Hiziqeeli 44:10 - Kafa Linguistics Project

¹⁰ “Israꞌeeleenaꞌo ta waanee wokkiyooba boonoshi shahalloon dabbiꞌi ta waanee wokkiti Leweenaꞌoo boonoshi axaaxoon shaaggemminaꞌone.

Hiziqeeli 44:10 ပူးပေါင်းရင်းမြစ်များ

Halloo 4:13

Qayeeli Doono Yeerich ishichiye: “Ta toommooch ne nalliti nalloo shaagon ta hakkaani, oogeti maggoone.

Nehimi 9:34

No taateenaꞌo, no ogoogeenaꞌo, nooch maddeebeeti ne qeesheenaꞌonaa no qaabbechinaꞌona ne sheeroon quyeyaaneenaꞌone; ne geteenaꞌonaa ne meeqqeqqeenaꞌonon waayeyaaneenaꞌone.

Shoddo 38:4

Ta axaaxoo taan qooxxitone; oogichiꞌi taach maggetone.

Shaahiyoo 11:31

Cadiqe asho showee toommoochaa bi shuunee gatiyoon danemmo bi tunegaata, axaaxechonaa xuꞌechona amooniye bi tunemmo!

Isiyaasi 53:11

Cadiqe ta guuno, bi kashe xuuxetoyee gubb, kasheechi bekkoon beegiree emiremmone; bi ariyoona meetinaꞌon cadiqiyemmone; boonoshi xuꞌoonoo shaaggemmone.

Erimiyaasi 23:11

“Keemechinaꞌonaa qeesheenaꞌona taach qeyaaneenaꞌo tunetinaꞌone; boonoshi gondoon ta kechi maacooch beddaahaa daneto taane” iye Doono Yeeri.

Hiziqeeli 14:11

Ebiyoo Israꞌeelee macceenaꞌo wotta tayee wohiree boonoshi muricaachemmonaa boonoshi axaaxoo bullina boonoshi eeꞌeyaachemmonoyichiye. Ebiyoo, boonoshiyoo taach maccoo boono tunemmoyich, tawoo boonoshich Nuggishoo ta tunemmoyichiye” iye Nuggishoo Doono Yeeri.

Hiziqeeli 22:26

Bi qeesheenaꞌo ta sheeroon shaaddeheete; ta yaafee kechi mooyinaꞌon eeꞌiiheete; yaafeetonaa yaafeyaanoonon bariyaacheete; xalloonaa eeꞌoonochi daggooch beeti barbarittinoon dojjaacheete; ta shambetoon qallayiyeete; ebina boonoshi daggoochaa qallayehoye.

Hiziqeeli 44:12

Shahalleenaꞌoyich goyinneebeeti asheenaꞌoyich boonoshi maddetoyich, Israꞌeelee yareenaꞌoyichoo axaaxee xugo boonoshi tunetoyich, ‘Boonoshi axaaxoon shaaggemminaꞌone’ iyaꞌa wogeto taane, iye Nuggishoo Doono Yeeri.

Hiziqeeli 44:15

Nuggishoo Doono Yeeri ishichiye: “Tunebaani Israꞌeelee macceenaꞌo ta waanee boonoshi wokkiyooba, ta yaafee kechi qociyoon quyeti Sadooqichi yareenaꞌo tuneti Lewee qeesheenaꞌo taach maddoyich ta waan katinnemminaꞌone; awuyonaa damoonochi deejjoon taach giddiyoyich ta aafooch neexemminaꞌone.

Hiziqeeli 48:11

Ebiyoo Israꞌeeleenaꞌo ta waanee wohiyooba Leweenaꞌo wohoommon wohaani, ta getoonoo quyeti Sadooqi yaroochee yaafeeti qeesheenaꞌoyich tunemmone.

Hosee'i 4:9

Qeesheenaꞌo asheenaꞌoyee baritinaꞌo tooneenaꞌone. Bullinolla boonoshi gommi gommoommona sheeremmo taane. Boonoshi shuuni shuunoommonoo qoccemmo taane.

Leweenaꞌo 19:8

Ebi aroochee maammi asho koniyoona, Doono Yeeri taach yaafeeti mooyon bi eeꞌitoyich, bi shuuneti axaaxoyich echeyemmone; bi asheenaꞌo daggoocheenoo kichaa yookkeyemmone.

Sofoniyaasi 3:4

Keemechinaꞌo geecechinaꞌonaa gibeneyaaneenaꞌonane; qeesheenaꞌo yaafoo tuneton eeꞌiiheete; sheeroonoo shaaddeheete.

Milikiyaasi 2:8

Tunebaani ittoshi ta gommoochee badd wotteto ittoshine; ittoshi dojjiibeeti doyoona meeti asheenaꞌoyich xugoon tuneto ittoshine. Lewina tookkaa ta giyeti wogoonoo happito ittoshine, iye Beshe Mawe Doono Yeeri.

Haddoo 18:23

Tunebaani Leweenaꞌo danee duukkaaneexi maddoon maddemminaꞌone. Aroochaa shuuneebeeti xuꞌoyich echeyemminaꞌone. Ebiyoo woyemmi ittoshi shiijjerooch beddaahaa doyoo tunemmone. Leweenaꞌo Israꞌeeleenaꞌo daggoochee iristoon woraashaachemminaꞌone.

Haddoo 5:31

Uroo xuꞌoochee xalloo tunemmone; tunebaani ure gondeti bi tunegaata, bi gondee naboona xuuxemmine’ gete” iye.

1 Ximootiyoosi 5:22

Ne kishoon ashi toommooch kotiiree koninolla afaafinoona ukkiriyaahine. Bareenaꞌo shuuneebeeti axaaxooch giyiree guuphiyaahine; kiinaalli xallittinoona ne qelloon quyebe.