Hiziqeeli 37:25 - Kafa Linguistics Project

²⁵ Boonoshi qaabbechinaꞌo beebee echeti, ta guuno Yaaqobich ta immeti showooch kotemminaꞌone; boonoshi, boonoshi bushiisheenaꞌonaa bushaa bushiisheenaꞌona bulli aaboon arooch beeyemminaꞌone; ta guuno Daawiti bulli aaboon boonoshi toommooch taatemmone.

Hiziqeeli 37:25 ပူးပေါင်းရင်းမြစ်များ

Halloo 48:4

taach ishichiye: ‘Bushiishoon neech meechemmo taane; ne yaroonoo woddiyemmo taane; meeti aagetoo tunemmo neene; hini showoon neyee gubbi ne shiijjereenaꞌoyich bulli yemeenee boonoshi hajjoon tuniiree immemmo taane’ iye.

2 Saameeli 7:13

Taach kexon haggemmo, biine. Bi taatittinee qeenonoo bulli yemeenoon manjiyemmo taane.

2 Saameeli 7:16

Ne kexonaa ne taatittinoona ta aafooch bulli yemeenoon manjiree beeyemmone. Ne taatee qeenoo bulli yemeenoon manjiree beeyemmone’ itone gete” iye.

Isiyaasi 11:1

Iseyichi xugoochee ato dolli kechemmone; bi xepphoocheenoo ato ateree aafemmone.

Isiyaasi 30:19

Yerusaalem beeti Tsiyooni asheenaꞌote, ebiyee bekk eefaachemmo ittoshine; Doono Yeeri ittoshin bi gaachemmoyich ittoshi qollegaata, ittoshich ariqqemmone; ittoshi cookee qaaroonoo waayeree ittoshi qolloon wochemmone.

Isiyaasi 55:4

Biin aageteenaꞌoyich miixoo, wulloonaa iraashoonon tuniito taane.

Isiyaasi 60:21

Ne asheenaꞌo bulli cadiqeenaꞌo tunemminaꞌone; showoon bulli yemeenooch woraashemminaꞌone; boonoshiyoo, ta oogo bekkemmoyich ta shuuneti ta kishee shuuneenaꞌo, ta bechiti becheenaꞌone.

Isiyaasi 66:22

“Ta hallemmi andire showoonaa andire shimaayoona ta aafooch manjiree beeyemmo bi tunoommon, ittoshi yaroonaa ittoshi shigoona manjiree beeyemmone.

Erimiyaasi 30:3

Ebiyoche ta asho tuneti Israꞌeeleenaꞌonaa Yihudee asheenaꞌonon ta wochemmi aabo woyemmone, iye Doono Yeeri. Boonoshi qaabbechinaꞌoyich ta immeti showooch boonoshin deebemmo taane; boonoshiyoo aroon wochinnoon hajjemminaꞌone, iye Doono Yeeri” iye.

Erimiyaasi 30:9

Tunebaani boonoshi Nuggishoo Doono Yeerinaa boonoshich ta tiijjiti boonoshi taatoo Daawitinoyich maddemminaꞌone.

Erimiyaasi 31:24

Yihudee showoonaa bi katemoo bullina beeyi xaaꞌoo tunemminaꞌone; goyee gochechinaꞌonaa gijjee shiijjechinaꞌona arooch kotemminaꞌone.

Erimiyaasi 32:39

Boonoshichoo boonoshiyee gubbi boonoshi bushiisheenaꞌoyichoo bi gaawemmoyich, bulli aaboochoo taan boonoshi shattemmoyich, ikke mulloonaa ikke gommonon immemmo taane.

Erimiyaasi 32:41

Boonoshich gaawe mooyon tuniyoona emiremmo taane; ta ceeni mulloona, ta ceeni kashoona iberoochaa hini xaaꞌooch boonoshin bechemmo taane.

