Hiziqeeli 43:7 - Kafa Linguistics Project

⁷ Biyoo taach ishichiye: “Ashi bushoocho, Israꞌeelee macceenaꞌochi daggooch bulli aabooch ta kotemmi ta taatee qeenonaa ta neexemmi xaaꞌoona hinine; ebiyee bekk Israꞌeelee macceenaꞌonaa boonoshi taateenaꞌona yahoona, wottoo qititi boonoshi taateenaꞌoyich boonoshi tuniibeeti mooyona ta shigoon eeꞌiyaachemminaꞌone.

Hiziqeeli 43:7 ပူးပေါင်းရင်းမြစ်များ

1 Taateenaꞌo 8:13

Tawoo bulli yemeenoon ne beeyemmi, worganikkiti yaafee kexon neech haggeto taane” iye.

2 Taateenaꞌo 16:4

Akaazi guudi toommeexi goyinnee xaaꞌeenaꞌoochaa, geppeenaꞌonaa waajjechi michi baatoo bullinoochaa deejjoon deejjiye; ixaanoonoo shookkiye.

1 Kiinoo 28:2

Aroochee taatoo Daawiti tiyii neexeechii ishichiye: “Ta maneenaꞌonaa ta asheenaꞌonote, hach ellebote; Doono Yeerichi wogee taabooto kotemmonaa no Nuggishoochi baatoo kashemmonoyich kexon hagga ta mulloona gabiyoye; shuunoyichoo qaawii beeton qanniihoye.

Shoddo 132:14

Biyoo “Hini bulli yemeenoon ta beemi xaaꞌoone; hinin ta shunnetoyich hiniich beeyemmo taane.

Shoddo 46:5

Doono Yeeri ebi katemee daggooch bi beetoyich, are katemee koyaa aalleyaachemmine; haree maaddooch Yeeri biin gaachemmone.

Shoddo 47:8

Yeeri aageteenaꞌo toommooch taatehe; yaafe bi taatee qeenooch kotehe.

Shoddo 68:17

Doono Yeeri bi mattiqutte gaarinaꞌona Siinee, bi yaafee kexooch waahe.

Shoddo 68:18

Damba ne keyiyooba, neenna tookkii kecoon daammehine; hukkechinaꞌo waaneenolla echiyaanoon asheenaꞌo waanee wojjoon deqqehine; Nuggishoo Doono Yeeri ne, arooch beeyemmo neene.

Shoddo 99:1

Doono Yeeri taatehe; macceenaꞌoo qewebeete; kiruubeenaꞌochi toommeexi bi taatee qeenooch kotehe; showoo shuuribe.

Shoddo 99:5

No Nuggishoo Doono Yeerin galletebote; bi baatee dechiich goyinnebote. Bi yaafoone!

Keyo 25:8

“Boonoshi daggooch ta beeyemmoyich, yaafee duukkaanoon taach boonoshi shuunemmoyich tuniibe.

Keyo 29:45

Israꞌeeleenaꞌo daggooch beeyemmo taane; boonoshi Nuggishoonoo tunemmo taane.

Isiyaasi 6:1

Taatoo Uziyaahi qititi natooba, Doono Yeeri genjoonaa kaama hashekkimoona tuneti taatee qeenooch koteꞌi beeton beeggeho; bi qoreddee caappoo yaafee kexon ceennitone.

Isiyaasi 66:1

Doono Yeeri ishichiye: “Shimaayoo ta taatee qeenone; showoo ta baatoo neexxemmi xaaꞌoone; ishigaata taach ittoshi haggemmi kexo am shaahoone? Ta kashemmi xaaꞌochi amoommone?

Erimiyaasi 14:21

Ne shigoyicha geti noon hoxeyaahine; ne oogee qeenon cooniyaahine; noonna tookkii ne giyeti wogoon gabiballi happiyaahine.

Erimiyaasi 16:18

Ta showoon ciigiiti, dubenoommi boonoshi nuggisheenaꞌona boonoshi eeꞌitoyich, ta iristoon eeꞌeti mooyona boonoshi ceechitoyich, boonoshi xuꞌoonaa boonoshi axaaxoonochi gutte kishoon boonoshich qoccemmo taane” iye.

Erimiyaasi 17:12

No yaafee kexo beeti xaaꞌoo; wonnee tiijjiꞌi hashekkimiti guudi toommooch beeti oogee taatee qeenoommone.

Erimiyaasi 3:17

Ebiyooba Yerusaalemi Doono Yeerichi Taatee Qeeni, getaa ceekkemmine; aageteenaꞌo bulla arooch Doono Yeeri ta shigoon oogiyoyich Yerusaalem kiceyemminaꞌone; ebiyee bekk babbereree gonde boonoshi gaboo waan wotteyaachemminaꞌone.

Hiziqeeli 1:26

Boonoshiyee damba beeti gumoyee tookk sapiiroommi taatee qeechi shaahiyoo beetone; taatee qeechi toommoochoo ashoon shaahoo kotetone.

Hiziqeeli 10:1

Ciinnaa ta iyaa, ebiyoche kiruubeenaꞌochi qelloyee tookk beeti gumoyee tookk, sapiiroochee shuuneeti taatee qeenoommi mooyo beete.

