Hiziqeeli 38:22 - Kafa Linguistics Project

²² Biiyoona, bi damoon ukkoonoo bi toommooch nallemmo taane; yattoon, xaqqoommi baderoon, qaaqqoonaa waageroonon, biinnaa bi ginee naayinaꞌonochi, wottoo biinna tookkii beeti meeti asheenaꞌochi toommooch kindiyemmo taane.

Hiziqeeli 38:22 ပူးပေါင်းရင်းမြစ်များ

Halloo 19:24

Arooba Doono Yeeri waageroo micciibeeti qaaqqoon shimaayoochee Sodoominaa Gomoorinochi toommooch amichittinoon dichiye.

Shoddo 11:6

Gondeenaꞌo toommooch, qaaqqee bunoonaa waageroonon amiyochoommon dichemmone; gaame yongo boonoshi ixee qoodoo tunemmone.

Isiyaasi 28:17

Nalloon qeellee woderoo, cadiqoonoo tumbin tuniyemmo taane; ‘Noon shoobi wodiyemmone’ iꞌi ittoshi gibeneebeeti kootoon baderoo hidemmone; ittoshi aashee xaaꞌoon aaco qooxxemmone” iye.

Isiyaasi 29:6

Beshe Mawe Doono Yeeri, gigoon, showee qewoon, ooge qaaroon, yubee yongoon, showee shuuroonaa ciroona aalliibeeti qaaqqoonon deejjiree neen wodiyemmone.

Isiyaasi 34:3

Boonoshi daggoochee guureetinaꞌo maach duppemminaꞌone; boonoshi dubenee shaaꞌo hooggemmone; guudinaꞌo boonoshi damoon tahemminaꞌone.

Isiyaasi 66:16

Meeno taheto bulli toommooch Doono Yeeri qaaqqoona, goraadoonoo nallemmone; Doono Yeeri meeti asheenaꞌon wuxemmone” itone.

Erimiyaasi 25:31

Doono Yeeri aageteenaꞌona tookki taggemmi taggoo bi beetoyich, bi qaaro showee tuggooch beddaahaa shaggemmone; meeno taheto bullin nallooch giddiyemmone; gondeenaꞌonoo goraadoyich tuniyemmone’ gete” iye Doono Yeeri.

Hiziqeeli 13:11

booroon dikkee beetinaꞌoyich dihemmo bi tunoon gete; amiyoo dudemmone; baderee gaagoo kindemmone; yubee yongoo gaakkemmone.

Hiziqeeli 28:23

Kupphe biiyoon ittoshi toommooch deejjemmo taane; gomminaꞌooch damoo ufemmoyich tuniyemmo taane; ittoshi guudo bulliichee waabeeti goraadoona ittoshi daggoochee asheenaꞌo qitemminaꞌone. Ebina boonoshi Doono Yeeri ta tunoon ariyemminaꞌone’ gete” iye.

Hiziqeeli 39:6

Magooginaa baharee gasheexi showooch keqqaalloon kotetinaꞌonochi toommooch qaaqqoon kindiyemmo taane; ebina Doono Yeeri ta tunoon ariyemminaꞌone.

Hiziqeeli 5:17

Shaacoonaa gonde cooxinaꞌonon ittoshi toommooch deejjemmo taane; ittoshi bushiisheenaꞌon aalliyemminaꞌone; biiyo, ashi damee ukkoo ittoshi showoon yexxemmone; ittoshi toommooch ginoon deebemmo taane; Doono Yeeri ta, ebin getteto taane” iye.

Yoꞌeeli 3:2

Aageteenaꞌo bullin kiciree, Yoshafaaxi bambooch daammemmo taane. Ta asheenaꞌo tuneti Israꞌeeleenaꞌon, aageteenaꞌo daggooch boonoshi shaccitoyich, ta showoon boonoshi qoodeetoyich, boonoshi toommooch nallemmo taane.

Maatiyoosi 7:27

Amiyo kindiye; ambamboo tiyiye; yongo yongehe; are kexon xuqqiye; bekkech are kexo gugummii dihiye” iye.

Yaasi 10:11

Israꞌeeleenaꞌo aafoochee boonoshi wocee beetaa, Beet Horooni katemoochee Azeqi dugillooch daammiibeeti, geppechi gommoochaa Doono Yeeri xaqqoommi giidechi baderoon shimaayoochee boonoshi toommooch kindiihe; boonoshiyoo qitiyeete. Israꞌeeleenaꞌo goraadoona wuxitinaꞌoyee baderoo wuxitinaꞌo besheenaꞌone.

Yaaꞌoo 14:10

asho mashiibeeti uyoon bi uyoommon Yeerichi kaaree shiixxee xoofoochee uchemmone. Ebi Yeerichi kaaree shiixxee xoofoo aqqayoo aalli shayone; yaafe maraakeenaꞌonaa Bagoonochi aafoochaa qaaqqoonaa micciibeeti waageroona shooddeyemmone.

Yaaꞌoo 16:21

Ikke baderoo baach aabbaa uuche kiilo giraamo tuneti ogooge baderoo asheenaꞌo toommooch shimaayoochee kindiye; ebi shaahe shattiiti ooge baderee naxoon boonoshi toommooch bi kindiitoyich, asheenaꞌo Yeerin naaggiyeete.

Yaaꞌoo 20:9

Boonoshiyoo showoo bullich kechiꞌi, yaafeenaꞌo beeti xaaꞌoonaa Yeeri shunniibeeti katemeenon giichii guuddiyeete; tunebaani arooba qaaqqoo shimaayoochee kindiꞌi boonoshin maahe.

Yaaꞌoo 8:7

Batti batti maraakoo tiroon huggiye. Damoo bacceeti baderoonaa qaaqqoona tunehe; ebi aroo showooch duppehe; showee keejje beereexi ikke beeroo micciye; mixinaꞌochi keejje beereexi ikke beeroo micciye; cammiti mocoo bulliyoo miccii aallehe.