Hiziqeeli 40:39 - Kafa Linguistics Project

³⁹ Aroochaa micciibeeti deejjoo, axaaxee deejjoonaa xuꞌee deejjoona guureebeeti gutte madelleenaꞌo kelleexi beshe boochooch beetinaꞌone.

Hiziqeeli 40:39 ပူးပေါင်းရင်းမြစ်များ

Isiyaasi 53:10

Biiyoona bi yexxeyemmoyich Doono Yeeri daaggiye; bi kashoon axaaxee deejjoo bi tuniitoyee gubb, bi yaroon beeggemmone; bi eeno genjemmone; Doono Yeerichi daaggoo bi kishoona ceennemmone.

Isiyaasi 53:5

Tunebaani bi, no xuꞌee naboona kochee mayehe; no axaaxee naboona yiikkeehe; bi naxeetaa no wodoon danehone; bi mayona no wodiyone.

Hiziqeeli 40:40

Dambi-waan beeti kellee gimooch, daqqee gaꞌooch ikke baddaa guttoo wotta bare baddaa guttoo tuneti madelleenaꞌo beetinaꞌone.

Hiziqeeli 40:41

Ebina deejjee gijjeenaꞌo guureebeeti shimitte madelleenaꞌo, eboshiyoo awudde madelleenaꞌo kechi maac, wotta awuddeenaꞌo kechi maach beetinaꞌone.

Hiziqeeli 40:42

Micciibeeti deejjoyich, xareeti xaqqoochee shuuneeti awudde madelleenaꞌo beetinaꞌone. Ebi madelleenaꞌo boonoshi gidoo ikke hiraa qato, boonoshi maaco ikke hiraa qato, boonoshi neexo ikke hiroone; eboshi toommooch micciibeeti deejjoonaa bare deejjoonoyich giddeebeeti gijjeenaꞌo guureebeeti qiico kotee beetone.

Hiziqeeli 41:22

Mixoochee shuuneti deejjee gudee neexo keejje hiroo, bi gidoo gutte hiroo, bi maaco gutte hiroone; bi shuutoo, bi baatoonaa bi naaboona mixoochee shuuneetone; biyoo taach “Ebi Doono Yeeri aafooch beeti madelloone” iye.

Hiziqeeli 42:13

Uro aroochee taach ishichiye: “Shokkaache xaaꞌee ciinooch dambi-waaninaa deshi-waaninooch beeti kexinaꞌo, Doono Yeer waan giddeebeeti qeesheenaꞌo oogichii yaafeeti deejjee maayoon boonoshi maabeeti kexinaꞌone. Are xaaꞌoo yaafeeto bi tunetoyich, oogichii yaafeeti mooyinaꞌon, eboshiyoo maayi buuroon, axaaxee deejjoonaa xuꞌee deejjoonon arooch kotiyemminaꞌone.

Hiziqeeli 44:16

Ta yaafee kexooch giyiree taach maddoyich ta madee aafooch giddemminaꞌone; ta getoonoo quyemminaꞌone.

Hiziqeeli 46:2

Iraashoo maach waan beeti beshe boochoona giyiree kellee qoomee gaꞌooch neexebe; qeesheenaꞌoo micciibeeti bi giddiiti deejjoonaa ikkittinee deejjoonon deejjibeete. Iraashoo kelloochaa goyinnebe; ebiyee gubboo keye; tunebaani kello xumemmi wottoon hichaaye.

Leweenaꞌo 5:15

“Ikke asho Doono Yeeri taach yaafeeti mooyoyich gibeneyaano tuneꞌi diqqoona axaaxoon bi shuunegaata, bi gijjoochee bachaalli bagee baaddoon xuꞌee deejjoyich Doono Yeeri taach giddiibe. Ebi bagee baaddoochi gatiyoo yaafee kechi machoona qocaa xure birewoona ichebe. Ebiyoo xuꞌee deejjoone.

Leweenaꞌo 5:19

Ebiyoo xuꞌee deejjoone; biyoo Doono Yeeri ta aafoochaa gondeto bi tunetoyich xuqqitone” iye.

Leweenaꞌo 6:6

Bi gijjoochee bachaalli bagee baaddoon xuꞌee deejjoon tunii Doono Yeeri taach imiree, qeeshoo waan deebe; bi gatiyoo machoona qoccetoommon tunebe.

Milikiyaasi 1:12

“Tunebaani ittoshi ‘Doono Yeerichi madoo eeꞌoone; bi maayo hoxeetone’ getona ta shigoon kettiihote.

Milikiyaasi 1:7

“Ta shigoon ittoshi giishiito, deejjee gudooch eeꞌe maayoon giddiyoonane. ‘Ne shigoon no eeꞌiito amoonane?’ ii echehote; ‘Doono Yeerichi madoo hoxeetone’ ittoshi getonane.

2 Qorontoosi 5:21

Kiristoosicho no tunoona Yeerichi cadiqoo no toommooch bi tunemmoyich, axaaxoon shuunee ariyaano toommooch Yeeri no axaaxoon shaakkiihe.