Hiziqeeli 38:23 - Kafa Linguistics Project

²³ Ebina ta oogoonaa ta yaafittinoonon bekkiyemmo taane; meeti aageteenaꞌoyichoo taan arichiyemmo taane; aroochee ta, Doono Yeeri ta tunoon ariyemminaꞌone.

Hiziqeeli 38:23 ပူးပေါင်းရင်းမြစ်များ

Shoddo 9:16

Doono Yeeri dayinnetechi nalloona bi qelloon arichiihe; gondeenaꞌo boonoshi gonde shuunoona olleeheete.

Keyo 14:4

Tawoo Farooni mulloon ta muumiitaa, ittoshin yoohi dabbemmone. Tunebaani Farooninaa bi ginee naayo bullinochi toommooch ta oogo bekkemmone. Gibitseenaꞌo Doono Yeeri ta tunoon ariyemminaꞌone” iye. Israꞌeeleenaꞌo boonoshich getteetoommon tuniiheete.

Isiyaasi 25:3

Ebich giidechi asheenaꞌo neen oogiyemminaꞌone; maacmanje aageteenaꞌochi katemeenaꞌo neech shattemminaꞌone.

Hiziqeeli 20:41

Aageteenaꞌo waanee ittoshin ta kichiyooba, ittoshi shaceti showoo bulliichee ittoshin ta kiciyooba, gaawe cinnechi mooyon shaahiiree ittoshin ciinnemmo taane; aageteenaꞌo ciini beetaa ittoshi daggooch ta yaafittinoon bekkiyemmo taane.

Hiziqeeli 20:42

Ittoshi qaabbechinaꞌoyich imoyich wogoon ta giyeti Israꞌeelee showooch ittoshin wochaa ta deebiyooba, Doono Yeeri ta tunoon ariyemmo ittoshine.

Hiziqeeli 28:22

‘Nuggishoo Doono Yeeri ishichiye: Sidoone, ne toommooch tiyeto taane; ne daggoochaa oogoon danemmo taane; ne toommooch ta nalliyooba, ta yaafittinoonoo ne daggooch ta bekkiihooba asheenaꞌo Doono Yeeri ta tunoon ariyemminaꞌone.

Hiziqeeli 28:25

Nuggishoo Doono Yeeri ishichiye: “Israꞌeelee macceenaꞌon boonoshi shaceti aageteenaꞌo daggoochee ta kiciyooba, aageteenaꞌo ciini beetaa boonoshi daggoochaa ta yaafittinoon ta bekkiihooba, ta guuno Yaaqobich ta immeti boonoshi hajjee showooch kotemminaꞌone.

Hiziqeeli 36:23

Aageteenaꞌo daggoochaa naakkeeti, boonoshi daggoochaa ittoshi naakkiiti, yaafe ooge ta shigee yaafittinoon bekkiyemmo taane; boonoshi aafoochaa ta yaafittinoon ittoshina ta bekkiihooba aageteenaꞌo Doono Yeeri ta tunoon ariyemminaꞌone; Nuggishoo Doono Yeeri ta, ebin getteto taane.

Hiziqeeli 37:28

Ta yaafee kexo boonoshi daggooch bulli aaboon bi tunehooba, ta, Israꞌeeleenaꞌon yaafiibeeti Doono Yeeri ta tunoon aageteenaꞌo ariyemminaꞌone, itone’ gete” iye.

Hiziqeeli 37:6

Maqqoonaa meenonon ittoshich imiree achee gooqqoona qeremmo taane; ittoshi kashooch kashee hiinnoon giijjemmo taane; kashoonoo beeyemmo ittoshine; ta, Doono Yeeri ta tunoon ariyemmo ittoshine’ gete” iye.

Hiziqeeli 38:16

Showoon guuppiibeeti quboochoommon ta asheenaꞌo tuneti Israꞌeeleenaꞌochi toommooch woyemmo neene; Googo, gubbi yemeenooch ta showoon ne kochemmoyich neen deebemmo taane; ebiyoo neenna ta yaafittinoon boonoshi aafoochaa ta bekkiihooba, aageteenaꞌo taan ariyemmoyichiye.

Hiziqeeli 39:13

Showee asheenaꞌo bulliyoo boonoshin duukkemminaꞌone; ta oogoon ta bekkiyemmi aabooba Israꞌeeleenaꞌoyich oogoon tunemmone; Nuggishoo Doono Yeeri ta, ebin getteto taane.

Hiziqeeli 39:21

“Ta oogoon aageteenaꞌo daggoochaa bekkiyemmo taane; aageteenaꞌo bulliyoo ta nalliti nalloon, boonoshi toommooch ta tiijjiti ta mochoon beeggemminaꞌone.

Hiziqeeli 39:27

Macceenaꞌo daggoochee boonoshin wochii ta deebiyooba, boonoshi etteenaꞌochi showoochee boonoshin ta kiciyooba meeti aageteenaꞌo aafoochaa boonoshina ta yaafittinoon bekkiyemmo taane.

Hiziqeeli 39:7

“ ‘Yaafe ta shigo ta asheenaꞌo tuneti Israꞌeeleenaꞌochi daggooch arichemmoyich tuniyemmo taane; ebiyee bekk yaafe ta shigo naakkemmoyich tuniyaachemmo taane; aageteenaꞌo Doono Yeeri ta, Israꞌeelee Yaafoo ta tunoon ariyemminaꞌone.