Hiziqeeli 43:26 - Kafa Linguistics Project

²⁶ Deejjee gudoon xalliyoyich shabaatte qemon yaafiyee qociyoon tuniyemminaꞌone; ebina deejjee gudo yaafeeto tunemmone.

Hiziqeeli 43:26 ပူးပေါင်းရင်းမြစ်များ

Keyo 29:24

Eboshi bullin Harooninaa bi anaami bushiisheenaꞌonochi kishooch gede. Doono Yeeri ta aafooch kaama tiijjaa giddeebeeti deejjoon tuniiree giddiibeete.

Keyo 32:29

Aroochee Muusi ishichiye: “Ittoshi anaami bushiisheenaꞌonaa ittoshi maneenaꞌonon wuxoona, Doono Yeerich maddoyich hanaach yaafeeto ittoshine; biyoo hanaach ittoshin diiritone” iye.

Hiziqeeli 43:20

Newoo bi damoochee daamiree deejjee gudee qareenaꞌooch, bi degee awudde shuutooch, guudoona beeti bi noonoochoo wucemmo neene; ebina deejjee gudoon xallii, yaafemmo neene.

Hiziqeeli 43:22

“Bi dechara axaaxee deejjoyich tunemmi, bachaalli emmishee baaddoon deejjoo giddiyemmo neene; deejjee gudoon gubbenoochi damoona ne xalliyoommon bi damoonoo xalliyemmo neene.

Hiziqeeli 43:25

“Shabaatte qemon, qemi qemona axaaxee deejjoyich tunemmi emmishee baaddoon giddiyemmo neene; gijjeenaꞌo daggoochee bachaalli ikke gubbenoonaa bagee baaddoona giddemmone.

Hiziqeeli 43:27

Ebi decinaꞌo ciiretoyee gubb, qeesheenaꞌo shimittinnee qemoochee tiijji asheenaꞌochi micciibeeti deejjoonaa ikkittinee deejjoonon, deejjee gudooch deejjemminaꞌone; tawoo boonoshin gaawe aafoona ciinnemmo taane, iye Nuggishoo Doono Yeeri” iye.

Hiziqeeli 45:18

Nuggishoo Doono Yeeri ishichiye: “Ikkinnee agenee batti batti qemooba bachaalli ikke gubbenoon deebe; yaafee kexonoo xalliibe.

Leweenaꞌo 8:33

Ittoshi qeeshittinee baaroo ciiremmi shabaatte qemi wottoon, danee duukkaanee kelloochee shuuriyaahote.

Leweenaꞌo 8:34

Ebi and hanaach no tuniito ittoshi axaaxoon maariyoyich, no tuniyemmoyich Doono Yeeri gettitone.