Hiziqeeli 44:15 - Kafa Linguistics Project

¹⁵ Nuggishoo Doono Yeeri ishichiye: “Tunebaani Israꞌeelee macceenaꞌo ta waanee boonoshi wokkiyooba, ta yaafee kechi qociyoon quyeti Sadooqichi yareenaꞌo tuneti Lewee qeesheenaꞌo taach maddoyich ta waan katinnemminaꞌone; awuyonaa damoonochi deejjoon taach giddiyoyich ta aafooch neexemminaꞌone.

Hiziqeeli 44:15 ပူးပေါင်းရင်းမြစ်များ

2 Saameeli 8:17

Ebiyoommon wotta Akixuubi bushoo Sadooqinaa Abiyataari bushoo Ahimeleekina qeesheenaꞌone. Seraayiyoo taatoochi koorechone.

1 Taateenaꞌo 2:35

Taatoo Solomooni Yoꞌaabichi xaaꞌooch Yoyaadi bushoo Beenayin keriꞌi, bi ginee iraashoo tuniihe; Abiyataarichi xaaꞌoochoo qeeshoo Sadooqin keriye.

Erimiyaasi 33:18

Qeesheenaꞌo tuneti Leweenaꞌoochee micciibeeti deejjoon giddiyoyich, maayi buuroon michoyich, bare deejjoonoo deejjoyich, bulli aabooch ta aafooch neexemmi asho mucceyaachemmone” iye.

Hiziqeeli 14:11

Ebiyoo Israꞌeelee macceenaꞌo wotta tayee wohiree boonoshi muricaachemmonaa boonoshi axaaxoo bullina boonoshi eeꞌeyaachemmonoyichiye. Ebiyoo, boonoshiyoo taach maccoo boono tunemmoyich, tawoo boonoshich Nuggishoo ta tunemmoyichiye” iye Nuggishoo Doono Yeeri.

Hiziqeeli 40:45

Uroo taach: “Ebi deshi-waan wotteti kexo yaafee kexooch maddeebeeti qeesheenaꞌochone.

Hiziqeeli 40:46

Dambi-waan wotteti kexo wotta deejjee gudooch maddeebeeti qeesheenaꞌochone; eboshi Sadooqichi shiijjereenaꞌone; boonoshiyoo Doono Yeerich boonoshi maddemmoyich daaggeeti Leweenaꞌone” iye.

Hiziqeeli 43:19

Taach maddoyich ta waan giddeti Sadooqi yaroochee tuneti Lewee qeesheenaꞌoyich, axaaxee deejjoyich tunemmi gubbenoon immemmo neene, iye Nuggishoo Doono Yeeri.

Hiziqeeli 44:10

“Israꞌeeleenaꞌo ta waanee wokkiyooba boonoshi shahalloon dabbiꞌi ta waanee wokkiti Leweenaꞌoo boonoshi axaaxoon shaaggemminaꞌone.

Hiziqeeli 44:7

Taach deejjoo tuniiꞌi koshon, awuyonaa damoonon ittoshi giddiihooba boonoshi mulloonoo tuneba boonoshi achoona dokireyaani ashi showee asheenaꞌo ta yaafee kexooch boonoshi giyemmoyich, ta kexonoo boonoshi eeꞌiyemmoyich, tuniito ittoshine; ebin tuniyoona ciigiiti ittoshi moochi toommooch daakkiꞌi ta wogoon happiyote.

Hiziqeeli 48:11

Ebiyoo Israꞌeeleenaꞌo ta waanee wohiyooba Leweenaꞌo wohoommon wohaani, ta getoonoo quyeti Sadooqi yaroochee yaafeeti qeesheenaꞌoyich tunemmone.

Leweenaꞌo 3:3

Uro ebi ikkittinee deejjoochee, qaaqqooch michaa giddeebeeti deejjoon tuniiree Doono Yeeri taach giddiibe. Biyoo maacee meechi toommooch beeti awuyo bullin,

Haddoo 16:5

Qoraahinaa bi guuphinaꞌo bullinoyich ishichiye: “Doono Yeeri yaach maaddoona biicho tunetonaa yaafoonon bekkiyemmone; bi waanoo katichemmone; bi kaaccimmi ashoon bi waan bi katinnemmoyich tuniyemmone.

