Hiziqeeli 43:20 - Kafa Linguistics Project

²⁰ Newoo bi damoochee daamiree deejjee gudee qareenaꞌooch, bi degee awudde shuutooch, guudoona beeti bi noonoochoo wucemmo neene; ebina deejjee gudoon xallii, yaafemmo neene.

Hiziqeeli 43:20 ပူးပေါင်းရင်းမြစ်များ

Keyo 29:12

Wurochi damoochee daamiree, ne yapheroona deejjee gudee qareenaꞌooch huute. Echeti damoon deejjee gudee baatooch ukkibe.

Keyo 29:36

Boonoshi axaaxoon maariyee deejjoyich qemi qemona ikke wuron taach giddii deejjibe. Ebi aroona deejjee gudoon xalliibe. Yaafeeto bi tunemmoyich, zayitoon huute.

Keyo 29:37

Ebinoo shabaatte qemi wottoon qemi qemona tuniibe. Ebina deejjee gudo oogeton yaafeeto tunemmone; bi achooch shaggimmo, asho tuneba amee mooyolla, yaafeeton tunemmone.

Hiziqeeli 43:14

Deejjee gudee baata beeti kuxo bi boꞌoochee tiijjii deshi degooch beddaahaa bi neexo gutte hiroo, bi maaco ikke hiroone; deshi degoochee dambee degooch beddaahaa bi neexo awudde hiroo, bi maacoo ikke hiroone.

Hiziqeeli 43:22

“Bi dechara axaaxee deejjoyich tunemmi, bachaalli emmishee baaddoon deejjoo giddiyemmo neene; deejjee gudoon gubbenoochi damoona ne xalliyoommon bi damoonoo xalliyemmo neene.

Hiziqeeli 43:26

Deejjee gudoon xalliyoyich shabaatte qemon yaafiyee qociyoon tuniyemminaꞌone; ebina deejjee gudo yaafeeto tunemmone.

Hiziqeeli 45:18

Nuggishoo Doono Yeeri ishichiye: “Ikkinnee agenee batti batti qemooba bachaalli ikke gubbenoon deebe; yaafee kexonoo xalliibe.

Hiziqeeli 45:19

Qeeshoo axaaxee deejjee damoochee daamiree yaafee kechi qoomeenaꞌooch, deejjee gudee degee awudde shuutoonaa maaci addibaabee kellee qoomeenaꞌonooch huute.

Leweenaꞌo 16:18

“Aroochee keyiree, Doono Yeeri ta aafooch beeti deejjee gudoon xalliyemmone. Wurochi damoonaa emmishoochi damoonoochee giishechoon daamiree, deejjee gudee guuxxi guuxxooch beeti qareenaꞌooch huute.

Leweenaꞌo 16:19

Ebi damoochee giishechoon bi kishee yapheroona shabaatte wottoon deejjee gudooch wucibe. Ebin tuniyoona Israꞌeeleenaꞌochi eeꞌoochee deejjee gudoon xalliyee yaafoon tuniibe.

Leweenaꞌo 4:25

qeeshoo ebi axaaxee deejjoyich giddeti gijjoochi damooch bi kishee yapheroon haciree daami, micciibeeti deejjoo giddeebeeti deejjee gudee qareenaꞌooch huute. Echeti damoon ebi are deejjee gudee xepphooch ukkibe.

Leweenaꞌo 4:30

qeeshoo ebi deejjoyich giddeti emmishee damooch bi kishee yapheroon haciree daami micciibeeti deejjoo giddeebeeti deejjee gudee qareenaꞌooch huute. Echeti damoon ebi are deejjee gudee xepphooch ukkibe.

Leweenaꞌo 4:34

qeeshoo ebi axaaxee deejjoyich giddeti bagee damooch bi kishee yapheroon haciree daami micciibeeti deejjoo giddeebeeti deejjee gudee qareenaꞌooch huute. Echeti damoon ebi are deejjee gudee xepphooch ukkibe;

Leweenaꞌo 8:14

Aroyee gubb, axaaxee deejjoyich tunemmi wuron deebiye. Harooninaa bi anaami bushiisheenaꞌona axaaxee deejjoyich giddeti ebi wurochi qellooch boonoshi kishoon kotiiheete.

Leweenaꞌo 8:15

Muusiyoo ebi wuron guuriye. Damoochee daammii, bi yapheroona deejjee gudee guuxxi guuxxooch beeti qareenaꞌooch huuttiꞌi deejjee gudoon xalliihe. Echeti damoon deejjee gudee baatooch ukkiye. Deejjee gudoon eechii xalliiꞌi yaafiye.

Leweenaꞌo 9:9

Bi anaami bushiisheenaꞌo damoon biich boonoshi giddiitaa, bi yapheroon damooch hacciꞌi, deejjee gudee qarooch huuttiye. Echeton deejjee gudee xepphooch ukkiye.