Hiziqeeli 37:4 - Kafa Linguistics Project

⁴ Aroochee taach ishichiye: “Ebi shaawusheenaꞌoyich keemoon ishichi keembe: ‘Hini shuuqqiti shaawusheenaꞌote, Doono Yeerichi qaaroon waayebote.

Hiziqeeli 37:4 ပူးပေါင်းရင်းမြစ်များ

1 Taateenaꞌo 13:2

Ebi uro Doono Yeeri biich gettitoommon deejjee gudee toommooch bunneꞌi ishichiye: “Hini deejjee gudoocho, hini deejjee gudoocho, Doono Yeeri ishichiye: ‘Yosiyaasi getteebeeti bushoo Daawiti yaroochee shiijjemmone. Biyoo ne toommooch deejjoon deejjiibeeti, guudi toommeexi goyinnee xaaꞌee qeesheenaꞌon ne toommoochaa deejjemmone; asheenaꞌochi shaawushoonoo ne toommoochaa michemmone’ itone” iye.

Iyoobi 10:11

ta ashittinoon shaawushoonaa maqqoona shuunehine; ta shaawushoonoo meenonaa gooqqoona qerihine.

Isiyaasi 26:19

Qititi ne asheenaꞌo kashechinaꞌon tunemminaꞌone; boonoshi dubeno qitoochee tiyemmone; showee daggooch beetinaꞌote, tibote; emiroonoo shoddebote. Wacciibeeti keetoo showoon bi shuxiyoommon, qitii yagitinaꞌo tiyiree, kashoona beeyemmoyich Doono Yeeri tuniyemmone.

Isiyaasi 42:18

Ulleenaꞌote, waayebote; wolleenaꞌote, gaawichiree ciinote.

Erimiyaasi 22:29

Showoocho, showoocho, showoocho! Doono Yeerichi qaaroon waayebe!

Hiziqeeli 36:1

Doono Yeeri ishichiye: “Ashi bushoocho, Israꞌeelee guudinaꞌoyich ishichi keemoon keembe: ‘Israꞌeelee guudinaꞌote, Doono Yeerichi qaaroon waayebote:

Hiziqeeli 37:11

Biyoo taach ishichiye: “Ashi bushoocho, ebi shaawusheenaꞌo Israꞌeelee macceenaꞌo bulline; boonoshiyoo ‘Ebiyoche, no shaawusho shuuqqitone; gibenoon kuxxeto noone; ciroona aalleto noone’ itinaꞌone.

Hiziqeeli 37:12

Ebich ishichi keemoon boonoshich keembe: Nuggishoo Doono Yeeri ishichiye: ‘Ta asheenaꞌote, ittoshi oppoon qechemmo taane; oppoochee ittoshin kichemmo taane; Israꞌeelee showooch ittoshin giijjemmo taane.

Hiziqeeli 37:9

Aroochee Yeeri taach ishichiye: “Ashi bushoocho, keemoon keembe; yongoyich keemoon keembe: ‘Nuggishoo Doono Yeeri ishichiye: Yongoocho, awudde kaattoochee wobe; ebi dubeneenaꞌo kashoona beeyemmoyich, eboshi toommooch yongebe’ gete” iye.

Mikiyaasi 6:2

Guudinaꞌote, bulli aaboon manjiꞌi beeti showee koteenaꞌote, Doono Yeeri taggeebeeti taggoon waayebote! Doono Yeeri bi asheenaꞌona tookkii gajjitee beetone; Israꞌeeleenaꞌonoo taggee beetone.

Haddoo 20:8

“Gumboon yeshe. Neennaa ne manoo Haroonina iiteenaꞌon ikkooch kicibote. Xaqqo aacon bi kichemmoyich boonoshi ciini beetaa getote. Xaqqoochee aacon boonoshich kichemmo neene; boonoshinaa boonoshi gijjeenaꞌona aacon uchemminaꞌone” iye.

Maatiyoosi 21:21

Yesuusiyoo wochiꞌi, “Iberoon ittoshich gettoye: Mulloon Yeeri toommooch ittoshi tooꞌiigaata, wotta mulloonoo guttiyoo ittoshi qayigaata, balaasee mixin ta tuniito ikkeeto tuneyaanoon, hini geppoonolla ‘Hiniichee waaxeree baharooch awureebe’ ittoshi getigaata, tunemmone.

Yowannisi 2:5

Arooba Yesuusichi indee qoomechinaꞌoyich “Ittoshich bi gettimmo bullin tuniibote” iyan.

Yowannisi 5:25

Iberoon ittoshich gettoye: Qititinaꞌo Yeerichi Bushoo qaaroon boonoshi waayemmi aabo woyemmone; ebiyoo andiye; waayemminaꞌo kashoon danemminaꞌone.

Yaaꞌoo 10:11

Ebiyee gubb, “Meeti ashi yareenaꞌochon, aageteenaꞌochon, baribare noonoona yibbaateebeeti asheenaꞌochonaa taateenaꞌochonon wochinnoon keemoon keemmemmo neene” getteeho.