche.

Isiyaasi 19:8

Haashe yesheenaꞌo ayini eeppemminaꞌone; Abbaayi aachi toommooch qamaaxiroon duppiibeeto bulli eeppemmone; aachi toommooch dabboon duppiibeeto bullichi giidoo qajjemmone.

Isiyaasi 49:12

Ta asheenaꞌo wohi showoochee, eboshiyoo dambi-waaninaa aabi-gimonoochee, wotta eboshiyoo Aswaanee woyemminaꞌone” iye.

Isiyaasi 49:20

Ne muushenee yemeenooba shiijjeti ne bushiisheenaꞌo, ‘Hini showoo oogeti xebboone; no beeyemmi gamini showoon nooch qanniibe’ gettemminaꞌone.

Hiziqeeli 26:14

Shokkaache xaqqoon neen tuniyemmo taane; haashe yesheenaꞌo boonoshi dabboon ichiibeeti xaaꞌoon tunemmi neene; ebiyee bekk wochinnoon shuuneyaachemmi neene; ebiyoo Doono Yeeri ta gettetoyichiye’ iye Nuggishoo Doono Yeeri.

Hiziqeeli 26:5

Asheenaꞌo boonoshi dabboon shuuꞌiibeeti, baharee daggooch beeti xaaꞌoon tunemmine; Nuggishoo Doono Yeeri ta ebin getteto taane. Aageteenaꞌo biin boggemminaꞌone.

Hiziqeeli 47:15

“Showee daaro ebin tunemmone: Dambi-waanaa, Meditiraanee baharoochee tiijjiꞌi, Hetilooni waanaa Hamaati beshe kaattooch, Tsedaad beddaahaa,

Hiziqeeli 47:19

“Deshi-waani daaro Tamaaree tiijjii Meriib Qadeeshi aacooch beddaahaa, Gibitsee aachi gashoochee Meditiraanee baharooch beddaahaa tunemmone; deshi-waani daaro ebine.

Hiziqeeli 48:28

“Deshi-waani Gaadichi daaro Tamaari katemee deshi-waanina besheꞌi Meriib Qadeeshi aacooch beddaahaa, aroochee Gibitsee aachi danoona hammiꞌi Meditiraanee baharooch beddaahaa tunemmone.

Haddoo 34:6

“ ‘Aabi-gimo waani ittoshi daaro Meditiraanee baharo tunemmone. Aabi-gimo waani ittoshi daaro ebine.

Maatiyoosi 4:19

Biyoo “Ta hillooch wobote; haashoon ittoshi yeshoommon ashoon yeshiree ta waan ittoshi deebemmoyich tuniyemmo taane” iye.

Maariqoosi 1:17

Arooba Yesuusi “Ta hillooch wobote; haashoon ittoshi yeshoommon ashoon yeshiree ta waan ittoshi deebemmoyich tuniyemmo taane” iye.

Yaasi 23:4

Aabi-keyo waan beeti Yoordaanoosi aacoochee tiijjiꞌi, aabi-gimo waan beeti Meditiraanee baharooch beddaahaa beeti showoon, ebiyoo batt echeti aageteenaꞌonaa ebiyee aaf ta kochaa wochiti aageteenaꞌonochi showoon, ittoshi yoodeenaꞌoyich qoodaꞌa immeto taane.

1 Saameeli 23:29

Daawitiyoo aroochee hammiꞌi En Geed beeti, mishigeenaꞌooch kotehe.

1 Saameeli 24:1

Saaꞌooli Filsixeemeenaꞌona koyoochee bi wottetoyee gubb, Daawiti En Geedi gaꞌooch beeti barahooch bi beemon waayehe.