Hiziqeeli 41:18 - Kafa Linguistics Project

¹⁸ kiruuboonaa yeebbee michi misiloona shicheetone; yeebbee michi misilo, kiruuboonaa kiruuboonochi daggooch beetone; kiruubo bi ikkikkoona aafoochaa gutti gutte shaahechone.

Hiziqeeli 41:18 ပူးပေါင်းရင်းမြစ်များ

1 Taateenaꞌo 6:35

Eboshi toommooch kiruubeenaꞌon, yeebbee mixinaꞌonaa aapphiti mocee bungeenaꞌonochi shaahiyoon shachiye; gaawichiꞌi aachoona dikkehe.

1 Taateenaꞌo 7:29

Okki goconaa hachi goconooch beeti qoomeenaꞌo daggeexi, yake goosheenaꞌo toommooch kiruubeenaꞌon, daahereenaꞌonaa gatteenaꞌonochi shaahiyoona qecaaqeceeti misileenaꞌo beetinaꞌone. Daahereenaꞌonaa gatteenaꞌonochi misileenaꞌo toommonaa deshinooch beeti qoomeenaꞌooch qiicaa shuuneeti, mocee bungee gubbichee shaahiyeenaꞌo beetinaꞌone.

1 Taateenaꞌo 7:36

Ebi qoomeenaꞌonaa yake goosheenaꞌonochi daggooch beeti baade xaaꞌoo bulli kiruubeenaꞌona, daahereenaꞌonaa yeebbeenaꞌonochi shaahiyoona shacheetone. Ebiyoommon wotta boonoshi guudooch mocee bungee gubbichee shaahiyeenaꞌo beetinaꞌone.

2 Kiinoo 3:5

Yaafee kechi kellin ciidee mixona tajjiihe; gaawe aachoonoo dikkiihe. Yeebbee michi shaahiyoonaa sansalatee shaahiyoononoo shuuniihe.

2 Kiinoo 3:7

Daabbeenaꞌon, kashiyeenaꞌon, kellee shaaqqeenaꞌonaa qoomeenaꞌonon aachoona dikkiihe. Daabbeenaꞌoochoo kiruubeenaꞌon shuuniihe.

Hiziqeeli 1:10

Boonoshi shaahoo, aafaa ashoommo, qanne baddaa daaheroommo, yooche baddaa gattoommo, gubbaa booyoommone.

Hiziqeeli 10:14

Ebi kiruubeenaꞌo boonoshi ikkikkoyich awudd awudde shaahoo beetone; batti batticho bi shaahiibeeto kiruuboon, guttinnoo ashoon, keejjinnoo daaheroon, awuddinnoo booyon shaahoone.

Hiziqeeli 10:21

Boonoshi ikkikkoyich awudde shaahoonaa awudde qoshoona beetone; boonoshi qoshee dechiich ashi kishoommi kishoo beetone.

Hiziqeeli 40:16

Kellechinaꞌochi kexinaꞌonaa duuheenaꞌonochi maaci guudoona mallee kelleenaꞌo beetinaꞌone; wottoo beshe boochee maacaa guudoona mallee kelleenaꞌo beetinaꞌone; duuheenaꞌooch yeebbee michi misilo shicheetone.

Hiziqeeli 40:22

Mallee kelleenaꞌo, beshe boocheenaꞌonaa yeebbee michi misileenaꞌona aabi-keyo waani kelloona tookkii shaaheenaꞌone; arooch daammiibeeti shabaatte daqqeenaꞌo beetinaꞌone; maac beshe boocheenaꞌo beeto addibaabee ciinoochiye.

Hiziqeeli 41:17

Kelleenaꞌochi tookki duuho maacinaa maachina ebiyoommon kaappetone; maacinaa daggoonooch beeti kexinaꞌo bulliich

Hiziqeeli 41:20

Godoochee tiijjiꞌi shaaqqoyee tookk beddaahaa daabbooch kiruuboonaa yeebbee mixinaꞌonochi misileenaꞌo shicheetinaꞌone.

Hiziqeeli 41:25

Duuhooch shicheetoommi kiruubeenaꞌonaa yeebbee michi misiloona ebi yaafee kechi shaaqqeenaꞌooch shicheetone; maach waan beeti beshe boochee aafooch shaaqqoo tongafeetone.

Yaaꞌoo 7:9

Aroyee gubb ciinneho; areegaata aagetoo bulliichee, ashi yoodo bulliichee, ashi yaroo bulliichee, asho yibbaateebeeti noonoo bulliichee kiceeti, haddaa ciyaani dofee asheenaꞌon beeggeho. Nacce tahoon tahee yeebbee waamon yechiꞌi taatee qeenonaa Bagoonochi aafooch neexeheete.