Hiziqeeli 36:38 - Kafa Linguistics Project

³⁸ Maacheti baaree aabooba deejjee bageenaꞌo Yerusaalem ceenoommon, happeeti katemeenaꞌooch asheenaꞌo ceennemminaꞌone; ebina Doono Yeeri ta tunoon ariyemminaꞌone” iye.

Hiziqeeli 36:38 ပူးပေါင်းရင်းမြစ်များ

1 Taateenaꞌo 8:63

Solomooniyoo ikkittinee deejjoyich hiyaa gutte hume wuronaa balli hiye hume bagoonon Doono Yeerich deejjiye. Ebiyoommon taatoonaa Israꞌeeleenaꞌo bullina Doono Yeerichi yaafee kexon yaafiyeete.

2 Kiinoo 7:8

Arooba Solomooni biinna tookkii beeti Israꞌeeleenaꞌo bullina tookkii, ebi geto Hamaati katemooch beshe kaattoochee tiijjii Gibitsee aacooch beddaahaa beeti showoochee kiceeti ooge iitoona tookkii, shabaatte qemi baaroon baariye.

Shoddo 100:3

Doono Yeeri Nuggishoo bi tunoon ariibote; noon hallito biine; nowoo biicho noone; gaddooch beeti bagoommi bi asho noone.

Shoddo 74:1

Yeero, bulli yemeenoon amoyich noon duppenne? Gaddooch beeti bagoommi ne asho no toommooch ne kaaro amoyich cufiye?

Keyo 23:17

“Natooch keejje wottoon anaamo bulli Nuggishoo Doono Yeeri ta aafooch giddebe.

Keyo 34:23

Natooch keejje wottoon anaamo bulli Israꞌeelee Nuggishoo Doono Yeeri ta aafooch giddebe.

Erimiyaasi 23:1

“Ta gaddooch beeti ta bageenaꞌon aallii beetinaꞌonaa shaccii beetinaꞌonoyich woowo!” iye Doono Yeeri.

Erimiyaasi 30:19

Boonoshi waanee galletee shoddoonaa emiree ililoona waayeyemmone. Boonoshin meechemmo taane; boonoshiyoo shappaachemminaꞌone; ta boonoshin oogiyemmo taane; boonoshiyoo giisheyaachemminaꞌone.

Hiziqeeli 34:31

Ittoshi ta gaddooch beeti ta bago ittoshine; ittoshi ta asho ittoshine; tawoo ittoshi Nuggishoo taane, iye Nuggishoo Doono Yeeri’ gete” iye.

Hiziqeeli 36:37

“Nuggishoo Doono Yeeri ishichiye: Israꞌeelee macceenaꞌo ashoon gaddeexi bagoochoommon ta woddiyemmoyich qollemminaꞌone; tawoo ebin tuniyemmo taane.

Hiziqeeli 46:9

“Tunebaani showee asheenaꞌo baarooba Doono Yeeri aafooch boonoshi waahooba, goyinneya dambi-waani kelloona giyimmo, deshi-waani kelloona keye; deshi-waani kelloona giyimmo, dambi-waani kelloona keye; bi ciinooch beeti kelloona keyalli bi giyiti kelloona gubb wotteree kechaaye.

Yowannisi 10:16

Hini maggooch giyaani bare bageenaꞌo taach beetinaꞌone. Boonoshinoo wotta deebo taach qaawiihe; ta qaaroonoo waayemminaꞌone; ikke qiddoo boonoshin ikkochiree quyemmone.

Yowannisi 10:7

Ebich Yesuusi daakkiꞌi boonoshich ishichiye, “Iberoon ittoshich gettoye: Ta, bageenaꞌochi kello taane.

Yowannisi 10:9

Kello taane. Taanna giyimmo koniyoona wodemmone; giyemmone, kechemmone, bi maayemmonoo danemmone.

Yowannisi 2:14

Yaafee kechi addibaaboochaa gatteenaꞌon, bageenaꞌonaa uggeenaꞌonon kemmii beetinaꞌon, wotta gijjoon shaddii beetinaꞌonoo kotee boonoshi beetaa danehe.

Yibbaatoo 16:16

“Natooch keejje wottoon, ebiyoo Shittoo Giyaani Kochi Baarooba, Maayi Qeci Baaroobinaa Bashee (Yambaaree) Baaroobinooch, Israꞌeelee asho tuneti anaamo bulli ne Nuggishoo Doono Yeeri kaacciti xaaꞌooch, bi aafooch giddebe. Doono Yeeri aafooch shokke kishoon giddaayeete.