Hiziqeeli 37:21 - Kafa Linguistics Project

²¹ boonoshichoo ishichibe: ‘Nuggishoo Doono Yeeri ishichiye: Israꞌeelee asheenaꞌon boonoshi hammiti aageteenaꞌo daggoochee deebemmo taane; bulli kaattoochee boonoshin kicemmo taane; boonoshi hajjee showooch boonoshin deebemmo taane.

Hiziqeeli 37:21 ပူးပေါင်းရင်းမြစ်များ

Isiyaasi 49:12

Ta asheenaꞌo wohi showoochee, eboshiyoo dambi-waaninaa aabi-gimonoochee, wotta eboshiyoo Aswaanee woyemminaꞌone” iye.

Erimiyaasi 16:15

Tunebaani ‘Israꞌeeleenaꞌon dambi-waaninaa bi yookkiti showoo bullinoochee wochii deebiti beeyechi Doono Yeeri beege’ getteyemmone; tawoo boonoshi qaabbechinaꞌoyich ta immeti boonoshi showooch boonoshin wochemmo taane” iye.

Erimiyaasi 23:3

“Ta bagee cureenaꞌon boonoshin ta yookketi showoo bulliichee kicemmo taane; wochiree boonoshi showooch boonoshin deebemmo taane; boonoshiyoo aafemminaꞌone; meettemminaꞌone.

Erimiyaasi 23:8

“Tunebaani ‘Israꞌeeleenaꞌon dambi-waaninaa bi shacciti showoo bullinoochee kichii deebiti, beeyechi Doono Yeeri beege’ getteyemmone; boonoshi hajjee showoochoo kotemminaꞌone” iye.

Erimiyaasi 29:14

Tawoo ittoshich danemmo taane” iye Doono Yeeri. “Ittoshi kecoon wochemmo taane; aagetoo bulliichee, ittoshin ta yookketi xaaꞌoo bulliichee wochemmo taane” iye Doono Yeeri. “Kecooch ittoshin ta daachiiti showoochee wochi deebemmo taane” iye.

Erimiyaasi 30:10

“Ebich ta maddechi Yaaqobo, shattaahine; Israꞌeelo, keqqiyaahine, iye Doono Yeeri. Neen wohi showoochee, ne yareenaꞌonoo boonoshi kecceti showoochee, wodiyemmo taane; Yaaqobi wotteree diggoona tooꞌi kotemmone; koniyoona biin shatiyaachemmone.

Erimiyaasi 30:18

“Doono Yeeri ishichiye: Yaaqobichi duukkaanee kecoon wochemmo taane; bi beemi xaaꞌoyichoo ariqqemmo taane; katemoo wochinnoon bi xoobooch shuuneyemmone; taatee kexoo wonnee bi xaaꞌooch neexemmone.

Erimiyaasi 30:3

Ebiyoche ta asho tuneti Israꞌeeleenaꞌonaa Yihudee asheenaꞌonon ta wochemmi aabo woyemmone, iye Doono Yeeri. Boonoshi qaabbechinaꞌoyich ta immeti showooch boonoshin deebemmo taane; boonoshiyoo aroon wochinnoon hajjemminaꞌone, iye Doono Yeeri” iye.

Erimiyaasi 31:16

Doono Yeeri ishichiye: “Eefoochee ne qaaroon acimoochee ne aafoon quyebe; ne aayo duube echeyaachemmone” iye Doono Yeeri. “Ne bushiisheenaꞌo ettoochi showoochee wotteree woyemminaꞌone.

Erimiyaasi 31:17

Gubbich gibeno neech beetone” iye Doono Yeeri. “Ne bushiisheenaꞌo boonoshi hajjee showooch wotte woyemminaꞌone.

Erimiyaasi 32:37

Ta kaaroonaa ta ippoona, ooge ta naxoonoo boonoshin ta yookketi showoo bulliichee boonoshin kicemmo taane; hini xaaꞌoochoo wochi deebemmo taane; keqqaalloon boonoshi beeyemmoyich tuniyemmo taane.

Erimiyaasi 33:11

wucwuci qaaroonaa emiree qaaroona, woꞌee kenoochi qaaroonaa woꞌeechi qaaroona ebiyoommon wotta, ‘Doono Yeeri deꞌo bi tunetoyich, bi ariqqoo bulli aabeecho bi tunetoyich, Beshe Mawe Doono Yeerin galletebote’ ii beeti galletee deejjoon yeshiree Doono Yeerichi yaafee kexooch woyemmi asheenaꞌochi qaaro waayeyemmone; ebiyoo showeechi kecoon wonnee bi goorooch wochemmo ta tunetoyichiye” iye Doono Yeeri.

