Hiziqeeli 42:13 - Kafa Linguistics Project

¹³ Uro aroochee taach ishichiye: “Shokkaache xaaꞌee ciinooch dambi-waaninaa deshi-waaninooch beeti kexinaꞌo, Doono Yeer waan giddeebeeti qeesheenaꞌo oogichii yaafeeti deejjee maayoon boonoshi maabeeti kexinaꞌone. Are xaaꞌoo yaafeeto bi tunetoyich, oogichii yaafeeti mooyinaꞌon, eboshiyoo maayi buuroon, axaaxee deejjoonaa xuꞌee deejjoonon arooch kotiyemminaꞌone.

Hiziqeeli 42:13 ပူးပေါင်းရင်းမြစ်များ

Nehimi 13:5

Biyoo, ebiyee aaf Leweenaꞌoyich, shoddechinaꞌonaa kellechinaꞌonoyich, sheeroo gettii beetoommon, icheti maayee buuro, ixaano, yaafee kechi qiiceenaꞌo, asraato icheebeeti maayo, woyinoonaa zayitoona, wotta qeesheenaꞌoyich icheti wojjoo koteebeeti ooge gatoon qanniiꞌi, Xobbiyich immitone.

Keyo 29:31

“Harooninaa bi bushiisheenaꞌonon qeesheenaꞌo tunii ukkiriyee baaree bagee baaddoochi meenon daamiree yaafoo tuneti xaaꞌoochaa kiiye.

Hiziqeeli 40:38

Gimi kelleexi beshe boochee gaꞌooch, gishiishi kexinaꞌonaa boonoshi shaaqqeenaꞌona beetinaꞌone; ebi aroochaa micciibeeti deejjoo machee beetone.

Hiziqeeli 40:46

Dambi-waan wotteti kexo wotta deejjee gudooch maddeebeeti qeesheenaꞌochone; eboshi Sadooqichi shiijjereenaꞌone; boonoshiyoo Doono Yeerich boonoshi maddemmoyich daaggeeti Leweenaꞌone” iye.

Hiziqeeli 41:12

Yaafee kechi addibaabee ciinooch, aabi-gimo waan, bi maaco shabe hiroo tuneti kexo beetone; ebi kechi duukki taggoo uuche hiroo, bi gidoo yixene hiroone.

Hiziqeeli 42:1

Aroochee uro damba beeti addibaabooch taan daammiye; maachi addibaaboona, dambi-waani yaafee kechi addibaabee ciinoonaa dambi-waan beeti kechi ciinoonooch beeti kexinaꞌooch taan deebiye.

Hiziqeeli 42:10

Deshi-waanaa maachi addibaabee xaqqee uxeree gaꞌooch, shokkaache xaaꞌoonaa kexonochi ciinooch, bare kexinaꞌo beetinaꞌone.

Leweenaꞌo 10:17

“Ebi axaaxee deejjoon yaafoo tuneti xaaꞌoochaa amoyich maataachote? Ebi deejjoo oogeti yaafoone. Asheenaꞌochi axaaxoon shaagiree Doono Yeeri aafoochaa boonoshich maaroon ittoshi daniyemmoyich ittoshich ichetone.

Leweenaꞌo 10:3

Muusiyoo Haroonich ishichiye: “Doono Yeeri gettito ebine: ‘Ta waan giddee beetinaꞌo daggoochaa ta yaafittinoon bekkiyemmo taane; asheenaꞌo bulli aafoochaa oogemmo taane’ bi ito ebine” iye. Harooniyoo cikkii qajjiye.

Leweenaꞌo 14:13

Bagee baaddoon axaaxee deejjoonaa micciibeeti deejjoona guureebeeti, yaafe xaaꞌoochaa guuribe. Ebiyoo axaaxee deejjoochoommon xuꞌee deejjoo qeeshoocho bi tunetoyichiye. Ebi aroo oogeti yaafoone.

Leweenaꞌo 2:10

Maayi buuroochee echeto Harooninaa bi anaami bushiishoonoyich tunebe. Doono Yeeri taach deejjeeti maayoochee tiijjeeto bi tunetoyich oogeti yaafoone.

Leweenaꞌo 2:3

Maayi buuroochee echeto Harooninaa bi anaami bushiishoonoyich tunebe. Doono Yeeri taach giddeti maayoochee tiijjeeto bi tunetoyich, oogeti yaafoone.

Leweenaꞌo 21:22

Ebiyoommi asho buuro tuniitaa taach giddeti, yaafoonaa oogeti yaafoona tuneti maayoochee mamon hakkiye.

Leweenaꞌo 24:9

Ebi kosho Haroonich, bi shiijjeroyichoo tunemmone. Qaaqqooch michaa, Doono Yeeri taach giddeebeeti deejjoochee oogichii yaafeeton tuneti boonoshi qoodoo bi tunetoyich, ebi aroon yaafoo tuneti xaaꞌoochaa mameete; ebiyoo bulli yemeenee doyoone” iye.

Leweenaꞌo 6:19

Doono Yeeri Muusich ishichiye:

Leweenaꞌo 6:29

Qeesheenaꞌo yaroochee tuneti anaamo bulli aroochee maayemmone; ebiyoo oogeti yaafoone.

Leweenaꞌo 7:1

“ ‘Xuꞌoyich giddeebeeti deejjoon giddiyee qocoo ebine: Ebiyoo oogeti yaafoone.

Leweenaꞌo 7:6

Qeesheenaꞌochi yaroochee tuneti anaamo bulli aroochee maayemmone. Yaafoo tuneti xaaꞌoochaa mameete. Ebiyoo oogeti yaafoone.

Haddoo 16:40

Ebin bi tuniito, qeeshoo woyee Haroonichi shiijjeroo tunetaano, Doono Yeeri aafooch ixaanoon shookka bi giddeyaachemmoyich, gidderee, Qoraahinaa bi guuphinaꞌonochi daannoon bi deꞌaachemmoyich, Israꞌeeleenaꞌoyich shalligichoo bi tunemmoyichiye. Ebi bullin bi tuniito, Doono Yeeri Muusina biich bi gettitoommoniye.

Haddoo 16:5

Qoraahinaa bi guuphinaꞌo bullinoyich ishichiye: “Doono Yeeri yaach maaddoona biicho tunetonaa yaafoonon bekkiyemmone; bi waanoo katichemmone; bi kaaccimmi ashoon bi waan bi katinnemmoyich tuniyemmone.

Haddoo 18:7

Neennaa ne bushiishoona deejjee gudeexi maddoo bullinaa maccillaatee daggeexi qeeshittinee maddoo bullinon maddebote. Qeeshittinee maddoon ittoshich wojjoo tuniyaa immeto taane. Tunebaani bare asho arooch bi katinigaata qitibe” iye.

Yibbaatoo 21:5

Lewichi shiijjereenaꞌo tuneti qeesheenaꞌo wotta arooch hambeete. Ebiyoo asho ikkoo baroon xuꞌaa, taggeebeeti taggoon nallemminaꞌo boonoshi tunetoyichiye; wotta ne Nuggishoo Doono Yeeri biich boonoshi maddemmonaa bi shigoona boonoshi diiremmonoyich boonoshin bi kaaccitoyichiye.