Haddoo 18:5

“Israꞌeeleenaꞌo toommooch kaaree shiixxoo wochinnoon bi kindaachemmoyich, Yaafe Xaaꞌoonaa deejjee gudoonon ittoshi quyebote.

Haddoo 18:7

Neennaa ne bushiishoona deejjee gudeexi maddoo bullinaa maccillaatee daggeexi qeeshittinee maddoo bullinon maddebote. Qeeshittinee maddoon ittoshich wojjoo tuniyaa immeto taane. Tunebaani bare asho arooch bi katinigaata qitibe” iye.

Yibbaatoo 10:8

Muusi daakkiꞌi ishichiye: “Arooba Doono Yeeri bi wogee taabootoon boonoshi shaaggemmoyich, bi aafooch neexeree boonoshi maddemmonaa bi shigoona boonoshi diiremmonoyich, Lewi yoodoon bariihe. Ebinoo hanaach beddaahaa tunii beetinaꞌone.

2 Ximootiyoosi 2:2

Meeti miixeenaꞌo aafoochaa ta getaa ne waayeti mooyo bullin, bareenaꞌoyich dojjoon hakkemmi gibeneeti asheenaꞌoyich wotta guudiibe.

Yaaꞌoo 2:1

“Efesooni kittinnee guuphi maraakoyich ishichi kooribe: Shabaatte xojjeneenaꞌon bi qanne kishoona yechito, aachoochee shuuneeti shabaatte maqirajjeenaꞌo daggoona shaꞌeebeeto ishichiye:

Yaaꞌoo 2:12

“Phergaamooni kittinnee guuphi maraakoyich ishichi kooribe: Gutte baddaa gayireeti aci goraadecho ishichiye:

Yaaꞌoo 2:18

“Tiyaxirooni kittinnee guuphi maraakoyich ishichi kooribe: Qaaqqee aaxxoon shaahiibeeti aafecho, qaaqqoona wociitaa shuuneeti gooshoochoommon wacciibeeti baatecho, Yeerichi Bushoo ishichiye:

Yaaꞌoo 2:8

“Semirineesi kittinnee guuphi maraakoyich ishichi kooribe: Ebiyee aaf qitito, wochinnoon kashecho tuneto, Shiichoonaa Tacona ishichiye:

Yaaꞌoo 3:1

“Sarideesi kittinnee guuphi maraakoyich ishichi kooribe: Yeerich maddeebeeti shabaatte ayaaneenaꞌon hajjii beetonaa shabaatte xojjeneenaꞌon bi kishoona yechitona ishichiye: Ne shuuneti shuunoon ariibeeto taane; kashechone getteebeeto neene; tunebaani qitito neene.

Yaaꞌoo 3:14

“Lodooqi kittinnee guuphi maraakoyich ishichi kooribe: Ameena getteeto, gibeneeti ibere miixoonaa bulli mooyon Yeeri biinna bi hallitona ishichiye:

Yaaꞌoo 3:22

Yaafe Ayaano kittinnee guuphinaꞌoyich gettii beeton waayeebeeti waajjecho waayebe” iye.

Yaaꞌoo 3:7

“Filaadelifi kittinnee guuphi maraakoyich ishichi kooribe: Yaafoonaa iberoona tuneto, Daawitichi qulfoon yechito, bi qechiton koniyoona hicaano, bi hicciton koniyoona qechaano ishichiye:

1 Saameeli 2:35

Ta mulleexonaa ta gaboonon ceechemmi, gibeneeti, ta qeeshoon taach kaaccemmo taane. Bi shiijjeroon meeti yemeenoon beeyemmo tuniyemmo taane. Biyoo ta huutteti taatoo aafooch bulli aaboon maddemmone.