Hiziqeeli 42:5 - Kafa Linguistics Project

⁵ Toomma beeti kexinaꞌo daggi kexinaꞌonaa showeexi kexinaꞌonoyee beshe xebbeenaꞌone; ebiyoo gaaddaafeenaꞌo gaminnitoyichiye.

Hiziqeeli 42:5 ပူးပေါင်းရင်းမြစ်များ

Hiziqeeli 41:15

Aroochee yaafee kechi daaddooch, uxeree maaci ciinooch beeti kexonaa hachinaa okkinooch beeti beshe boocheenaꞌonochi gidoon bi hiretaa balle hiroo tunehe. Yaafee kechi beshe boocho, Yaafe Xaaꞌoo, Yaafe Xaaꞌeexi Yaafoo,

Hiziqeeli 41:7

Qojjeenaꞌo kasheti, yaafee kechi guudoona beeti duuheenaꞌoochee tiyitona, desh beeti kexoyee bi tookk beeti kexo beshi gaminoone; kexinaꞌoyich deshi kexoochee toommeexi kexooch daammiibeeti, daggi kexona besheti daqqello beetone.

Hiziqeeli 42:3

Maachi addibaabee godee ciinooch, maaci addibaaboochaa hiye hiroon wokkiꞌi beeti keejje kuxona shuuneeti kechi toommeexi kexinaꞌoyich, ciiniitaa shuuneeti gaaddaafeenaꞌo beetinaꞌone.

Hiziqeeli 42:6

Maachi addibaabeexi kexinaꞌo giimbechinaꞌone; tunebaani hinoshi giimbaalleenaꞌone; ebiyoo keejje kuxona kechi toommooch kexo tuniitaa boonoshi hakketoyichiye; ebich tookk beeti kexinaꞌo daggeexinaꞌonaa dech beetinaꞌonoyee beshe xebbeenaꞌone.