Hiziqeeli 36:35 - Kafa Linguistics Project

³⁵ Asheenaꞌoo ‘Shokkoon echeti showoo Eden bechee xaaꞌoommon tunetone; happeeti, shokkoon echeti, aalleti katemeenaꞌo mishigechi beeyi xaaꞌoon tunetinaꞌone’ gettemminaꞌone.

Hiziqeeli 36:35 ပူးပေါင်းရင်းမြစ်များ

Halloo 13:10

Looxiyoo bi aafoon kaachiꞌi, Yoordaanoosi guudoona beeti naqqe showoo bulli aachechi xaaꞌoo bi tunoon beeggiye. Doono Yeeri Sodoominaa Gomoorinon bi aalliyoyee aaf, ebi xaaꞌoo Tsoꞌar beddaahaa, Doono Yeerichi bechee mixinaꞌo beeti xaaꞌoommo, Gibitsee showeexi Abbaayi aachi guudoona beeti naqqe showoommone.

Shoddo 126:2

No noonoo miicona, no heciyoo ililoona ceenniye; aroochee aageteenaꞌo “Doono Yeeri worganikkiti mooyon boonoshich tuniite” iyeete.

Shoddo 58:11

Ebiyooba asheenaꞌo “Iberoochaa cadiqe ashich bi shuunee gatiyoo beetone; showee toommooch nallechi Nuggishoo beetone” gettemminaꞌone.

Shoddo 64:9

Aroochee asheenaꞌo bulli shattemminaꞌone; Yeerichi shuunoon awaajjemminaꞌone; bi tuniiti mooyonoo yexiyemminaꞌone.

Isiyaasi 51:3

Doono Yeeri ta, Tsiyoonin, shokkoon echeti bi xaaꞌoonoo, goggiyemmo taane; bi barahoon Edeniyoommon, Doono Yeerichi bechee mixinaꞌo beeti xaaꞌoommonoo, tuniyemmo taane; bi waan emiroonaa wucwucona danemmone; galletee shoddo bi waanaa shoddeyemmone.

Isiyaasi 62:4

Illa ebiyee bekk Duppeti getaa ceekkeyaachemmi neene; ne showoo Shokkaachoo Echeto getteyaachemmone; tunebaani Ta Emiroo Arooch Beeti getteyemmi neene; ne showee kenechi tunemmine; Doono Yeeri neenna bi emiritoyich, ne showeyoo Kenechi getteyemmine.

Erimiyaasi 23:8

“Tunebaani ‘Israꞌeeleenaꞌon dambi-waaninaa bi shacciti showoo bullinoochee kichii deebiti, beeyechi Doono Yeeri beege’ getteyemmone; boonoshi hajjee showoochoo kotemminaꞌone” iye.

Erimiyaasi 33:12

Beshe Mawe Doono Yeeri ishichiye: “Ashaalloon woyee gijjaalloon shokkoon echeti hini xaaꞌoo, bi katemeenaꞌo bulliyoo, boonoshi bageenaꞌon qiddeebeeti, qiddeenaꞌochi beeyi xaaꞌoon tunemminaꞌone.

Erimiyaasi 33:9

Yerusaalemi, biich ta tuniyemmi gaawe mooyo bullin waayemmi, showee toommeexi aageteenaꞌo bulli aafooch, taach oogee yiiroon, galletoonaa oogoonon tunemmine; ebi are aageteenaꞌo biich ta qanniiti gaawe mooyo bullinaa diggoo bullinochi naboona shattemminaꞌone, qeweshoo gettemminaꞌone” iye.

Hiziqeeli 28:13

Yeerichi bechee xaaꞌoo tuneti Eden beehine; aaxxe xaqqo bulli ne tahoone; saridiyoono, topphaziyoono, almaazo, beruullo, shohaamo, yasphiido, sapiiro, maarigido, wacciibeeti inqoo, aachoo eboshin tahaa beehine; ne halleehooba, eboshi neech qanniyeete.

Hiziqeeli 31:9

Bi qaakkeenaꞌochi meetona biin gaawichiyoye; Yeerichi bechee xaaꞌoo Eden beeti mixinaꞌo bulli biin qanaateheete.

Hiziqeeli 36:34

Shokkaache showoo, gomma besho bulli aafoochaa shokkaachoo tuneti showoo gocheyemmone.

Hiziqeeli 37:13

Ta asheenaꞌote, ittoshi oppoon ta qechiyooba, oppoochee ittoshin ta kichiyooba, ta, Doono Yeeri ta tunoon ariyemmo ittoshine.

Yoꞌeeli 2:3

Boonoshi aaf beeton qaaqqoo maahe; boonoshi gubb beetonoo qaaqqoo michiye. Showoo boonoshi aafaa Edeni beeti bechee mixoommone; tunebaani boonoshi gubbaa amolla aalli barahoon tunehe. Boonoshiyee muriccemmi amee mooyolla aalloone.