Hiziqeeli 37:11 - Kafa Linguistics Project

¹¹ Biyoo taach ishichiye: “Ashi bushoocho, ebi shaawusheenaꞌo Israꞌeelee macceenaꞌo bulline; boonoshiyoo ‘Ebiyoche, no shaawusho shuuqqitone; gibenoon kuxxeto noone; ciroona aalleto noone’ itinaꞌone.

Hiziqeeli 37:11 ပူးပေါင်းရင်းမြစ်များ

Iyoobi 17:15

Illa ta gibenemmi mooyo aaye? Ta gibenoonochi koni ciinnehe?

Shoddo 141:7

Showoon goyaa dugoo shekiroommon, boonoshi shaawusho oppee noonooch shekiremmone.

Shoddo 31:23

Bi yaafeenaꞌote, ittoshi bulli Doono Yeerin shunote; Doono Yeeri gibeneetinaꞌon quyee beetone; tunebaani geecechinaꞌon bede sheeroon sheeremmone.

Shoddo 88:16

Kupphe ne kaaro ta toommooch kindiye; ne keqqichoo taan aalliihe.

Shoddo 88:5

Qititi ashi daggooch duppetoommon, qitiꞌi oppooch qeyitoommon, ebiyee bekk ciroona ne shalligaani, ne kishoochee duppeti ashoommon, tunehoye.

Isiyaasi 40:27

Yaaqobo, Israꞌeelo, amoyich “Ta gommo Doono Yeerich aacheetone; ta dayinnetoonoo ta Nuggishoo aaxxiyaache itone” inne?

Isiyaasi 49:14

Tunebaani Tsiyooni asheenaꞌo, “Doono Yeeri noon duppitone; no Doono noon battetone” iyeete.

Erimiyaasi 2:25

Gonde gommooch wocoochee ne baatoon kashiibe; ne killoon shachewoona shuukkiyaaye. Tunebaani ne ‘Qajje, wottoon hakkaache; dallaaweenaꞌon ta shunnetoyich, boonoshin dabbi hammemmi taane’ iyine” iye.

Erimiyaasi 31:1

Doono Yeeri ishichiye: “Ebiyooba Israꞌeelee gumbo bullich Nuggishoon tunemmo taane; boonoshiyoo ta maccoon tunemminaꞌone” iye.

Erimiyaasi 32:43

Ittoshiyoo ‘Ashaalli, gijjaalli shokkoone; Baabloonee asheenaꞌo kishooch ichetone’ ittoshi ii beeti hini showoochee goyee budo kechemmone.

Shoosho 3:18

Ebich “Ta giidoo qajjitone; Doono Yeerin, ta gibenaabeeti gibeno echetone” iyo.

Shoosho 3:54

Aaco taan qooxxiye; tawoo “Aalleto taane!” iyoye.

Hiziqeeli 33:10

“Ashi bushoocho, Israꞌeelee macceenaꞌoyich ishichibe: ‘No xuꞌoonaa no axaaxoona no toommoochiye; eboshichi naboona maajjeto noone; kashoona no beeyemmo aabichireeshiye?’ ito ittoshine.

Hiziqeeli 36:10

Tawoo ashoon, Israꞌeelee maccoo bullinoo meeto ta tuniitaa ittoshi toommooch kotemminaꞌone; tiisheti katemeenaꞌo wochi shuuneyemminaꞌone; katemeenaꞌoo ashi beeyi xaaꞌoo tunemminaꞌone.

Hiziqeeli 37:16

“Ashi bushoocho, ikke gumboon daamiree bi toommooch ‘Yihudinaa biinna tookkii guuphiti Israꞌeelee maccoona’ geti kooribe; bare gumboon daamiree bi toommooch ‘Yooseefichi ebi geto, Efreeminaa biinna tookkii guuphiti Israꞌeelee maccoo bullina’ geti kooribe.

Hiziqeeli 37:19

ne, Nuggishoo Doono Yeeri ishichiye: ‘Efreemi kishooch beeti Yooseefichi gumboon, biinna tookkii guuphiti Israꞌeelichi gumboon daamiree Yihudichi gumboona tookki xaaqqemmo taane; boonoshiyoo ta kishoochaa ikke gumboon tunemminaꞌone’ itone gete.

Hiziqeeli 39:25

“Ebich Nuggishoo Doono Yeeri ta ishichiibeeto taane: And Yaaqobichi kecoon wochemmo taane; Israꞌeelee maccoo bullich ariqqemmo taane; yaafe ta shigoyich qanaatemmo taane.

Hosee'i 1:11

Yihudee asheenaꞌonaa Israꞌeeleenaꞌona wochinnoon ikkottemminaꞌone. Boonoshin yaabi qeejjemmi ikke wullonoo kaaccemminaꞌone. Mashaamiti beemon boonoshi showooch beeyemminaꞌone. Ebi aabo, Yezireelich worganikkiti aabo tunemmone.

Roomi 11:26

Ebiyoommon Yeeri Israꞌeeleenaꞌo bullin wodiyemmone. Ishichaa bi kooreetoommon: “Wodiyecho Tsiyoonee keyiree, Yaaqobichi yareenaꞌo daggoochee axaaxittinoon wokkiyemmone.

2 Qorontoosi 5:14

Ikkoo bullicha iꞌi qitito bi tunoon, ebichoo asho bulli qitito bi tunoon no ariitoyich, Kiristoosichi shuno noon hajjii beetone.

Efesooni 2:1

Ebiyee aaf ittoshi xuꞌoonaa ittoshi axaaxee naboona qititon tuneꞌi beehote.