Hiziqeeli 47:1 - Kafa Linguistics Project

¹ Are uro, yaafee kechi kello waan taan wochii deebiye; aacoo yaafee kechi kelloochee aabi-keyo waan woccii beehe; ebiyoo yaafee kexo aabi-keyo waan wotteto bi tunetoyichiye; ebi aacoo deshi-waan beeti yaafee kechi kellee shagee dechiichee kechiꞌi, deejjee gudoyee deshi-waanina woccii beehe.

Hiziqeeli 47:1 ပူးပေါင်းရင်းမြစ်များ

Shoddo 46:4

Bi daggooch, Yeerichi katemoon, Beshoo Yeeri beeti yaafe xaaꞌoon emirikkiibeeti, woce aaco beetone.

Shoddo 46:5

Doono Yeeri ebi katemee daggooch bi beetoyich, are katemee koyaa aalleyaachemmine; haree maaddooch Yeeri biin gaachemmone.

Shoddo 87:7

Duubbechinaꞌonaa duuttechinaꞌona “Nooch aachi xuupho bulli xuupphiibeeto Tsiyooneeniye” gettemminaꞌone.

Isiyaasi 2:3

Meeti asheenaꞌo waaree ishichemminaꞌone: “Sheeroo Tsiyoonee, Doono Yeerichi qaaroo Yerusaalemee bi kechii beetoyich, ittoshi waataa damba Doono Yeerichi guudooch, Yaaqobichi Nuggishoo yaafee kexooch hambone. Biyoo, bi gommon nooch dojjemmone; nowoo, bi bekkiiti boochoona hammemmo noone” gettemminaꞌone.

Isiyaasi 30:25

Oogeti aallee aabooba, xaqqee uxereenaꞌo dihiyooba, genje guudinaꞌonaa geppeenaꞌonooch aaco woccemmone.

Isiyaasi 55:1

“Shachewetinaꞌote, ittoshi bulli aacooch wobote; ittoshi kememmi gijjaalleenaꞌote, waaree keme mamote. Woyinoonaa ejjoonon gijjaalloon, gatiyaalloon kemebote.

Erimiyaasi 2:13

“Ta asheenaꞌo gutte gonde mooyon tuniitinaꞌone; ebiyoo, kashee aachi tunoo tuneti taan qajjitinaꞌone; aacon yesho hakkaani, hote oppeenaꞌonoo boonoshi qellich iijjitinaꞌone.

Hiziqeeli 40:6

Aroochee aabi-keyo waan wotteti kellooch hammiye; daqqelloon kechiꞌi shaaqqee shagoon bi qeelletaa ikke yaaboon tunehe.

Hiziqeeli 41:2

Gimi kellee maaco aashire hiroone; gimi kelloochi duukki gidoo kelloochee duꞌooch beddaahaa gutte baddaanolla uuchi uuche hiroone; daggi kechi gidoon bi hiretaa aabbe hiroo, bi maaco hiye hiroo tunehe.

Hiziqeeli 46:24

Uroo taach ishichiye: “Eboshi, yaafee kexooch maddee beetinaꞌo aroochaa asheenaꞌochi deejjoon boonoshi kiijjiibeeti xaaꞌeenaꞌone” iye.

Hiziqeeli 47:12

Aachi gashooch, okkinaa hachinooch aafo manjeebeeti mixinaꞌo beeyemminaꞌone; boonoshi waamo shoollaachemmone; boonoshi aafoo ooyaachemmone; yaafee kexoochee kechiti aacon danee beetinaꞌo boonoshi tunetoyich agen agenoona aafoon aafemminaꞌone; boonoshi aafo maayoon, boonoshi waamo attoon tunemmone” iye.

Hiziqeeli 47:2

Aroochee dambi-waani kelloona taan daammiye; aabi-keyo waan wotteti maachi kellooch taan guudiihe; aacoo maachi kellee deshi-waanina woccii beehe.

Yoꞌeeli 3:18

Ebiyooba, guudinaꞌooch woyinee qomboo ceennemmone; geppeenaꞌoochoo shaappeebeeti miiminaꞌo gasheyemminaꞌone. Yihudee showooch beeti bamboo bulliich aaco ceennemmone; Doono Yeerichi yaafee kexoochee, aaco xuupphemmone; Shixiimi bamboonoo uchemmone.

Zakaariyaasi 13:1

“Ebiyooba Daawitichi kechi asheenaꞌonaa Yerusaalemi asheenaꞌonon axaaxoonaa eeꞌoonoochee xalliyemmi aachi xuupho qecheyemmone” iye.

Zakaariyaasi 14:4

Ebiyooba Doono Yeeri Yerusaalemi ciinooch, aabi-keyo waan beeti Zayitee Michi guudi toommooch neexemmone. Zayitee Michi guudoo aabi-keyoochee aabi-gimo waan gaaheree oogeti bamboon tunemmone. Guudochi qato dambi-waan, qato wotta deshi-waan tunemmone.

Zakaariyaasi 14:8

Ebiyooba kashee aaco Yerusaalemee xuupphemmone. Qato aabi-keyo waanee baharooch, qato wotta aabi-gimo waanee baharooch woccemmone. Ebiyoo qaawoonaa yooyonooch kuxeyaachemmone.

Yaaꞌoo 22:1

Ebi are maraakoo Yeerinaa Bagoonochi taatee qeenoochee kechii, are katemee daggeexi ooge gommi gutte daggoona ufeebeeti, biriloochoommon wacciibeeti kashee aacon taach bekkiihe. Aachi okkinaa hachinooch agen agenoona aafeebee, natooch aaraa gutte wottoon aafeebeeti kashee mixo beehe; hini are michi waamo aageteenaꞌon wodiyoyich gaacciibeeti attoone.

Yaaꞌoo 22:17

Yaafe Ayaanoonaa Bagoochi woꞌeena “Wobe!” ii beetinaꞌone. Ishin waayeebeeto bulli “Wobe!” gete. Shacheweto bulli wobe; qaawiibeeto bulliyoo kashoon immiibeeti aacon baad cikki daambe.