Hiziqeeli 41:22 - Kafa Linguistics Project

²² Mixoochee shuuneti deejjee gudee neexo keejje hiroo, bi gidoo gutte hiroo, bi maaco gutte hiroone; bi shuutoo, bi baatoonaa bi naaboona mixoochee shuuneetone; biyoo taach “Ebi Doono Yeeri aafooch beeti madelloone” iye.

Hiziqeeli 41:22 ပူးပေါင်းရင်းမြစ်များ

1 Taateenaꞌo 6:20

Ebi Yaafe Xaaꞌeexi Yaafee gidoo hiye hiroo, bi maaco hiye hiroo, bi neexo hiye hiroone; ebinoo xalle aachoona dikkehe; wotta yigee mixoochee shuuneeti deejjee gudoon aachoona dikkehe.

1 Taateenaꞌo 6:22

Yaafee kechi maaco bullin aachoona dikkehe; maaci Yaafe Xaaꞌeexi Yaafee ciinooch beeti deejjee gudee achoo bullinoo aachoona dikkehe.

1 Taateenaꞌo 7:48

Solomooni Doono Yeerichi yaafee kexoyich tunemmi qiiceenaꞌo bulli shuuneyemmoyich tuniihe; eboshiyoo: Aachee deejjee gudo; yaaree kosho kotemmi aachee madelloo;

2 Kiinoo 4:19

Solomooni Yeerichi yaafee kexoyich tunemmi qiiceenaꞌo bulli aachoochee boonoshi shuuneyemmon tuniihe; eboshiyoo, aachee deejjee gudo, yaaree kosho kotemmi madelleenaꞌo,

Keyo 25:23

“Madelloon geellee mixoochee shuunebe. Ebi madelloo bi gidoo gutte hiroo, bi maaco ikke hiroo, bi neexo ikke hiraa qato tunebe.

Keyo 30:8

ceecheenaꞌon bi aaxxiibeeti xumi xumoonoo ixaanoon shoohe. Ebiyoo, gubbi ittoshi shiijjeroo bulliich beddaahaa, ixaano Doono Yeeri ta aafooch bulli aaboon bi cufemmoyichiye.

Shaahiyoo 9:2

Maaꞌoon bashiyan; woyinee uyoon duuchahan; maayi madoonoo qanniihan.

Solomooni 1:12

Taatoo bi qeenooch teeqqeꞌi bi beetaa, ta shittee cinno kexon bullehe.

Hiziqeeli 23:41

Gaawe qeenooch koteheete; boonoshi aafoochoo ta ixaanoonaa ta zayitoonooch beddaahaa beeti gaawi gaawe mooyinaꞌo beeti madoon kotiiheete.

Hiziqeeli 44:16

Ta yaafee kexooch giyiree taach maddoyich ta madee aafooch giddemminaꞌone; ta getoonoo quyemminaꞌone.

Leweenaꞌo 24:6

Eboshin shiritti shirittoon ikke yaaroona gediree, Doono Yeeri ta aafooch beeti, xalle aachoochee shuuneeti madellooch qeene.

Milikiyaasi 1:12

“Tunebaani ittoshi ‘Doono Yeerichi madoo eeꞌoone; bi maayo hoxeetone’ getona ta shigoon kettiihote.

Milikiyaasi 1:7

“Ta shigoon ittoshi giishiito, deejjee gudooch eeꞌe maayoon giddiyoonane. ‘Ne shigoon no eeꞌiito amoonane?’ ii echehote; ‘Doono Yeerichi madoo hoxeetone’ ittoshi getonane.

1 Qorontoosi 10:21

Doono Yesuus Kiristoosichi xoofoochee uyibee, yinneenaꞌo xoofoochee wotta uyon hakkaachote; Doono Yesuus Kiristoosichi madoochee maabee, yinneenaꞌochi madoochee wotta mamon hakkaachote.

Yaaꞌoo 3:20

Ebiyoche, kellooch neexaachaa kelloon qoppaabeeto taane; koniyoona ta qaaroon waayeꞌi bi kelloon bi qechigaata, bi waan giyemmo taane; biinna tookki gifiroon maayemmo taane; biyoo taanna tookki maayemmone.

Yaaꞌoo 8:3

Bare maraakoo ixaano shookkeebeeti aachee qiicoon yechii waaꞌi, deejjee gudee gaꞌooch neexehe. Taatee qeechi aafooch beeti, aachoochee shuuneeti deejjee gudee toommooch yaafeenaꞌo bullichi corootoona tookki bi giddiyemmi dofee ixaano biich ichehe.