Hiziqeeli 38:19 - Kafa Linguistics Project

¹⁹ ebiyooba Israꞌeelee showooch, oogeti showee qewo tunemmo bi tunoon ta qanaatoona, ta neboonoo getteto taane.

Hiziqeeli 38:19 ပူးပေါင်းရင်းမြစ်များ

Shoddo 18:7

Showoo qewehe; shuuriinoo iye; guudi koteenaꞌo shuuriyeete; qeweenoo iyeete; ebiyoo Yeeri kaaretoyichiye.

Shoddo 18:8

Bi muddoochee cufoo kechiye; bi kookkoochee michii aalliibeeti qaaqqoonaa geecciibeeti qaaqqee bunoona kechiye.

Shoddo 79:5

Doono Yeero, ebi aati wottooniye? Bulli yemeenoon kaare beeyemmo neene? Ne qanaato qaaqqee aaxxoommon aaxxeshiye bi beeyemmo?

Isiyaasi 42:13

Doono Yeeri ginee anaamochoommon kechemmone; ginee anaamochoommon kaaroona shiixxii tiyitone; cookemmone; bi qaaroon oogichi bunnemmone; bi etteenaꞌo toommooch sharemmone.

Isiyaasi 42:15

Guudinaꞌonaa geppeenaꞌonon aalliyemmo taane; arooch colleto bullin shuuꞌiyemmo taane; aacinaꞌon shuuꞌi showoon tuniyemmo taane; kote aacinaꞌon shuuꞌiyemmo taane.

Hiziqeeli 36:5

Ebich Nuggishoo Doono Yeeri ishichiye: Hoxoona tiyiꞌi oogeton emiriibee ta showoon bogona boonoshi hajjoon boono tuniitoyich, eche aageteenaꞌo bullinaa Edoomee asheenaꞌo bullinochi toommooch oogeti ta qanaatee qaaqqoon kindiyoona yibbaatemmo taane.’

Hiziqeeli 36:6

Ebich Israꞌeelee showoon ciinnii beetona keemoon keembe; guudinaꞌonaa geppeenaꞌonoyich, woce aacinaꞌonaa bambeenaꞌonoyichoo ishichibe: ‘Nuggishoo Doono Yeeri ishichiye: Aageteenaꞌochi naagoona ittoshi xuuxetoyich ta qanaatee kaaroona yibbaatemmo taane.

Hiziqeeli 39:25

“Ebich Nuggishoo Doono Yeeri ta ishichiibeeto taane: And Yaaqobichi kecoon wochemmo taane; Israꞌeelee maccoo bullich ariqqemmo taane; yaafe ta shigoyich qanaatemmo taane.

Hiziqeeli 39:6

Magooginaa baharee gasheexi showooch keqqaalloon kotetinaꞌonochi toommooch qaaqqoon kindiyemmo taane; ebina Doono Yeeri ta tunoon ariyemminaꞌone.

Hiziqeeli 5:13

“Ta kaaroon, ta neboonoo boonoshi toommooch kindiichi tooꞌi digaayemmo taane; ta kaaroon boonoshi toommooch ta kindiihooba Doono Yeeri ta, ta qanaatoona getteto ta tunoon ariyemminaꞌone.

Yoꞌeeli 2:18

Doono Yeeri bi showoyich qanaatehe; bi asheenaꞌonoo ariqqehe.

Yoꞌeeli 3:16

Doono Yeeri Tsiyoonaa ciddiye; bi qaaroon oogichiꞌi cookiye. Yerusaalemaanoo gigehe. Shimaayoo, showoo shuuriye. Tunebaani Doono Yeeri bi asheenaꞌoyich shoobi xaaꞌoo tunemmone; Israꞌeeleenaꞌoyichoo mishigo tunemmone.

Naahoomi 1:2

Doono Yeeri qanaatechonaa nichoon kichechonane; Doono Yeeri nichoon kichechonaa naxechonane; Doono Yeeri bi etteenaꞌo toommooch nichoon kichii beetone; bi etteenaꞌo toommooch naxoon kindii beetone.

Zakaariyaasi 1:14

“Aroochee taanna tookkii yibbaateebeeti maraakoo taach ishichiye: ‘Ebi Beshe Mawe Doono Yeeri gettiibeeti qaaroon awaajjibe: “Yerusaaleminaa Tsiyooninoyich oogichii qanaateto taane.

Yibbaatoo 29:20

Ebiyoommi ashoon Doono Yeeri maaraachemmone; bi kaaree shiixxoonaa qanaatoonon bi toommooch kindiyemmone; hini macaafooch kooreeti ufo bulli bi toommooch kindemmone. Doono Yeeri bi shigoon hini showee toommoochee aalliyemmone.

Yibbaatoo 32:22

Ta kaaro qaaqqoochoommon aaxxemmone; Siꞌoolooch beddaahaa michemmone; showoonaa bi toommooch beeti goyo bullinon michemmone; geppee gaadoon michi aalliyemmone.

Hibireena'o 12:26

Arooba Yeerichi qaaro showoon shuurikkiye; tunebaani “Wochinnoon ikke wottoon showoon baach tuneyaanoon, shimaayoonoo wotta shuurikkemmo taane” iꞌi hini yemeeneechon gettitone.

Hibireena'o 12:29

Ebiyoo, iberoon no Nuggishoo michii aalliibeeti qaaqqoommo bi tunetoyichiye.

Yaaꞌoo 11:13

Bekkech oogeti showee qewo tunehe; are katemeexi kexinaꞌo daggoochee aashiroochee ikke beeroo dihiye; ebi showee qewoona shabaatte hume asheenaꞌo qitiyeete; echetinaꞌoo keqqoona qeweheete; shimaajj beeti Yeerin oogiiheete.

Yaaꞌoo 16:18

Xeeyee phaqqoo, ooge qaaroonaa xeeyee qaaroona tunehe; oogeti showee qewo tunehe. Asho halleetoochee tiijjiꞌi ebiich beddaahaa ebiyoommi ooge showee qewo tunee ariyaanoone; hini bulliyee beshe shattiiti showee qewoone.

Yaaꞌoo 16:20

Buure showeenaꞌo aalleheete; guudinaꞌoo wotta aalleheete.