Hiziqeeli 28:25

Nuggishoo Doono Yeeri ishichiye: “Israꞌeelee macceenaꞌon boonoshi shaceti aageteenaꞌo daggoochee ta kiciyooba, aageteenaꞌo ciini beetaa boonoshi daggoochaa ta yaafittinoon ta bekkiihooba, ta guuno Yaaqobich ta immeti boonoshi hajjee showooch kotemminaꞌone.

Hiziqeeli 34:24

Doono Yeeri ta, boonoshi Nuggishoo tunemmo taane; ta guuno Daawitiyoo boonoshi daggooch iraashoon tunemmone; Doono Yeeri ta, ebin getteto taane.

Hiziqeeli 36:28

Ittoshi qaabbechinaꞌoyich ta immeti showooch beeyemmo ittoshine; ta ashoon tunemmo ittoshine; tawoo ittoshi Nuggishoo tunemmo taane.

Hiziqeeli 37:21

boonoshichoo ishichibe: ‘Nuggishoo Doono Yeeri ishichiye: Israꞌeelee asheenaꞌon boonoshi hammiti aageteenaꞌo daggoochee deebemmo taane; bulli kaattoochee boonoshin kicemmo taane; boonoshi hajjee showooch boonoshin deebemmo taane.

Hiziqeeli 37:24

“ ‘Ta guuno Daawiti boonoshi toommooch taatemmone; bullichona ikke qiddoo tunemmone; ta geteenaꞌon dabbemminaꞌone; ta qociyeenaꞌonoo gaawichi quyemminaꞌone.

Hiziqeeli 37:26

Diggee wogoon boonoshina tookki giyemmo taane; ebi wogo bulli aabee wogoon boonoshich tunemmone; boonoshin manjiyemmo taane; meechemmo taane; ta yaafee kexo bulli aaboon boonoshi daggooch bi beeyemmoyich tuniyemmo taane.

Hiziqeeli 44:3

Iraashoo baach Doono Yeeri aafoochaa koshon mamoyich arooch giyemmone; biyoo beshe boochoona giyiree aroona kechemmone” iye.

Yoꞌeeli 3:20

Tunebaani Yihudee showoo bulli aabooch, Yerusaalemi bushaa bushooch beddaahaa ashi beeyi xaaꞌoon tunemmine.

Amootsi 9:15

Boonoshi hajjee showooch daamiree, mixo bechoommon boonoshin bechemmo taane; boonoshich ta immeti showoochee, boonoshin waaxxemmo koniyoona aalloone” iye ittoshi Nuggishoo Doono Yeeri.

Zakaariyaasi 10:7

Efreemeenaꞌo kupphe ginee anaamoommon tunemminaꞌone. Woyinee uyoon uchiti asho emiroommon emiremminaꞌone. Boonoshi bushiisheenaꞌo ebin beegiree emiremminaꞌone. Boonoshi mullo Doono Yeerina emiremmone.

Zakaariyaasi 14:11

Yerusaalemi ashi beeyi xaaꞌoon tunemmine; wochinnoon aallo bi toommooch shagaachemmone; asheenaꞌo keqqaalloon diggoona beeyemmine.

Zakaariyaasi 8:8

Yerusaalem boonoshi beeyemmoyich boonoshin wochi deebemmo taane. Boonoshiyoo ta asheenaꞌo tunemminaꞌone; tawoo gibeneeti, cadiqe boonoshi Nuggishoo tunemmo taane” iye.

Yowannisi 12:34

Ebich dofee asheenaꞌo “No, Kiristoosi bulli yemeenoon beeyemmo bi tunoon Sheeree Macaafoochee waayeto noone. Newochi ‘Ashi Bushoo showoochee tiijjeyemmone’ iyaꞌa aabichaꞌa gettenne? Ishi Ashi Bushochi konine?” iꞌi echeheete.

Hibireena'o 7:2

Abrahami wotta keccii bi deebiti mooyo bulliichee, asraatoon Meleekitsedeqich immiye. Ebi Meleekitsedeqichi shigo shiichiꞌi “cadiqee taatoo” getteehe; baroo wotta “Saalemi taatoo” getteehe; ebi geto, “diggee taatoo” getone.