Hiziqeeli 37:9 - Kafa Linguistics Project

⁹ Aroochee Yeeri taach ishichiye: “Ashi bushoocho, keemoon keembe; yongoyich keemoon keembe: ‘Nuggishoo Doono Yeeri ishichiye: Yongoocho, awudde kaattoochee wobe; ebi dubeneenaꞌo kashoona beeyemmoyich, eboshi toommooch yongebe’ gete” iye.

Hiziqeeli 37:9 ပူးပေါင်းရင်းမြစ်များ

Shoddo 104:30

Ne Ayaanoon ne deejjaa halleeheete; showoyichoo andire kashoon immehine.

Solomooni 4:16

Dambi-waani yongoocho, tibe; deshi waani yongoocho, wobe; gaawe cinno cinnemmoyich, ta buchi toommooch yongebe. Ta shiiqqi bi budooch wobe; gaawe aafoonoo mame.

Hiziqeeli 37:14

Ta Ayaanoon ittoshi kashooch kotiyemmo taane; ittoshiyoo kashoona beeyemmo ittoshine; ittoshi hajjee showooch ittoshi beeyemmoyich tuniyemmo taane; ebin getteto, ebinoo tuniito ta tunoon ariyemmo ittoshine; Doono Yeeri ta, ebin getteto taane’ itone gete” iye.

Hiziqeeli 37:4

Aroochee taach ishichiye: “Ebi shaawusheenaꞌoyich keemoon ishichi keembe: ‘Hini shuuqqiti shaawusheenaꞌote, Doono Yeerichi qaaroon waayebote.

Hiziqeeli 37:5

Nuggishoo Doono Yeeri ebi shaawusheenaꞌoyich ishichii beetone: Ittoshi kashooch kashee hiinnoon ta giijjaa, wochinnoon kashoona beeyemmo ittoshine.

Hiziqeeli 37:8

Ciinnaa ta iyaa, maqqoonaa meenona boonoshi toommooch beete; eboshiyoo achee gooqqoona boonoshi qereyemmoyich tunehe; tunebaani kashee hiinno boonoshich aalloone.

Daaneeli 11:4

Tunebaani bi giidoo oogeꞌi bi beshiyooba, bi taatittino happeeree showee awudde kelloona qoodeyemmone. Ebi taatittino bi yaroyich besheyaachemmone; cammona waaxeree bareenaꞌoyich beshiitaa ichemmone. Eboshiyoo biichoommon giidechinaꞌo tuneyaachemminaꞌone.

Hosee'i 13:14

Maash hamoochee boonoshin biishe echiyehote? Qitee giidoochee boonoshin shiwe wodiyehote? Qitoocho, ne naxeenaꞌon yeshi wobe! Maashoocho, ne aalliyoon yeshi wobe! Ebiyee bekk boonoshich ariqqeyaachemmo taane.

Zakaariyaasi 6:5

Maraakoo taach “Eboshi neexee boonoshi maddeebeeti, showoo bullichi Doono Yeeri aafoochee kechii waabeeti, shimaajji awudde yongeenaꞌone.

Yowannisi 3:8

Yongo biich kaamemmoochiye bi yongeebeeto; bi qaaroonoo waayehine; tunebaani amoochee bi waabeeto gaata, amooch bi hammiibeeto gaatoo ariyaachine. Yeerichi Ayaanoochee shiijjeto bulli ebiyoommone” iye.

Yaaꞌoo 10:11

Ebiyee gubb, “Meeti ashi yareenaꞌochon, aageteenaꞌochon, baribare noonoona yibbaateebeeti asheenaꞌochonaa taateenaꞌochonon wochinnoon keemoon keemmemmo neene” getteeho.

Yaaꞌoo 11:11

Keejje qemonaa qatonoyee gubb Yeer waanee tuneti kashee hiinno ebi keemechinaꞌochi dubenooch giyiye; kashechon tuneꞌi boonoshi hajjee baatoona neexeheete; boonoshinoo beeggitinaꞌo keqqoona qitiyeete.