Hiziqeeli 36:3 - Kafa Linguistics Project

³ Ebich keemoon keembe; ishichishoo gete: ‘Nuggishoo Doono Yeeri ishichiye: Kaatti kaattoona giichiꞌi koyona ittoshin boonoshi buriccitonaa shokkoon echiitonoyich, aageteenaꞌoyich iristoonoo ittoshin boono tuniitoyich, yibbaatechinaꞌo noonoona ittoshi tocheetonaa aageteenaꞌona ittoshi sheexxetonoyich,

Hiziqeeli 36:3 ပူးပေါင်းရင်းမြစ်များ

Shoddo 35:25

“No mullee qaatoo ceennite” getiree boonoshi gabemmoyich, “Biin aalliitone” boonoshi gettemmoyich, tuniyaahine.

Shoddo 61:1

Yeero, ta cookoon ellebe; ta corootoon waayebe.

Shoddo 69:12

Ta mooyon, addibaabooch kotetinaꞌo yibbaateheete; mashechinaꞌoo shoddeheete.

Shoddo 79:10

Aageteenaꞌo amoyich “Boonoshi Nuggishoo aaye?” geteeta? Ufeti ne guuninaꞌochi damee nichoon ne gaacon, no ciini beetaa aageteenaꞌoyich arichiibe.

Shoddo 79:4

No giyeenaꞌo noon naaggitinaꞌone; no guudoona beetinaꞌo noon coonee congetinaꞌone.

Shaahiyoo 1:12

maasho ashoon qooxoommon, kashoona boonoshi beetaa, boonoshin qooxone; oppooch boonoshi giyemmoyich tuniibone.

Erimiyaasi 18:16

Boonoshi naboona boonoshi showoo shokko echeto, wuche getteetoo tunemmone; aroona besheebeeto bulli giireyemmone; bi qelloonoo qeeqqeriyemmone.

Erimiyaasi 2:15

Daahereenaꞌo bi toommooch gigeheete; qaaroon oogichiꞌi gigeheete; bi showoonoo shokko echiiheete; bi katemeenaꞌoo micciꞌi ashaalli onoo tuneheete.

Erimiyaasi 24:9

Showee taatittino bulliichaa, wuche getteetinaꞌo tuniyemmo taane; boonoshin ta yookketi xaaꞌoo bulliichaa tocheyoyich, shixxeyoonaa ufonoyich tuniyemmo taane.

Erimiyaasi 33:24

“Asheenaꞌo ‘Doono Yeeri bi kaacciti gutte yareenaꞌon duppitone’ itinaꞌon beeggaachine? Illa ebiyee bekk boonoshi aafoochaa asho boonoshi tuneyaachemmoyich, ta asheenaꞌon qallayitinaꞌone” iye.

Erimiyaasi 51:34

Tsiyoon beetinaꞌo: “Baabloonee taatoo Nabukadinatsori noon maahe; noon yiikkehe; shokkaache qiicoommon noon tuniihe; dareboochoommon noon qooxxiye; shaawi no maayoona bi eriboon ceechiye; aroocheenoo noon maach aapphiye. No toommooch, no xibeenaꞌo toommoochoo tuneti xuꞌo Baablooni toommooch tunebe” gettemminaꞌone. Yerusaalemi beetinaꞌo: “No damoo Kalidee asheenaꞌo toommooch tunebe” gettemminaꞌone.

Erimiyaasi 52:1

Sedeqiyaasi bi taatehooba, bi eeno hiyaa ikke natone. Yerusaalem beechii, aaraa ikke naton qeejjiye. Bi indee Hamuxaali getteehan; biyoo Libini katemee asho Erimiyaasi busheene.

Shoosho 2:2

Doono, Yaaqobichi beeyi xaaꞌoo bullin amoonolla ariqqeyaanoon aalliihe; Yihudee asheenaꞌochi mishigoon bi kaaroona happiye; taatee showoonaa bi iraasheenaꞌonon showooch kindii cooniihe.

Shoosho 2:5

Doono ettoon tunehe; Israꞌeeleenaꞌon aalliihe; bi taatee kexo bullin aalliihe; bi mishigeenaꞌon happiye; Yihudee asheenaꞌoyich, eefonaa shooshoonon woddiihe.

Shoosho 3:62

Ta etteenaꞌo heeyo bullin, ta toommooch shaashikkeebee boyeeheete.

Hiziqeeli 12:20

Asho beebee echeti katemeenaꞌo aalleminaꞌone; showoo shokkoon echemmone; ebiyooba Doono Yeeri ta tunoon ariyemmo ittoshine” itone’ gete” iye.

Hiziqeeli 13:10

“ ‘Ebi keemechinaꞌo diggoo aalloon diggoone iibee ta asheenaꞌon muriciiheete; ta asheenaꞌo xaqqoon kecimmona boonoshi arooch booroon dikkeheete;

Hiziqeeli 35:13

Ittoshi noonoona ta toommooch ittoshi coodon, ta toommooch woddii ittoshi yibbaatoon waayeto taane.

Hiziqeeli 36:5

Ebich Nuggishoo Doono Yeeri ishichiye: Hoxoona tiyiꞌi oogeton emiriibee ta showoon bogona boonoshi hajjoon boono tuniitoyich, eche aageteenaꞌo bullinaa Edoomee asheenaꞌo bullinochi toommooch oogeti ta qanaatee qaaqqoon kindiyoona yibbaatemmo taane.’

Daaneeli 9:16

No axaaxee naboonaa no qaabbechinaꞌochi xuꞌee naboona no guudoona beeti bare yoodee asheenaꞌo ne katemoo Yerusaaleminaa ne asheenaꞌonon qallayitinaꞌone. Ta Doonocho, ebich ebiyee aaf ne shuuneti cadiqee shuunoommoona, ne yaafee geppoo tuneti Yerusaalemi toommoochee ne kaaroon wochibe!

Leweenaꞌo 26:43

Boonoshi gawukkii hammiti showoo ashaalli xafo tunemmone. Boonoshi aalletaa xafo bi tunemmi yemeenooba, bi mucceti shambetee kashee naton dane kashemmone. Ta dojjiti doyoon boonoshi qallayitoyich, ta qociiti qociyoonoo boonoshi tiyaaretoyich, boonoshi xuꞌoyich bede sheeroon deqqemminaꞌone.

Abidiyi 1:13

Boonoshi iritee aabooba, ta asheenaꞌochi uxeree kelloona giyi bedaano neene; boonoshi iritee aabooba, boonoshin diiga bedaano neene; boonoshi iritee aabooba, boonoshi hajjiton bogg bedaano neene.

1 Qorontoosi 4:13

gondoon no toommooch boonoshi yibbaatetaanoo deꞌoona wochaabeeto noone. Hanaach beddaahee hini alemeexi asheenaꞌo hidii duppiti guudoonaa caachoonon tuneto noone.

Yibbaatoo 28:37

Doono Yeeri neen bi shacciibeeti showooch beeti aageteenaꞌo bulli ebi ne toommooch shaggiti mooyon beegiree keqqemminaꞌone. Boonoshiyoo ne mooyon tochibee ne toommooch cooqqiremminaꞌone.