Hiziqeeli 40:45 - Kafa Linguistics Project

⁴⁵ Uroo taach: “Ebi deshi-waan wotteti kexo yaafee kexooch maddeebeeti qeesheenaꞌochone.

Hiziqeeli 40:45 ပူးပေါင်းရင်းမြစ်များ

1 Kiinoo 6:49

Tunebaani Harooninaa bi shiijjeroona micciibeeti deejjee gudoonaa ixaanee deejjee gudoonooch deejjoon giddii beeheete. Boonoshiyoo Yaafe Xaaꞌeexi Yaafoochaa maddeebeeti maddoonaa Yeeri Israꞌeeleenaꞌochi axaaxoon bi maaremmoyich giddeebeeti deejjoonochi toommooch ukkireenaꞌone. Ebin Yeerichi guuno Muusi gettitoommon tuniiꞌi shuunee beeheete.

1 Kiinoo 9:23

Ebina boonoshinaa boonoshi shiijjeroona Doono Yeerichi kexo tuneti danee duukkaanooch giijjiibeeti kellooch kellechinaꞌo tuneheete.

2 Kiinoo 13:11

Maaddi maaddoonaa womikki womikkoona Doono Yeerich, micciibeeti deejjoonaa cinnechi ixaanoonon giddii beetinaꞌone. Yaaree koshonoo xalle madellooch kotii beetinaꞌone. Xum xumoon boonoshi aaxxemmoyich aachee ceechee kotoon qannii beetinaꞌone. No, no Nuggishoo Doono Yeerichi getoon quyaabeeto noone; tunebaani ittoshi qajjito ittoshine.

Shoddo 134:1

Doono Yeerichi kexooch xumoona neexee maddeebeeti, Doono Yeerichi maddechinaꞌote, Doono Yeerin galletebote.

Hiziqeeli 40:17

Aroochee maachi addibaabooch taan deebiye; ebiyoche addibaabee guudoona kexinaꞌonaa xaqqoona hecceti godoona beetinaꞌone; hecceti godee gaꞌooch shaashe kexinaꞌo beetinaꞌone.

Hiziqeeli 40:38

Gimi kelleexi beshe boochee gaꞌooch, gishiishi kexinaꞌonaa boonoshi shaaqqeenaꞌona beetinaꞌone; ebi aroochaa micciibeeti deejjoo machee beetone.

Hiziqeeli 44:11

Tunetaa boonoshi ta yaafee kechi kelloon quyoona, micciibeeti deejjoonaa asheenaꞌo giddiibeeti deejjoonoyich giddeebeeti gijjeenaꞌon guuroon, wottoo asheenaꞌoyich maddoona yaafee kechi maddechinaꞌon tunemminaꞌone.

Hiziqeeli 44:15

Nuggishoo Doono Yeeri ishichiye: “Tunebaani Israꞌeelee macceenaꞌo ta waanee boonoshi wokkiyooba, ta yaafee kechi qociyoon quyeti Sadooqichi yareenaꞌo tuneti Lewee qeesheenaꞌo taach maddoyich ta waan katinnemminaꞌone; awuyonaa damoonochi deejjoon taach giddiyoyich ta aafooch neexemminaꞌone.

Hiziqeeli 45:4

Showoo bulliyee beshoon yaafeeton tunemmone; ebiyoo yaafee kexooch maddeebeeti, Doono Yeerich maddoyich waabeeti qeesheenaꞌoyich tunemmone; ebi xaaꞌoo qeesheenaꞌochi kechi xaaꞌoonaa yaafee kexoyich kechiti xaaꞌoonon tunemmone.

Hiziqeeli 8:5

Yeeriyoo “Ashi bushoocho, dambi-waan ciine” iye; ebiyoche deejjee gudee kellooch, dambi-waan gimi kellooch ciinnaa ta iyaa, ebi qanaatoon tiijjiibeeti shahalloo beete.

Leweenaꞌo 8:35

Shabaatte qemi wottoon xumoonaa areddoonon Doono Yeeri gettiton tuniibee, danee duukkaanee kellooch beebote. Ebi tuno qayigaata, qitemmo ittoshine. Doono Yeeri taach gettito ebine” iye.

Haddoo 18:5

“Israꞌeeleenaꞌo toommooch kaaree shiixxoo wochinnoon bi kindaachemmoyich, Yaafe Xaaꞌoonaa deejjee gudoonon ittoshi quyebote.

Haddoo 3:32

Leweenaꞌo toommooch ukkiroo, qeeshoo Harooni bushoo Elazaarine. Biyoo Yaafe Xaaꞌooch maddee beetinaꞌo toommooch ukkiroone.

Haddoo 3:38

Muusi, Harooninaa bi bushiishoona yaafee duukkaanoo beetoochaa aabi-keyo waan danee duukkaanee ciinooch boonoshi kaamboon gedi kotemminaꞌone. Boonoshiyoo Israꞌeeleenaꞌochi qoodoyich yaafee duukkaanoochaa maddemminaꞌone. Bare asho arooch bi katinigaata, qitemmone.

1 Ximootiyoosi 6:20

Ximootiyooso, Yeeri neech guudiiꞌi bi immiti mooyon quyebe. Yeerin oogiyaani moochaalli yibbaatoochee, kootoon ariyoo shaahiiꞌi wonaaxiyee yibbaatoochee wohe.

Yaaꞌoo 1:6

bi Nuggishoonaa bi Nihoona tuneti Yeerich maddeebeeti qeeshoonaa bi taatee ashoonon noon tuniiti Yesuus Kiristoosich bulli yemeenoon oogee yiiroonaa giidoona tunebe. Ameena.