15 Bulli aabooch micciibeeti deejjoyich, giishi bagee baaddoo, maayi buuroonaa zayitoona maaddi maaddoona giddebe” iye.
“Gubbich, qemi qemona kuxaanoon deejjee gudee toommoochaa ikke nati gutte gishiishi bagee baaddoon deejjibe.
“Qemi qemona, gubbi ittoshi shiijjeroo bulliich beddaahaa, ebi micciibeeti deejjoo Doono Yeeri ta aafooch, danee duukkaanee kellooch, giddebe. Tawoo aroochaa ittoshina danemmo taane; neennoo yibbaatemmo taane.
Ebiyoo shiichiꞌi Siini guudoochaa deejjeetoommi gaawe cinnechi deejjoo, Doono Yeeri taach qaaqqoona micciibeeti, kuxeyaanoon bulli aaboon giddeebeeti deejjoone.
Bare qeeshee guudeenaꞌochoommon shiichiꞌi bi qelli axaaxoyich, gubb wotta asheenaꞌochi axaaxoyich qemi qemona deejjoon Yeerich giddiyoo biich qaawiyaanoone. Asheenaꞌochi axaaxoyich bi qelloon deejjoo tuniiꞌi Yeerich bi giddiihooba, ebi deejjoon ikke wottoon ceechiꞌi tuniitone.
Ebi tunesho gaata, hini alemo halleetoochee tiijjiree, wodde wottoon xuuxoon beego biich qaawiyeshone; tunebaani and yemeenee ciiro katinaa, bi qelloon beshii deejjoon tuniiꞌi, axaaxoon wokkiiya koshiyoo aalli ikke wottoon bekketone.