Erimiyaasi 33:7

Yihudee kecoonaa Israꞌeelee kecoonon wochemmo taane; wonnee boonoshi beemooch boonoshin wochiree bechemmo taane.

Erimiyaasi 50:19

Israꞌeelee asheenaꞌon boonoshi showooch wochemmo taane; Qermeloosi guudonaa Bashaani showoonooch shaggito bullin maayemminaꞌone; Efreemi guudonaa Gilaadee showoonoochaa, boonoshi michimmi wottoon maayemminaꞌone.

Hiziqeeli 34:13

Aageteenaꞌo daggoochee boonoshin kichemmo taane; boonoshi hajjee showooch boonoshin deebemmo taane; Israꞌeelee guudinaꞌochi toommoochaa, aacinaꞌochi gashoochaa, asheenaꞌo gafiti showee toommo bulliichaa boonoshin quye maanjemmo taane.

Hiziqeeli 36:10

Tawoo ashoon, Israꞌeelee maccoo bullinoo meeto ta tuniitaa ittoshi toommooch kotemminaꞌone; tiisheti katemeenaꞌo wochi shuuneyemminaꞌone; katemeenaꞌoo ashi beeyi xaaꞌoo tunemminaꞌone.

Hiziqeeli 36:24

“Aageteenaꞌo daggoochee ittoshin kichemmo taane; showoo bulliichee ittoshin kicemmo taane; ittoshi hajjee showoochoo ittoshin deebemmo taane.

Hiziqeeli 37:20

“Boonoshi toommooch ne kooriti gumbeenaꞌo boonoshi aafoochaa ne kishooch beebeete;

Hiziqeeli 38:8

Meeti yemeenoyee gubb ceekkemmo neene; gubbi natinaꞌooch koyoona tiisheechii batt qaalliibeeti Israꞌeelee showoon kochemmo neene. Ebi showoo, bi asheenaꞌo meeti aageteenaꞌo daggoochee kicaa waa, meeti yemeenoon shokko echeti Israꞌeelee guudinaꞌooch koteti showoone; boonoshiyoo aageteenaꞌo daggoochee waaꞌi, and bulliyona diggoona arooch kotetinaꞌone.

Hiziqeeli 39:25

“Ebich Nuggishoo Doono Yeeri ta ishichiibeeto taane: And Yaaqobichi kecoon wochemmo taane; Israꞌeelee maccoo bullich ariqqemmo taane; yaafe ta shigoyich qanaatemmo taane.

Hiziqeeli 39:27

Macceenaꞌo daggoochee boonoshin wochii ta deebiyooba, boonoshi etteenaꞌochi showoochee boonoshin ta kiciyooba meeti aageteenaꞌo aafoochaa boonoshina ta yaafittinoon bekkiyemmo taane.

Hiziqeeli 39:28

Kecaa aageteenaꞌo showooch boonoshi hammemmoyich ta tuniitaanona, koninolla arooch echiyaanoon kecoochee boono hajjee showooch wochii deebeto, boonoshi Nuggishoo Doono Yeeri ta tunoon ariyemminaꞌone.

Hosee'i 1:11

Yihudee asheenaꞌonaa Israꞌeeleenaꞌona wochinnoon ikkottemminaꞌone. Boonoshin yaabi qeejjemmi ikke wullonoo kaaccemminaꞌone. Mashaamiti beemon boonoshi showooch beeyemminaꞌone. Ebi aabo, Yezireelich worganikkiti aabo tunemmone.

Mikiyaasi 4:6

Doono Yeeri ishichiye: “Ebi arooba, baata sheqqeenaꞌonaa kecceree boonoshi hammemmoyich ta tuniitaa duꞌetinaꞌonon kicemmo taane.

Naahoomi 2:2

Boggechinaꞌo boonoshin boggitaanona boonoshi woyinee qomboon aalliitaanona Doono Yeeri Yaaqobichi oogee yiiroon, Israꞌeelichi oogee yiiroochoommon wochi neechemmone.

Sofoniyaasi 3:20

Arooba, shaceti ittoshi asheenaꞌon, boonoshi showooch wochemmo taane; ittoshin, showee toommooch beeti asheenaꞌo daggooch, galleteeti ashoonaa aricheti ashoonon tuniyemmo taane. Ittoshi aafo ciini beetaa, wochinnoon beemon ittoshich mashaamiyemmo taane” iye Doono Yeeri.