Hiziqeeli 39:21 - Kafa Linguistics Project

²¹ “Ta oogoon aageteenaꞌo daggoochaa bekkiyemmo taane; aageteenaꞌo bulliyoo ta nalliti nalloon, boonoshi toommooch ta tiijjiti ta mochoon beeggemminaꞌone.

Hiziqeeli 39:21 ပူးပေါင်းရင်းမြစ်များ

Shoddo 32:4

Areddoon tuneba xumoon, ne kishoo ta toommooch bi maggetoyich, qaawee gaamoo shuuꞌiiti mooyochoommon, ta hakkoo shoohimiye.

Shoddo 94:10

Aageteenaꞌon sheeriibeeto, asheenaꞌoyich ariyoon dojjiibeeto, naxeyaachehe?

Keyo 14:4

Tawoo Farooni mulloon ta muumiitaa, ittoshin yoohi dabbemmone. Tunebaani Farooninaa bi ginee naayo bullinochi toommooch ta oogo bekkemmone. Gibitseenaꞌo Doono Yeeri ta tunoon ariyemminaꞌone” iye. Israꞌeeleenaꞌo boonoshich getteetoommon tuniiheete.

Keyo 7:4

ittoshi getaa waayeyaachemmone. Ebiyee gubb, Gibitseenaꞌo toommooch giidechi ta mochoon bekkii, oogeti naxoona boonoshin naxeree, ta asheenaꞌo tuneti Israꞌeeleenaꞌon boonoshi yoodi yoodee yaaroona tuniiree, Gibitsee kichemmo taane.

Keyo 8:19

Kaayechinaꞌoo Faroonich “Hini mooyo Nuggishoo shuunoone” iyeete. Farooni mullo andoo muumoone. Doono Yeeri gettitoommon, Muusinaa Haroonina gettiton waayeyaanoone.

Keyo 9:16

tunebaani kashoona ne beeyemmoyich ta tuniito, ta giidoon neech ta bekkiyemmonaa ta shigo showee toommo bulliich bi arichemmonoyichiye.

Isiyaasi 26:11

Doono Yeero, ne mochoo kaama tiyitone; tunebaani ne etteenaꞌo beegaaneenaꞌone. Ne asheenaꞌoyich am shaahoon ne qanaataabeeto gaata, ciiniree yeellebeete; boonoshich ne qanniiti qaaqqoo, ne etteenaꞌon mame.

Isiyaasi 37:20

Andoo no Nuggishoo Doono Yeero, showee taateenaꞌo bullichi Nuggishoo, Doono Yeeri ne ikkeeto baach ne tunoon boonoshi ariyemmoyich, bi kishoochee noon wodiibe” iye.

Hiziqeeli 36:23

Aageteenaꞌo daggoochaa naakkeeti, boonoshi daggoochaa ittoshi naakkiiti, yaafe ooge ta shigee yaafittinoon bekkiyemmo taane; boonoshi aafoochaa ta yaafittinoon ittoshina ta bekkiihooba aageteenaꞌo Doono Yeeri ta tunoon ariyemminaꞌone; Nuggishoo Doono Yeeri ta, ebin getteto taane.

Hiziqeeli 38:16

Showoon guuppiibeeti quboochoommon ta asheenaꞌo tuneti Israꞌeeleenaꞌochi toommooch woyemmo neene; Googo, gubbi yemeenooch ta showoon ne kochemmoyich neen deebemmo taane; ebiyoo neenna ta yaafittinoon boonoshi aafoochaa ta bekkiihooba, aageteenaꞌo taan ariyemmoyichiye.

Hiziqeeli 38:23

Ebina ta oogoonaa ta yaafittinoonon bekkiyemmo taane; meeti aageteenaꞌoyichoo taan arichiyemmo taane; aroochee ta, Doono Yeeri ta tunoon ariyemminaꞌone.

Hiziqeeli 39:13

Showee asheenaꞌo bulliyoo boonoshin duukkemminaꞌone; ta oogoon ta bekkiyemmi aabooba Israꞌeeleenaꞌoyich oogoon tunemmone; Nuggishoo Doono Yeeri ta, ebin getteto taane.

Mikiyaasi 2:9

Ta asheenaꞌochi maacheenaꞌon boonoshi shuni kexinaꞌoochee yookkii kichiyote. Boonoshi bushiisheenaꞌo toommoochee ta oogee yiiroo bulli yemeenoon bi tiyemmoyich tuniihote.

Milikiyaasi 1:11

“Aabi keyoochee aabi gimooch beddaahaa beeti aageteenaꞌo ta shigoon oogii beetinaꞌone. Bulli xaaꞌoochaa ta shigoyich ixaanoon shookkiibee xalle deejjoon taach giddii beetinaꞌone. Boonoshi bulliyoo ta shigoon oogii beetinaꞌone” iye Beshe Mawe Doono Yeeri.

Milikiyaasi 1:5

Ebinoo Israꞌeeleenaꞌo boonoshi aafoona beeggemminaꞌone. Boonoshiyoo “Israꞌeelee showoyee maachaanolla Doono Yeeri giidechone” gettemminaꞌone.

1 Saameeli 5:11

Yeeri boonoshin oogichiꞌi bi naxetoyich, wotta qitoo katemoo bullin woddiiꞌi bi keqqichitoyich, asheenaꞌo Filsixeemee taateenaꞌo bullin ceeggii kiciꞌi ishichiyeete: “Israꞌeelee Nuggishoochi taabootoon daachiibote; noonnaa no asheenaꞌonon bi wuxaachemmoyich, bi xaaꞌooch wottebe” iyeete.

1 Saameeli 5:7

Ashidoodi asheenaꞌo ebin boonoshi beeggiyooba, ishichiyeete: “Israꞌeelee Nuggishoo noonnaa no nuggishoo Daagooninon naxetone. Ebich taabooto no waan beeyaaye” iyeete.

1 Saameeli 6:9

manjii ciinote. Bi showoo waan, ebiyoo Beet Shemeesh waan bi hamigaata, ebi naxoon no toommooch deebito, Israꞌeelee Nuggishoone getone. Tunebaani ebi tuno qayigaata, hini mooyo no toommooch bi shaggito baad cikkiinani, bi noon naxetaa tunee bi qayon ariyemmo noone” iyeete.