Hiziqeeli 38:8 - Kafa Linguistics Project

⁸ Meeti yemeenoyee gubb ceekkemmo neene; gubbi natinaꞌooch koyoona tiisheechii batt qaalliibeeti Israꞌeelee showoon kochemmo neene. Ebi showoo, bi asheenaꞌo meeti aageteenaꞌo daggoochee kicaa waa, meeti yemeenoon shokko echeti Israꞌeelee guudinaꞌooch koteti showoone; boonoshiyoo aageteenaꞌo daggoochee waaꞌi, and bulliyona diggoona arooch kotetinaꞌone.

Hiziqeeli 38:8 ပူးပေါင်းရင်းမြစ်များ

Halloo 49:1

Ebiyee gubb, Yaaqobi bi anaami bushiishoon ceekkiiꞌi ishichiye: “Ikkooch ittoshi kiceechaa, gubb ittoshi ikkikkoo toommooch shaggemmi mooyon getona.

Keyo 20:5

Aroyichoo goyinne maddeyaahine. Ne Nuggishoo Doono Yeeri ta, qanaatechi Nuggishoo taane; taan shixxii beetinaꞌon, niheenaꞌo shuuneti axaaxee naboyich, keejjinnee shiijjeroonaa awuddinnee shiijjeroonooch beddaahaa boonoshi bushiisheenaꞌon naxaabeeto taane.

Isiyaasi 24:22

Qoppeenaꞌo oppee maaceexi cuyee kexooch kiceyoommon boonoshiyoo kiceyemminaꞌone; cuyee kexoochoo hichemminaꞌone; meeti aaboyee gubb naxeyemminaꞌone.

Isiyaasi 29:6

Beshe Mawe Doono Yeeri, gigoon, showee qewoon, ooge qaaroon, yubee yongoon, showee shuuroonaa ciroona aalliibeeti qaaqqoonon deejjiree neen wodiyemmone.

Isiyaasi 8:9

Aageteenaꞌote, koyooch kiceebote; tunebaani tiishemmo ittoshine. Wohi showooch beetinaꞌote, bulla ellebote; ginee koyoyich qannibote; tunebaani keqqibote. Eeha, ginee koyoyich qannibote; tunebaani keqqibote.

Erimiyaasi 23:6

Bi taatee yemeenooch Yihudee asheenaꞌo wodemminaꞌone; Israꞌeeleenaꞌo keqqaalloon beeyemminaꞌone. Bi ceeggeyemmoo ‘No Cadiqoo Doono Yeeri’ getenane.

Erimiyaasi 30:18

“Doono Yeeri ishichiye: Yaaqobichi duukkaanee kecoon wochemmo taane; bi beemi xaaꞌoyichoo ariqqemmo taane; katemoo wochinnoon bi xoobooch shuuneyemmone; taatee kexoo wonnee bi xaaꞌooch neexemmone.

Erimiyaasi 30:3

Ebiyoche ta asho tuneti Israꞌeeleenaꞌonaa Yihudee asheenaꞌonon ta wochemmi aabo woyemmone, iye Doono Yeeri. Boonoshi qaabbechinaꞌoyich ta immeti showooch boonoshin deebemmo taane; boonoshiyoo aroon wochinnoon hajjemminaꞌone, iye Doono Yeeri” iye.

Erimiyaasi 32:37

Ta kaaroonaa ta ippoona, ooge ta naxoonoo boonoshin ta yookketi showoo bulliichee boonoshin kicemmo taane; hini xaaꞌoochoo wochi deebemmo taane; keqqaalloon boonoshi beeyemmoyich tuniyemmo taane.

Erimiyaasi 32:5

Biyoo Sedeqiyaasin Baabloonee showooch daammemmone; bi waan ta waammi wottoon arooch beeyemmone, iye Doono Yeeri. Baabloonee asheenaꞌona tookkii ittoshi koyetaanona ittoshich kaameyaachemmone, itone’ iyine” iye.

Erimiyaasi 33:16

Ebiyoobee yemeenooch Yihudee showeexi maccoo wodemmone; Yerusaalemi katemeexi asho diggoona beeyemmone; katemoo ceekkemmo ‘Doono Yeeri No Cadiqoone’ getenane” iye.

Erimiyaasi 48:47

“Tunebaani ciiree yemeenooch Moꞌabichi kecoon wochemmo taane, iye Doono Yeeri” iye. Moꞌabi toommooch maacheti nalloo ebi wottoone.

Erimiyaasi 49:39

“Tunebaani gubbi yemeenooch Elaamee showee kecoon wochemmo taane” iye Doono Yeeri.

Shoosho 4:22

Tsiyooni asheenaꞌote, ittoshi xuꞌee naxo ciiretone; Doono Yeeriyoo ebiyee bekk ittoshi kecceyemmoyich tuniyaachemmone. Tunebaani Edoomi asheenaꞌote, ittoshi xuꞌoyich naxeyemmo ittoshine; ittoshi axaaxoo xalla bekkemmone.

Hiziqeeli 28:26

Keqqaalloon kotemminaꞌone; kexinaꞌon haggemminaꞌone; woyinoonoo bechemminaꞌone. Boonoshin hoxeebeeti giyeenaꞌo bulli toommooch ta nalliyooba, keqqaalloon kotemminaꞌone; ebina boonoshi Nuggishoo Doono Yeeri ta tunoon ariyemminaꞌone” iye.

Hiziqeeli 34:13

Aageteenaꞌo daggoochee boonoshin kichemmo taane; boonoshi hajjee showooch boonoshin deebemmo taane; Israꞌeelee guudinaꞌochi toommoochaa, aacinaꞌochi gashoochaa, asheenaꞌo gafiti showee toommo bulliichaa boonoshin quye maanjemmo taane.

Hiziqeeli 38:14

“Ebich ashi bushoocho, Googi toommooch ishichi keemoon keembe; Nuggishoo Doono Yeeri ishichiye: ‘Ta asheenaꞌo tuneti Israꞌeeleenaꞌo diggoona boonoshi beehooba, ne tiyemmo neene.

Hiziqeeli 38:16

Showoon guuppiibeeti quboochoommon ta asheenaꞌo tuneti Israꞌeeleenaꞌochi toommooch woyemmo neene; Googo, gubbi yemeenooch ta showoon ne kochemmoyich neen deebemmo taane; ebiyoo neenna ta yaafittinoon boonoshi aafoochaa ta bekkiihooba, aageteenaꞌo taan ariyemmoyichiye.

Hiziqeeli 39:26

Boonoshin shatiyemmo aalloon boonoshi showooch diggoona boonoshi kotehooba, boonoshi cooneyoonaa taach gibeneyaano boonoshi tunoonon battemminaꞌone.

Imbaaqoomi 2:3

kooriree ne kotiyemmo, yaaꞌoo ceennemmo and tuno bi qajjitoyichiye; tunebaani ebi yaaꞌoo ceennemmi aabo afaafinoona waa beetone; ebi iberoone. Yagemmo bi shaahitaanona haaꞌiiree quyebe. Iberoon ceennemmone; ciroona yagaachemmone.

Haddoo 24:14

Andoo ebiyoche ta asheenaꞌo waan hammaabeeto taane. Eke ne waatee, hini asheenaꞌo woyemmi yemeenooch ne asheenaꞌo toommooch boonoshi tuniyemmon neech getone” iye.

Yibbaatoo 4:30

Iritoo ittoshi toommooch shagiyooba, ebi mooyo bulli ittoshi toommooch tunehooboo ciiroochaa ittoshi Nuggishoo Doono Yeer waan wotteree biich deꞌa gettemmo ittoshine.

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.