Hiziqeeli 46:12 - Kafa Linguistics Project

¹² Iraashoo bi daaggoona bi giddiibeeti deejjoon, micciibeeti deejjoon woyee bi daaggoona Doono Yeerich bi giddiibeeti ikkittinee deejjoon bi giddii beegaata, aabi-keyo waan wotteti kello biich qecheebe; shambetooba bi tunii beetoommon, micciibeeti deejjoonaa ikkittinee deejjoonon giddiibe; aroochee maach keye; bi kechitoyee gubb, kello hichebe.

Hiziqeeli 46:12 ပူးပေါင်းရင်းမြစ်များ

1 Taateenaꞌo 3:4

Bulliyee beshe goyinnee xaaꞌoo beeto, Gibeꞌoon bi tunetoyich, Yeerich deejjoon deejjoyich, taatoo arooch hammiye. Solomooni ebi deejjee gudee toommooch hume micciibeeti deejjoon deejjiye.

1 Kiinoo 29:21

Bi dechara Doono Yeerich deejjoon deejjiyeete. Micciibeeti deejjoonoo Doono Yeerich deejjiyeete. Hume gubbenoo, hume ogooge bagee baaddoonaa hume gishiishi bagee baaddoonon, uyee deejjoonaa bare buuroona tookkii Israꞌeeleenaꞌo bullichi qoodoon woddiiꞌi giddiiheete.

2 Kiinoo 29:31

Aroochee Hiziqiyaasi “And Doono Yeerich ittoshi qelloon yaafito ittoshine. Ebich gidderee, galletoon bechoyich deejjoonaa buuroonon Doono Yeerichi yaafee kexooch deebote” iye. Iiteenaꞌoo taatoo gettitoommon tuniiheete. Boonoshi mullo daaggitinaꞌo bulli micciibeeti deejjoyich gijjoon deebiyeete.

2 Kiinoo 5:6

Taatoo Solomooninaa bi aafooch kiceeti Israꞌeelee iitoo bullina taabootee aafoochaa boonoshi meetoochee tiyitona haddaa ciyaani bageenaꞌonaa gatteenaꞌonon deejjiyeete.

Iziri 1:4

Yeerichi kexon haggoyich hammemmi asho bulli beeti amee showoocholla beeti asheenaꞌo Yerusaalem beeti, Yeerichi kexo hakkemmoyich, mullee daaggoona boonoshi immemmi wojjoon, wotta birewoon, aachoon, qiicoonaa gijjeenaꞌonon giddiyoona biin gaachebeete” iye.

Iziri 3:5

Ebiyee gubb, qemi qemona micciibeeti deejjoon, agenee keyi baaree deejjoon, Doono Yeerich yaafeeti baaroo bullichi deejjoonaa mullee daaggoona asheenaꞌo Doono Yeerich immiti wojjoonon giddiiheete.

Iziri 6:17

Ebi Yeerichi kechi diiree baarooba, balle wuron, gutte balle ogooge bagee baaddoonaa awudde balle gishiishi bagee baaddoonon giddiiheete; wotta Israꞌeelee yoodee haddoommon, axaaxee deejjoyich aaraa gutte emmishee baaddoon giddiiheete.

Hiziqeeli 44:1

Aroochee uro aabi-keyo waan wotteti, maach beeti yaafee kechi kellooch taan wochii deebiye; kelloo hichetone.

Hiziqeeli 44:3

Iraashoo baach Doono Yeeri aafoochaa koshon mamoyich arooch giyemmone; biyoo beshe boochoona giyiree aroona kechemmone” iye.

Hiziqeeli 45:17

Baari baaroona, agenee keyi baaroona, shambetoona, maacheeti Israꞌeelee baaroo bullina micciibeeti deejjoon, maayi buuroon, uyee buuroonoo qanniyoo iraashoochone. Iraashoo Israꞌeeleenaꞌochi axaaxoon maariyoyich, axaaxee deejjoonaa maayi buuroonon, micciibeeti deejjoonaa ikkittinee deejjoonon giddiyemmone” iye.

Hiziqeeli 46:8

Iraashoo bi giyii beegaata beshe boochoona gibe; bi kechii beegaatoo aroona keye.

Leweenaꞌo 1:3

“ ‘Deejjoon bi giddiibeeto, micciibeeti deejjoyich bi miimoochee tunegaata, bachaalli wuron giddiibe. Doono Yeeri ta deqqemmoyich, danee duukkaanee kelloochaa giddiibe.

Leweenaꞌo 23:38

Ebi baareenaꞌo Doono Yeeri ta shambetoyee, ittoshi immemmi wojjoyee, ittoshi giddiyemmi tiikkeshoyee, mullee daaggoona Doono Yeeri taach ittoshi immiibeeti mooyo bulliyee bareenaꞌone.

Leweenaꞌo 7:16

“ ‘Ebi deejjoo tiikkeshoo woyee mullee daaggoona giddeebeeto bi tunegaata, deejjoo giddehooba manjebe; echeto bi beegaata, bi dechara manjebe.

Haddoo 29:39

“ ‘Micciibeeti ittoshi deejjeenaꞌon, ittoshi maayi buureenaꞌon, ittoshi uyee deejjeenaꞌonaa ittoshi ikkittinee deejjeenaꞌonon maacheeti ittoshi baaree aabooba Doono Yeeri taach deejjibote. Ebiyoo tiikkeshoonaa ittoshi mullee daaggoona ittoshi deejjiibeeti deejjoonoyee baroone’ gete” iye.

Roomi 12:1

Illa ta maneenaꞌote! Ittoshi ashittinoon Yeerin emirikkiibeeto, yaafoonaa kashechi deejjoonon tuniiree biich ittoshi giddiyemmoyich Yeerichi ariqqoona ittoshin qollehoye; ebiyoo Yeerich ittoshi goyinnemmi tunibede gommone.

Efesooni 5:2

Kiristoosiyoo wotta noon bi shunnitoommon, Yeerin emirikkiibeeti cinnechi buuroommonaa deejjoommonon tuniiꞌi noocha ii bi qelloon beshiiꞌi bi immitoommon, shunoona beebote.