1 Doono Yeeri taach ishichiye:
Boonoshiyoo ikkotteree, aabi-gimo waan beeti Filsixeemin kochemminaꞌone; aabi-keyo waan beeti asheenaꞌon boggemminaꞌone; Edoominaa Moꞌabinochi toommooch boonoshi mochoon yaggemminaꞌone; Amooneenaꞌoo boonoshich hajjeyemminaꞌone.
Arooba Doono Yeeri shimaajji halleenaꞌon, showeexi iraasheenaꞌonoo naxemmone.
Ta yaafee kexo boonoshi daggooch bulli aaboon bi tunehooba, ta, Israꞌeeleenaꞌon yaafiibeeti Doono Yeeri ta tunoon aageteenaꞌo ariyemminaꞌone, itone’ gete” iye.
“Ashi bushoocho, ne aafoon Magoogi showooch beeti Mesheekinaa Tubaalinochi iraashoo Goog waan wochiichi bi toommooch keemoon keembe;
“Andoo ashi bushoocho, Googi toommooch keemoon ishichi keembe: ‘Nuggishoo Doono Yeeri ishichiye: Mesheekinaa Tubaalinochi iraashoo tuneti Googo, ta ne toommooch tiyeto taane.
Ebiyooba Yerusaalemi aageteenaꞌo bullich xaqqo maggoommon bi maggemmoyich tuniyemmo taane. Biin tiijjiya qiiccemmo bulli mayemmone; showee toommeexi aageteenaꞌo bulli biin kocha woyemminaꞌone.
Shirittinnee maraakoo bi yechiti xoofoon ooge aaco Efiraaxisi toommooch ukkiye; aabi-keyo waanee woyemmi taateenaꞌoyich gommo qannemmoyich aaco tahiye.
Showee awudde kelloona beeti aageteenaꞌon, Googinaa Magooginon bi muriciyemmoyich ginee koyee xaaꞌooch kiciya kechemmone; boonoshi haddoo baharee gasheexi qacoommone.
