Hiziqeeli 39:18 - Kafa Linguistics Project

¹⁸ Bashaani showeexi awujjiti ogooge bagee baaddoonaa gishiishi bagee baaddoonochi, emmishoonaa gubbenoonochi meenon mamoommon giidechinaꞌochi meenon maayemmo ittoshine; iraasheenaꞌochi damoonoo uchemmo ittoshine.

Hiziqeeli 39:18 ပူးပေါင်းရင်းမြစ်များ

Shoddo 22:12

Meeti gubbenoochoommon etto taan giichitone; Bashaanee showeexi giidechi gubbeneenaꞌochoommon ta guudoona guudditone.

Shoddo 68:30

Kohee daggooch beeti cooxoommi showoon noggebe; maaminaꞌonaa gubbeneenaꞌonon shaahiibeeti taatee showeenaꞌon, noggebe. Bulliyona yitiree boonoshi birewoon neech boonoshi giddiyemmoyich tuniibe; koyoona emiriibeeti macceenaꞌon shace.

Isiyaasi 34:6

Doono Yeeri Botsiraa deejjoon, Edoomaa oogeti meechi bashoon bi qanniitoyich, Doono Yeerichi goraado damoona muureetone; awuyonoo michitone. Deejjee bagee baaddoonaa emmishoonochi damoon, ooge bagee baaddoochi yeyitee awuyonoo michitone.

Isiyaasi 34:7

Edoomi asheenaꞌo gaahoochoommon, gubbenoonaa bariyoonochoommon dihemminaꞌone; showoo damoona wooremmone; awuyonoo michemmone.

Erimiyaasi 46:5

Shattii gubb wottee beetinaꞌone; boonoshi ginee naayinaꞌoo koyaa dihii beetinaꞌone; gubb cuqeyaanoon afaafinoona xuupphii beetinaꞌone. Hiniichoo, okk ebiichoo, keqqoo beetone. Ebin ta beeggaabeeto amoyichiye? iye Doono Yeeri.

Erimiyaasi 50:11

Doono ishichii beetone: “Ta hajjoon boggii beetinaꞌote, ittoshi emiritoyich, emiroona ittoshi wucwuccitoyich, gaddooch beeti gidereen ittoshi shaahitoyich, ittoshi coonderetoyich, giidechi hareshoochoommon ittoshi gashigishitoyich,

Erimiyaasi 50:27

Bi gubbeneenaꞌo bullin guuribote; guuree xaaꞌooch desh kindibeete; boonoshi naxeyemmi yemeeno, boonoshi aabo shaggitoyich boonoshich woowo!

Erimiyaasi 51:40

Bagee bushiisheenaꞌochoommon, bagee baaddeenaꞌonaa emmishee baaddeenaꞌonochoommon, guuree xaaꞌooch boonoshin deebemmo taane.

Hiziqeeli 29:5

Neennaa ne aaceexi haasheenaꞌo bullinon barahooch yugemmo taane; ne meeshoo gaddoochani bi echemmo duukkeyaachemmo neene; shimaajji gaceenaꞌonaa kubbi cooxinaꞌonoyich maayoon tuniiree neen immemmo taane.

Hiziqeeli 34:17

“ ‘Nuggishoo Doono Yeeri ta ishichiyoye: Ta bageenaꞌote, bagoonaa bagoonochi daggooch, bagee baaddeenaꞌonaa emmisheenaꞌonochi daggooch nallemmo taane.

Hiziqeeli 34:8

Nuggishoo Doono Yeeri ta ishichaabeeto taane; beeyecho ta tunoona wogehoye; ta bageenaꞌoyich qiddoo aalletoyich, ta qiddeenaꞌo ta bageenaꞌon qaawoo boonoshi qajjitoyich, qiddeenaꞌo ta bageenaꞌon shiimee yesho qajjiichii boonoshi qelloon boonoshi shiimetoyich, kubbi cooxona kayeetinaꞌone; boonoshichoo maayo tunetinaꞌone.

Hiziqeeli 39:19

Ittoshich ta qanniiti deejjee gifiroochee ittoshi michimmi wottoon awuyon maayemmo ittoshine; ittoshi mashemmi wottoon damoon uchemmo ittoshine.

Amootsi 4:1

Bashaani beeti, shiimetaa yecheti miiminaꞌo aangoommon aangiti Shamaari genneenaꞌote, ebin waayebote! Ittoshi, hakka guutoon xuqqiyote; girechonoo giishiihote. Ittoshi keneenaꞌon “Uyoon nooch ittoshi deebaa uyone” iyote.

Yibbaatoo 32:14

Gurimoon miimoochee, ejjoonoo emmishoochee, aangechi bagoonaa emmishoonon, Bashaanee gaaweti bagee baaddoon, gaawe teepphoonaa woyinee uyoonon ittoshich maanjii uchiye.

Yaaꞌoo 19:21

Echetinaꞌoo hareshoon yebbetochi kookkoochee kechiibeeti aci goraadoona kochee qitiyeete; gaceenaꞌo bulliyoo boonoshi meenon maa michiyeete.