Hiziqeeli 46:20 - Kafa Linguistics Project

²⁰ Biyoo taach ishichiye: “Hini xaaꞌoo qeesheenaꞌo xuꞌee deejjoonaa axaaxee deejjoonoyich giddeti meenoochee boonoshi kiijjemmi, maayi buuroocheenoo boonoshi kachiyemmi xaaꞌoone; ebina asheenaꞌo naxeyaachemmoyich ebi yaafeeti maayoochee amolla maachi addibaabooch keyaachemmone” iye.

Hiziqeeli 46:20 ပူးပေါင်းရင်းမြစ်များ

2 Kiinoo 35:13

Boonoshiyoo Beshee Baaree deejjoon qoceetoommon michiyeete. Yaafeeti buuroon shexxooch, guboonaa distoonooch kiijjiyeete. Kaateꞌi asho bullich qoddiyeete.

Keyo 29:31

“Harooninaa bi bushiisheenaꞌonon qeesheenaꞌo tunii ukkiriyee baaree bagee baaddoochi meenon daamiree yaafoo tuneti xaaꞌoochaa kiiye.

Hiziqeeli 44:19

Maachi addibaabooch asheenaꞌo waan boonoshi keyoyee shiichi, taheꞌi boonoshi maddeebeeti taheenaꞌon kichiree yaafeeti kexooch kotiichi baroon tahebeete; ebiyoo boonoshi tahoochee tiyitona asheenaꞌo naxeyaachemmoyichiye.

Hiziqeeli 44:29

Maayi buuroon, axaaxee deejjoonaa xuꞌee deejjoonon maayemminaꞌone; Israꞌeeleenaꞌo daggoochee bariitaa taach kechiti mooyo bulli boonoshicho tunemmone.

Hiziqeeli 46:21

Aroochee maachi addibaabooch taan deebiye; are addibaabeechi awudde shuutoona taan guudiihe; are addibaabee awudde shuutoo bulliich bare addibaaboo beetone.

Hiziqeeli 46:24

Uroo taach ishichiye: “Eboshi, yaafee kexooch maddee beetinaꞌo aroochaa asheenaꞌochi deejjoon boonoshi kiijjiibeeti xaaꞌeenaꞌone” iye.

Leweenaꞌo 2:1

“ ‘Asho koniyoona maayi buuroon Doono Yeeri taach bi giddiigaata, qacini buddinoon giddiibe. Ebi arooch zayitoon ukkibe; ixaanoonoo gede.

Leweenaꞌo 2:10

Maayi buuroochee echeto Harooninaa bi anaami bushiishoonoyich tunebe. Doono Yeeri taach deejjeeti maayoochee tiijjeeto bi tunetoyich oogeti yaafoone.

Leweenaꞌo 2:3

Maayi buuroochee echeto Harooninaa bi anaami bushiishoonoyich tunebe. Doono Yeeri taach giddeti maayoochee tiijjeeto bi tunetoyich, oogeti yaafoone.

Zakaariyaasi 14:20

Ebiyooba haresheenaꞌochi qetteexi qaaxillooch “Doono Yeerich Yaafeeto” ii beeto qiicaa kooreyemmone. Doono Yeerichi yaafee kexooch beeti, eboshiyoo maayi kachiyoyich gaacciibeeti gubeenaꞌo, deejjee gudee ciinooch beeti quppe saaneenaꞌochoommon yaafeetinaꞌo tunemminaꞌone.