Hiziqeeli 40:22 - Kafa Linguistics Project

²² Mallee kelleenaꞌo, beshe boocheenaꞌonaa yeebbee michi misileenaꞌona aabi-keyo waani kelloona tookkii shaaheenaꞌone; arooch daammiibeeti shabaatte daqqeenaꞌo beetinaꞌone; maac beshe boocheenaꞌo beeto addibaabee ciinoochiye.

Hiziqeeli 40:22 ပူးပေါင်းရင်းမြစ်များ

1 Taateenaꞌo 6:29

Yaafee kechi daabbo bulliich, ebiyoo yaafe xaaꞌee daabboonaa Yaafe Xaaꞌeexi Yaafee daabboonooch, kiruubeenaꞌon, yeebbee mixinaꞌonaa aapphiti mocee bungeenaꞌonochi shaahiyoon shachiye.

1 Taateenaꞌo 6:32

Zayitee mixoochee shuuneeti gutte kellee shaaqqeenaꞌo toommooch kiruubeenaꞌon, yeebbee mixinaꞌonaa aapphiti mocee bungeenaꞌonochi qecaaqecoon shachiye; shaaqqeenaꞌon, shacheeti kiruubeenaꞌonaa yeebbee mixinaꞌonon aachoona dikkehe.

1 Taateenaꞌo 6:35

Eboshi toommooch kiruubeenaꞌon, yeebbee mixinaꞌonaa aapphiti mocee bungeenaꞌonochi shaahiyoon shachiye; gaawichiꞌi aachoona dikkehe.

1 Taateenaꞌo 7:36

Ebi qoomeenaꞌonaa yake goosheenaꞌonochi daggooch beeti baade xaaꞌoo bulli kiruubeenaꞌona, daahereenaꞌonaa yeebbeenaꞌonochi shaahiyoona shacheetone. Ebiyoommon wotta boonoshi guudooch mocee bungee gubbichee shaahiyeenaꞌo beetinaꞌone.

1 Taateenaꞌo 7:4

Ciineenaꞌo tuneti gutte daabbeenaꞌo boonoshi ikkikkoona keejje yaaroona shuuneeti mallee kellechinaꞌone.

2 Kiinoo 3:5

Yaafee kechi kellin ciidee mixona tajjiihe; gaawe aachoonoo dikkiihe. Yeebbee michi shaahiyoonaa sansalatee shaahiyoononoo shuuniihe.

Hiziqeeli 40:16

Kellechinaꞌochi kexinaꞌonaa duuheenaꞌonochi maaci guudoona mallee kelleenaꞌo beetinaꞌone; wottoo beshe boochee maacaa guudoona mallee kelleenaꞌo beetinaꞌone; duuheenaꞌooch yeebbee michi misilo shicheetone.

Hiziqeeli 40:25

Bareenaꞌochoommon gimi kelloonaa beshe boochoonoyich mallee kelleenaꞌo guudoona beetinaꞌone; beshe boocho bi gidoo aache hiroo bi maaco hiyaa uuche hiroone.

Hiziqeeli 40:26

Arooch daammiibeeti shabaatte daqqeenaꞌo beetinaꞌone; maac beshe boocheenaꞌo beeto addibaabee ciinoochiye; duukki toommooch okkinaa hachinon tuniitaa shicheeti yeebbee michi misileenaꞌo beetinaꞌone.

Hiziqeeli 40:29

Kellechinaꞌochi kexo, duuhoonaa beshe boochoona bareenaꞌona tatoone; gimi kelloonaa beshe boochoonochi guudoona mallee kelleenaꞌo beetinaꞌone; bi gidoo aache hiroo bi maaco hiyaa uuche hiroone.

Hiziqeeli 40:31

Beshe boocheenaꞌo maachi addibaabeenaꞌona tookkii ciineenaꞌone; duuhooch yeebbee michi misilo shicheetone; arooch daammiibeeti shimitte daqqeenaꞌo beetinaꞌone.

Hiziqeeli 40:34

Bi beshe boocho maachi addibaaboo waan wottetone; duuheenaꞌooch okkinaa hachinoochaa yeebbee michi misilo shicheetone; arooch daammiibeeti shimitte daqqeenaꞌo beetinaꞌone.

Hiziqeeli 40:37

Beshe boocho maachi addibaaboona ciinoone; duuhooch, okkinaa hachinooch yeebbee michi misileenaꞌo shuuneetinaꞌone; arooch daammiibeeti shimitte daqqeenaꞌo beetinaꞌone.

Hiziqeeli 40:49

Beshe boochee gidoo hiye hiroo, bi maacoo aaraa gutte hiroone; arooch daammiibeeti aashire daqqeenaꞌo beetinaꞌone; hachinaa okkinooch ikkikke giimbeenaꞌo qoomee gaꞌooch beetinaꞌone.

Hiziqeeli 40:6

Aroochee aabi-keyo waan wotteti kellooch hammiye; daqqelloon kechiꞌi shaaqqee shagoon bi qeelletaa ikke yaaboon tunehe.

Hibireena'o 6:1

Kiristoosichi mooyon gettiibeeti aafi wocho, ebiyoo axaaxoochee xalliyoon hakkaani, gaacaalli doyoochee wotteꞌi, Yeeri toommooch mulloon tooꞌiyeechon, aacona afaalleyeechon, kishoon ashi toommooch kotiyeechon, qititinaꞌo timichon, Yeeri nallemmi bulli yemeenee nalleechon dojjoone. Ebi are aafi doyoon wochii wochii geton qayiichi, mullechi ariiti asheenaꞌoyich tunemmi doyooch beshebone.

Yaaꞌoo 7:9

Aroyee gubb ciinneho; areegaata aagetoo bulliichee, ashi yoodo bulliichee, ashi yaroo bulliichee, asho yibbaateebeeti noonoo bulliichee kiceeti, haddaa ciyaani dofee asheenaꞌon beeggeho. Nacce tahoon tahee yeebbee waamon yechiꞌi taatee qeenonaa Bagoonochi aafooch neexeheete.