Hiziqeeli 41:6 - Kafa Linguistics Project

⁶ Ebi kexinaꞌo ikkoochi toommooch ikkoo tuniitaa keejje yaaroona shuuneetinaꞌone; ikke yaarooch shaashe kexo beetone; kechi toommeexi kexinaꞌochi qojjeenaꞌo arooch kashemmi xaqqee duuho yaafee kechi guudoona beetone; ebich ebi qojjeenaꞌon yaafee kechi duukki toommooch kashiyoo qaawiyaanoone.

Hiziqeeli 41:6 ပူးပေါင်းရင်းမြစ်များ

1 Taateenaꞌo 6:10

Yaafee kechi maachaa tuggiiꞌi, boonoshi neexo uuchi uuche hiroo tuneti kexon shuunehe; eboshinoo yaafee kexona tookkii yigee michi maammoona yeshiihe.

Hiziqeeli 40:17

Aroochee maachi addibaabooch taan deebiye; ebiyoche addibaabee guudoona kexinaꞌonaa xaqqoona hecceti godoona beetinaꞌone; hecceti godee gaꞌooch shaashe kexinaꞌo beetinaꞌone.

Hiziqeeli 41:5

Yaafee kechi duuhoon bi qeelletaa bi taggoo shiritte hiroo tunehe; yaafee kechi guudo bullina beeti kexinaꞌo bullichi maaco awudde hiroone.

Hiziqeeli 42:6

Maachi addibaabeexi kexinaꞌo giimbechinaꞌone; tunebaani hinoshi giimbaalleenaꞌone; ebiyoo keejje kuxona kechi toommooch kexo tuniitaa boonoshi hakketoyichiye; ebich tookk beeti kexinaꞌo daggeexinaꞌonaa dech beetinaꞌonoyee beshe xebbeenaꞌone.

1 Pheexiroosi 1:5

Ittoshi mulloon Kiristoosi toommooch ittoshi tooꞌii beetoyich, yemeenee ciirooba bekkeya qanniti wodoyich Yeerichi giidoona quyeeꞌi beeto ittoshine.