Hiziqeeli 20:39

“ ‘Israꞌeelee macceenaꞌote, ittoshichon Nuggishoo Doono Yeeri ishichiye: Illa ebiyee bekk ta getoon waayeyaache ittoshi getigaata, ittoshi ikkikkoona hamiree ittoshi shahalloyich goyinnebote; tunebaani ebiyee bekk yaafe ta shigoon ittoshi buuroona, shahalloonoo eeꞌiyaachemmo ittoshine.

Hiziqeeli 39:7

“ ‘Yaafe ta shigo ta asheenaꞌo tuneti Israꞌeeleenaꞌochi daggooch arichemmoyich tuniyemmo taane; ebiyee bekk yaafe ta shigo naakkemmoyich tuniyaachemmo taane; aageteenaꞌo Doono Yeeri ta, Israꞌeelee Yaafoo ta tunoon ariyemminaꞌone.

Hiziqeeli 43:9

Andoo boonoshi yahoonaa qititi boonoshi taateenaꞌoyich boonoshi tuniibeeti mooyonon ta waanee wokkiibeete; tawoo boonoshi daggooch bulli aaboon beeyemmo taane” iye.

Hiziqeeli 48:35

“Bi guude gawo aaraa shimitte hume hiroo tunemmone; are aaboochee tiijji ebi katemee shigo Doono Yeeri Arooch Beeti Katemoo getteyemmone” iye.

Hiziqeeli 6:13

Wuxeeti boonoshi asheenaꞌo deejjee gudee guudooch beeti boonoshi shahallee daggooch, genje geppoo bullinaa guudo bullinochi toommooch, waajjechi mixo bullinaa wodde waajjechi meello bullinochi baatooch, shahalloyich shaawi cinnechi deejjoon boonoshi giddiiti xaaꞌoo bulliichoo boonoshi dihoon boonoshi beegiyooba, Doono Yeeri ta tunoon ariyemminaꞌone.

Hiziqeeli 6:5

Israꞌeeleenaꞌochi dubenoon boonoshi shahalleenaꞌo aafooch duppemmo taane; ittoshi shaawusheenaꞌon ittoshi deejjee gudeenaꞌochi guudooch shaccemmo taane.

Hosee'i 14:8

Efreemo, shahalleenaꞌoonaa taannon amo daniihe? Ne qolloon waayaabeeto, neenoo shiimaabeeto, taane; ta, waarwaariibeeti ciidee mixoommo taane; ne aafeebeeto taannane” iye.

Yoꞌeeli 3:17

“Arooba, yaafeeti Tsiyooni ta geppooch beeti, ittoshi Nuggishoo Doono Yeeri ta tunoon ariyemmo ittoshine. Ebiyooba Yerusaalemi yaafeeti tunemmine; dallaaweenaꞌo biin koyi wochaachemminaꞌone.

Leweenaꞌo 26:30

Guudi toommeexi ittoshi goyinnee xaaꞌoon happemmo taane; ixaanoon ittoshi giddiibeeti deejjee gudoon happi bajjemmo taane; ittoshi dubenoonoo dubenoochoommon dihiti ittoshi shahalleenaꞌo toommooch duppemmo taane; tawoo ittoshin tiyaaremmo taane.

Mikiyaasi 4:7

Baata sheqeenaꞌon curo tuneꞌi echetinaꞌo, xukkeꞌi bare showooch hammitinaꞌonoo aricheti aagetoo tuniyemmo taane. Aroobee aaboochee tiijjiree bulli yemeenoon, Tsiyooni guudi toommoochaa boonoshi toommooch taatemmo taane” iye.

Zakaariyaasi 13:2

Beshe Mawe Doono Yeeri ishichiye: “Ebiyooba shahalleenaꞌochi shigoon showee toommoochee aalliyemmo taane. Aroyee gubb, ciroona shalligeyaachemminaꞌone. Koote keemechinaꞌonaa gonde ayaaneenaꞌonon showoochee aalliyemmo taane.

Zakaariyaasi 13:3

Koniyoona keemoon bi keemigaata, bi indeenaa bi nihoona, ‘Doono Yeerichi shigoona kootoon keemmeto neene; ebich qitemmo neene’ gettemminaꞌone. Keemoon bi keemi gaatoo, biin shiyiti bi nihoonaa bi indeena biin kochemminaꞌone.

Yowannisi 1:14

Are Qaaro ashoon tunehe; Yeerichi wojjoonaa iberoona bi toommooch meettiꞌi bekketaa noonna tookkii beehe; bi Nihoyich ikke mixxe Bushoo bi tunetoyich, bi waanee bi deqqiti oogee yiiroon beeggehone.

Yowannisi 14:23

Yesuusi wochiꞌi biich ishichiye: “Taan shunniibeeto koniyoona bi beegaata, ta getteton ceechemmone; ta Nihoo biin shunnemmone; bi waanoo woyemmo noone; bi waanoo beeyemmo noone.

2 Qorontoosi 6:16

Yeerichi yaafee kexonaa shahalloonoyich amee danittino beete? No, beeyechi Yeerichi yaafee kexo noone; Yeeri ishichiye: “Boonoshina tookki beeyemmo taane; boonoshi daggooch shaꞌemmo taane; boonoshi Nuggishoo tunemmo taane; boonoshiyoo ta macceenaꞌo tunemminaꞌone” iye.

Yaaꞌoo 22:3

Ebiyee bekk hini are katemeech ufo beetaachemmone; Yeerinaa Bagoonochi taatee qeeno are katemee daggooch tunemmone; bi guuninaꞌo aroochaa biich goyinnemminaꞌone.