Hiziqeeli 45:1 - Kafa Linguistics Project

¹ “Showoon iristo tuniiꞌi ixoona ittoshi qoodii beegaata, yaafeeti ikke ixee showoon Doono Yeerich kichibote; bi gidoo hiyaa uuche hume hiroo, bi maaco hiye hume hiroo tunebe; bi guudo bulli yaafeeton tunemmone.

Hiziqeeli 45:1 ပူးပေါင်းရင်းမြစ်များ

Shaahiyoo 3:9

Ne hajjitona, ne maayoocheenoo qaabbii shaggitona Doono Yeerin oogiibe.

Hiziqeeli 42:16

Qeellee yaaboona aabi-keyo waanin bi hiretaa uuche balle hiroo tunehe.

Hiziqeeli 48:29

“Iristoon tuniiree Israꞌeelee yoodeenaꞌoyich ittoshi qoodemmi showoo ebine; boonoshi qoodee showeenaꞌoo eboshine” iye Nuggishoo Doono Yeeri.

Leweenaꞌo 25:23

“ ‘Showoo taacho bi tunetoyich, kemetoyich bi hajjoo tuniitaa kechaaye. Ittoshiyoo iibboommonaa shiqqoommona ittoshine.

Haddoo 34:13

Muusi Israꞌeeleenaꞌoyich ishichiꞌi gettiye: “Yiixiyaa qachi yoodeenaꞌoyich bi ichemmoyich Doono Yeeri gettiti, ixoona ittoshi qoodeyemmi showoo ebine.

Yaasi 13:6

“Ebi showoo Libanoosee tiijjiꞌi, Misrefoot Mayimi katemooch beddaahaa beeti geppe showooch beeti, Sidooneenaꞌo bullichi showoone. Ta, ta qelloona ebi are aageteenaꞌon Israꞌeeleenaꞌo aafoochee yoohi kichemmo taane. Ne baach, neech ta gettetoommon, showoon qoodiree Israꞌeeleenaꞌoyich maace.

Yaasi 13:7

Ebinoo yiixiye Israꞌeelee yoodoonaa Minaasi yoodoochee qatinaꞌonoyich qoodiree maace” iye.

Yaasi 14:1

Qeeshoo Elazaari, Nuuni bushoo Yaasinaa Israꞌeelee yoodeenaꞌochi yaree ukkireenaꞌona Israꞌeeleenaꞌoyich qoodiꞌi boonoshi maacciti, Yoordaanoosi aacoochaa aabi-gimo waan beeti Kanaanee showoo ebine.

Yaasi 14:2

Doono Yeeri Muusich bi gettitoommon, boonoshi woraashiti showoo yiixiye yoodoonaa qatonoyich ixoona qoodeehe.

Yaasi 14:3

Tunebaani Muusi Yoordaanoosi aacoochaa aabi-keyo waan beeti showoon gutte yoodaa qatoyich shiichiꞌi qooditone. Yooseefichi shiijjeroo Minaasinaa Efreemina getaa gutte yoodi qoodeetone. Tunetaa Muusi Leweenaꞌoyich showoon imaanoone. Boonoshich icheto, boonoshi beeyemmi katemeenaꞌonaa ebi katemeenaꞌochi guudoona beeti, boonoshi gijjeenaꞌo mocoon maayemmi miinji gaddoona baachiye.