Hiziqeeli 37:26 - Kafa Linguistics Project

²⁶ Diggee wogoon boonoshina tookki giyemmo taane; ebi wogo bulli aabee wogoon boonoshich tunemmone; boonoshin manjiyemmo taane; meechemmo taane; ta yaafee kexo bulli aaboon boonoshi daggooch bi beeyemmoyich tuniyemmo taane.

Hiziqeeli 37:26 ပူးပေါင်းရင်းမြစ်များ

Halloo 17:7

Neennaa neyee gubbi ne shiijjereenaꞌonoyich Nuggishoo ta tunemmoyich, neennaa taanna daggooch, gubbi ne shiijjereenaꞌo bullinaa taanna daggoochoo, bulli yemeenee wogoon giyemmo taane.

Halloo 9:16

Ximbittoo qubee daggooch tunehooba, ciiniichi, taannaa showee toommooch beeti, meenon taheti kashechi halleenaꞌo bullina daggooch beeti, bulli yemeenee wogoon gabemmo taane” iye.

2 Saameeli 23:5

“Yeeri ta shiijjeroon bi diiremmo ebiyoommi gommonane; Yeeri bulli yemeenoon beeyemmi wogoon taanna tookkii giyitone; bulli mooyon tatoona gawaatitone; biyoo bi gibenikkiton shaddaanoone. Ta qaawaabeeto ebiniye; Yeeri iberoon taan gaachemmone; ebi bulli ceennemmoyich tuniyemmone.

Shoddo 68:18

Damba ne keyiyooba, neenna tookkii kecoon daammehine; hukkechinaꞌo waaneenolla echiyaanoon asheenaꞌo waanee wojjoon deqqehine; Nuggishoo Doono Yeeri ne, arooch beeyemmo neene.

Keyo 15:17

Doono Yeero, ne beeyi kexo bi tunemmoyich, ne shuuneti xaaꞌooch, ta Doonocho, ne kishoo shuuneti, ne yaafee kexooch, ne hajjoo tuneti guudi toommooch, boonoshin deebemmo neene; aroochoo boonoshin manjiyemmo neene.

Keyo 25:8

“Boonoshi daggooch ta beeyemmoyich, yaafee duukkaanoon taach boonoshi shuunemmoyich tuniibe.

Isiyaasi 27:6

Woyemmi yemeenooch, Yaaqobi mixochoommon cammon awuremmone; Israꞌeeli bungiree aafemmone; bi aafoo showoo bulliich ceennemmone.

Isiyaasi 49:21

Aroochee newoo ne mulloona ishichemmi neene: ‘Eboshin konine taach shiyito? Muusheneti, xaafee tuneti, kecceti, yookketi taane; eboshin konine dichito? Ta ikkeeti baach echeti taane; ishigaata eboshi amoochee waaheete?’ gettemmi neene” iye.

Isiyaasi 55:3

Ittoshi waamon gaꞌiiree ta waan wobote; kashoona ittoshi beeyemmoyich waayebote. Daawitich ta giyeti manje shunoona, bulli yemeenee wogoon ittoshina tookki giyemmo taane.

Erimiyaasi 30:19

Boonoshi waanee galletee shoddoonaa emiree ililoona waayeyemmone. Boonoshin meechemmo taane; boonoshiyoo shappaachemminaꞌone; ta boonoshin oogiyemmo taane; boonoshiyoo giisheyaachemminaꞌone.

Erimiyaasi 31:27

Doono Yeeri ishichiye: “Ebiyoche Israꞌeelee kexonaa Yihudee kexonon ashi yaaroonaa gijjee yaroona ta ceechemmi yemeeno woyemmone.

Erimiyaasi 31:31

Doono Yeeri ishichiye: “Ebiyoche Israꞌeelee macceenaꞌonaa Yihudee macceenaꞌona tookki andire wogoon ta giyemmi yemeeno woyemmone.

Erimiyaasi 32:40

Gaawe mooyon boonoshich tuniyoochee gubb wottee qayoyich, boonoshina tookki bulli yemeenee wogoon giyemmo taane; ta waanee bara boonoshi wotteyaachemmoyich, taan shaton boonoshi mullooch kotiyemmo taane.

Hiziqeeli 11:16

“Ebich boonoshich ishichibe: ‘Nuggishoo Doono Yeeri ishichiye: Ta, aageteenaꞌo waan boonoshin daachiito taane; showeenaꞌoochoo boonoshin shacceto taane; tunebaani boonoshi hammiti showeenaꞌoochaa giisheche aaboon boonoshich yaafee kexon tunemmo taane itone.

