Hiziqeeli 38:12 - Kafa Linguistics Project

¹² Keccemmo taane; boggemmo taane; aageteenaꞌo daggoochee waati, and asho koteti shokkaache showeexinaꞌochi toommooch, gijjeenaꞌonaa qiiceenaꞌona boonoshich beeti, showee gutte daggooch koteti asheenaꞌochi toommooch ta kishoon yaggemmo taane” gettemmo neene.

Hiziqeeli 38:12 ပူးပေါင်းရင်းမြစ်များ

Isiyaasi 10:6

Boonoshi gaannoon bi boggemmoyich, kecoon hohi bi daammemmoyich, gommeexi dengoochoommon boonoshin bi neexxemmoyich, Yeerich qeyaani asheenaꞌo toommooch biin daachiito taane; ta kaaremmoyich tuniiti asheenaꞌo toommooch biin wocheto taane.

Erimiyaasi 30:16

“Ebich neen qooxxito bulli qoochemmone; ne etteenaꞌo bulla boonoshi ikkikkoona kecaa hammemminaꞌone; neen boshetinaꞌo bosheyemminaꞌone; neen boggitinaꞌo bokkemminaꞌone.

Hiziqeeli 29:19

Ebich Nuggishoo Doono Yeeri ishichiye: Gibitsee showoon Baabloonee taatoo Nabukadinatsorich beshii immemmo taane; bi ginee naayinaꞌoyichoo shumaayoo bi tunemmoyich bi gaanno bullin bogi keciree daammemmone.

Hiziqeeli 38:8

Meeti yemeenoyee gubb ceekkemmo neene; gubbi natinaꞌooch koyoona tiisheechii batt qaalliibeeti Israꞌeelee showoon kochemmo neene. Ebi showoo, bi asheenaꞌo meeti aageteenaꞌo daggoochee kicaa waa, meeti yemeenoon shokko echeti Israꞌeelee guudinaꞌooch koteti showoone; boonoshiyoo aageteenaꞌo daggoochee waaꞌi, and bulliyona diggoona arooch kotetinaꞌone.

Amootsi 1:8

Ashidoodi taatoon, Ashiqeloonee taatee gumbo yechiton, aalliyemmo taane. Eqirooni toommooch ta mochoon tiijjemmo taane; Filsixeemee cureenaꞌoo qiti ciiremminaꞌone” iye Nuggishoo Doono Yeeri.

Zakaariyaasi 1:12

“Aroochee Doono Yeerichi maraakoo ‘Beshe Mawe Doono Yeero, Yerusaaleminaa Yihudee showooch beeti katemeenaꞌonon ne sheerito shabe natone. Boonoshin ne maaraachemmo aati wottooniye?’ iye.

Zakaariyaasi 1:17

“Wotta daakki ishichi awaajjibe: Beshe Mawe Doono Yeeri ishichiye: ‘Ta katemeenaꞌo wochinnoon gaannoon michemminaꞌone. Doono Yeeri ta wochinnoon Tsiyoonin goggiyemmo taane; Yerusaaleminoo kaaccemmo taane’ itone gete” iye.

Zakaariyaasi 13:7

Beshe Mawe Doono Yeeri ishichiye: “Goraadoocho, ta qiddoo toommooch, ta nuuchoo toommooch tibe! Qiddoonoo yexe! Bageenaꞌoo shacemminaꞌone; tawoo ta mochoon gishiisheenaꞌo toommooch tiijjemmo taane.

Woraaferasheenaꞌo 9:37

Gaꞌaaliyoo “Ciine! Asheenaꞌo geppee toommoochee kindii beetinaꞌone. Ikke kuxoo mareccee maaccechochi ooge mixo beetona dugilla waa beetone” iye.