Hiziqeeli 45:15 - Kafa Linguistics Project

¹⁵ Mocechi Israꞌeelee gaddoochee gutte balle bagoochee ikke bagoon immemmo ittoshine; eboshiyoo ittoshi axaaxoon maariyoyich, maayi buuroyich, micciibeeti deejjoonaa ikkittinee deejjoonoyich tunemminaꞌone, iye Nuggishoo Doono Yeeri.

Hiziqeeli 45:15 ပူးပေါင်းရင်းမြစ်များ

Hiziqeeli 45:14

Zayiteechi qociyoo, homeero bulliichee bateechi aashire kishoochee ikkoone. (Ikke homeero aashire batoone).

Hiziqeeli 45:17

Baari baaroona, agenee keyi baaroona, shambetoona, maacheeti Israꞌeelee baaroo bullina micciibeeti deejjoon, maayi buuroon, uyee buuroonoo qanniyoo iraashoochone. Iraashoo Israꞌeeleenaꞌochi axaaxoon maariyoyich, axaaxee deejjoonaa maayi buuroonon, micciibeeti deejjoonaa ikkittinee deejjoonon giddiyemmone” iye.

Hiziqeeli 45:20

Gabaanoon woyee ariyaanoon axaaxoon shuunemmi ashich ebi agenee shabaattinnee qemooba ebiyoommon tuniibe; ebina yaafee kexo yaafeyemmoyich tuniyemmo neene.

Daaneeli 9:24

“Xuꞌee shuunoon neechoyich, axaaxee shuunoon bayoyich, gonde shuunoon maariyoyich, bulli yemeenee cadiqoonoo deeboyich, yaaꞌoonaa keemoonon hiconaa yaafee kexon huutonoyich, ne asheenaꞌonaa ne yaafe katemeenoyich shabe kaallee shabaatte naton Yeeri maaccitone.

Leweenaꞌo 1:4

Uro micciibeeti deejjoyich giddeti gijjoochi qellooch bi kishoon kotiibe. Ebina Doono Yeeri ta bi deejjoon deꞌiree bi axaaxoon maaremmo taane.

Leweenaꞌo 6:30

Tunebaani axaaxoon maariyoyicha getaa, danee duukkaanooch beeti Yaafe Xaaꞌooch bi damoo giyiti, axaaxoyich deejjeeti gijjee meeno qaaqqooch gokkeshalli bi gettemmo, ciroona manjeyaachemmone.

Milikiyaasi 1:14

Beshe Mawe Doono Yeeri ishichiye: “Ta, ooge Taatoo taane; ta shigoo aageteenaꞌo daggooch shatteetone. Taach giddiiya bi mookketi bagee baaddoo bi gijjee daggooch beetaa, dawushoona shappe quumechon taach deejjoon giddiimmo uppeton tunebe” iye.

Milikiyaasi 1:8

Wolle gijjoon deejjoo ittoshi giddiyoo ebi tatoone? Baata sheqqe gijjoonaa biiyechi gijjoonon deejjoo ittoshi giddiyoo ebi tatoone? Ebin ittoshi ukkiroyich ittoshi giddiitaa, iberoochaa emiroona deꞌiree ittoshin galletehe?” iye Beshe Mawe Doono Yeeri.

Roomi 5:10

Yeerichi shixecho tunaꞌa no beetaa, bi bushoochi qitoona Yeerina tookkaa shuneto noone; illa and no shunetoyee gubb, Kiristoosi kashecho bi tunetoyich, wodemmo no tuno manjoone.

Efesooni 2:16

Kaaroonoo masqalooch bi qitoona wokkiiꞌi ebi masqaloona gutteenaꞌon ikkochiꞌi Yeerina tookkii shuniihe.

Qolaasiyaasi 1:21

Ebiyee aaf wokkiꞌi beeti ittoshin, gonde mooyon shuunoonaa gonde mooyon gaboona biinna shixecho tuneti ittoshin, qoonneyaani oonaalli yaafeeton tuniiꞌi Yeeri aafooch ittoshin giddiyoyich, Kiristoosi meenon taheꞌi bi qitoona and ittoshin shuniitone.

Hibireena'o 2:17

Ebich asheenaꞌochi axaaxoon maariyoyich, Yeerich bi maddoona ariqqechonaa gibeneetona tuneti qeeshee guudo bi tunemmoyich, mooyo bullina bi maneenaꞌon shaahoo biich qaawiitone.