Hiziqeeli 16:60

Tunebaani ne bushittinooba neenna tookkii ta giyeti wogoon shalligemmo taane; neenna tookki bulli yemeenee wogoon manjiyemmo taane.

Hiziqeeli 16:62

Neenna tookkii ta wogeti wogoon manjiyemmo taane; newoo Doono Yeeri ta tunoon ariyemmi neene.

Hiziqeeli 20:37

Taach ittoshi hajjeyemmoyich tuniiree, ta wogooch ittoshin giijjemmo taane.

Hiziqeeli 20:40

Yaafeeti ta geppoochaa, Israꞌeelee genje guudoochaa Israꞌeelee maccoo bulli, hini showoochaa taach goyinnemminaꞌone; aroochaa boonoshin taacho tuniyemmo taane; aroochaa ittoshi buuroonaa ittoshi cilloonon, ittoshi kichiti yaafeeti mooyo bullinoo ittoshi waanee qaawemmo taane.

Hiziqeeli 34:25

“ ‘Diggee wogoon boonoshina tookki giyemmo taane; gonde cooxinaꞌon showoochee aalliyemmo taane; ebina boonoshi diggoona barahooch kotemminaꞌone; kuboochoo tokketemminaꞌone.

Hiziqeeli 36:10

Tawoo ashoon, Israꞌeelee maccoo bullinoo meeto ta tuniitaa ittoshi toommooch kotemminaꞌone; tiisheti katemeenaꞌo wochi shuuneyemminaꞌone; katemeenaꞌoo ashi beeyi xaaꞌoo tunemminaꞌone.

Hiziqeeli 36:11

Ashoonaa gijjoonon ittoshi toommooch woddiyemmo taane; boonoshiyoo woddemminaꞌone; aafemminaꞌone; wonnee ittoshi gooroommon arooch ittoshi beeyemmoyich tuniyemmo taane; aafichoyee beshoon gaawe mooyon ittoshich tuniyemmo taane; Doono Yeeri ta tunoon ariyemmo ittoshine.

Hiziqeeli 36:37

“Nuggishoo Doono Yeeri ishichiye: Israꞌeelee macceenaꞌo ashoon gaddeexi bagoochoommon ta woddiyemmoyich qollemminaꞌone; tawoo ebin tuniyemmo taane.

Hiziqeeli 43:7

Biyoo taach ishichiye: “Ashi bushoocho, Israꞌeelee macceenaꞌochi daggooch bulli aabooch ta kotemmi ta taatee qeenonaa ta neexemmi xaaꞌoona hinine; ebiyee bekk Israꞌeelee macceenaꞌonaa boonoshi taateenaꞌona yahoona, wottoo qititi boonoshi taateenaꞌoyich boonoshi tuniibeeti mooyona ta shigoon eeꞌiyaachemminaꞌone.

Hiziqeeli 43:9

Andoo boonoshi yahoonaa qititi boonoshi taateenaꞌoyich boonoshi tuniibeeti mooyonon ta waanee wokkiibeete; tawoo boonoshi daggooch bulli aaboon beeyemmo taane” iye.

Hiziqeeli 48:35

“Bi guude gawo aaraa shimitte hume hiroo tunemmone; are aaboochee tiijji ebi katemee shigo Doono Yeeri Arooch Beeti Katemoo getteyemmone” iye.

Sofoniyaasi 3:15

Doono Yeeri ittoshi toommooch nalleeti nalloon tiijjitone; ittoshi etteenaꞌon yookkii kichitone. Israꞌeeleenaꞌochi Taatoo Doono Yeeri ittoshina tookkii beetone; ebich, ittoshi shattemmi gonde mooyo amolla aalloone.

Zakaariyaasi 2:5

Doono Yeeri ‘Ebi katemee guudoona qaaqqee uxeroon tunemmo taane; ta oogee yiiroona bi daggooch beeyemmo taane’ itone” iye.

Haddoo 25:12

Ebich ta diggee wogoon biinna tookki geddemmo ta tunoon biich gete.

Yowannisi 14:27

Diggoon ittoshich wojjaabeeto taane; ta diggoon ittoshich immaabeeto taane. Hini ittoshich ta immaabeeti diggoo alemo immii beetoommo toonoone. Ittoshi mullo keqqaaye, shatishoo gettaaye.

2 Qorontoosi 6:16

Yeerichi yaafee kexonaa shahalloonoyich amee danittino beete? No, beeyechi Yeerichi yaafee kexo noone; Yeeri ishichiye: “Boonoshina tookki beeyemmo taane; boonoshi daggooch shaꞌemmo taane; boonoshi Nuggishoo tunemmo taane; boonoshiyoo ta macceenaꞌo tunemminaꞌone” iye.