Hiziqeeli 44:8 - Kafa Linguistics Project

⁸ Ittoshich baach icheti yaafeeti ta mooyinaꞌon quyee qeejjoon qajjiichii ashi showee asheenaꞌo quyemmoyich ta yaafee kexooch boonoshin ukkiriihote itone’ gete.

Hiziqeeli 44:8 ပူးပေါင်းရင်းမြစ်များ

1 Kiinoo 23:32

Danee duukkaanoonaa yaafee kexonon shiimee beeheete. Wottoo boonoshi maneenaꞌo tuneti Haroonichi yareenaꞌon Doono Yeerichi yaafee kexeexi maddoona gaachee beeheete.

Hiziqeeli 44:14

Tunebaani yaafee kechi shuunoo bullin boonoshi shuunemmonaa aroochaa shuunee beeton ciini boonoshi shuuniyemmoyich boonoshin ukkiriyemmo taane” iye.

Hiziqeeli 44:16

Ta yaafee kexooch giyiree taach maddoyich ta madee aafooch giddemminaꞌone; ta getoonoo quyemminaꞌone.

Haddoo 18:7

Neennaa ne bushiishoona deejjee gudeexi maddoo bullinaa maccillaatee daggeexi qeeshittinee maddoo bullinon maddebote. Qeeshittinee maddoon ittoshich wojjoo tuniyaa immeto taane. Tunebaani bare asho arooch bi katinigaata qitibe” iye.

Haddoo 8:26

Aroyee gubb, danee duukkaanoochaa boonoshi maneenaꞌon gaachebeetani, boonoshi qelloona maddaayeete; illa Leweenaꞌochi maddoon ciinnii beetona ne dojjemmo ebiniye” iye.

Mishiraachechinaꞌo 7:53

Yeeri bi maraakeenaꞌo kishoona bi immiti sheeroon deqqiyote; tunetaa quyeyaachote” iye.

1 Ximootiyoosi 6:13

Bulli mooyoyich kashoon immiibeeti Yeeri aafooch, Fantoosechi Phelaaxoosi aafoochaa iberoon miixeti Kiristoos Yesuusi aafooch,

2 Ximootiyoosi 4:1

Kiristoos Yesuusi hini showooch wotteree taatemmo bi tunetoyich, Yeeri aafoochaa, kashechinaꞌonaa qititinaꞌonochi toommooch nallemmi Doono Yesuus Kiristoosi aafoochaanoo hini mooyon neech adereto taane: