Hiziqeeli 36:28 - Kafa Linguistics Project

²⁸ Ittoshi qaabbechinaꞌoyich ta immeti showooch beeyemmo ittoshine; ta ashoon tunemmo ittoshine; tawoo ittoshi Nuggishoo tunemmo taane.

Hiziqeeli 36:28 ပူးပေါင်းရင်းမြစ်များ

Solomooni 6:3

Ta, shiiqqichi taane; shiiqqiyoo taachone; naddee bungee daggooch bagoon quyee beetone.

Erimiyaasi 24:7

Ta, Doono Yeeri ta tunoon ariyemmi mulloon boonoshich immemmo taane; boonoshi ceeni mulloona ta waan wottemminaꞌo boonoshi tunetoyich, ta asheenaꞌon tunemminaꞌone; tawoo boonoshich Nuggishoo tunemmo taane.

Erimiyaasi 31:1

Doono Yeeri ishichiye: “Ebiyooba Israꞌeelee gumbo bullich Nuggishoon tunemmo taane; boonoshiyoo ta maccoon tunemminaꞌone” iye.

Erimiyaasi 31:33

“Tunebaani ebi are yemeenoyee gubb Israꞌeelee macceenaꞌona tookki ta giyemmi wogo ebine” iye Doono Yeeri. “Ta sheeroon boonoshi mullooch kotiyemmo taane; boonoshi mullee cilloochoo kooremmo taane; tawoo boonoshi Nuggishoo tunemmo taane; boonoshiyoo ta macceenaꞌo tunemminaꞌone.

Erimiyaasi 32:38

Boonoshiyoo ta asheenaꞌon tunemminaꞌone; tawoo boonoshich Nuggishoon tunemmo taane.

Hiziqeeli 11:20

Ebich ta qociyoommona shaaddemminaꞌone; ta getonoo quyemminaꞌone; aroyichoo deꞌa gettemminaꞌone; boonoshiyoo ta asheenaꞌon tunemminaꞌone; tawoo boonoshi Nuggishoon tunemmo taane.

Hiziqeeli 14:11

Ebiyoo Israꞌeelee macceenaꞌo wotta tayee wohiree boonoshi muricaachemmonaa boonoshi axaaxoo bullina boonoshi eeꞌeyaachemmonoyichiye. Ebiyoo, boonoshiyoo taach maccoo boono tunemmoyich, tawoo boonoshich Nuggishoo ta tunemmoyichiye” iye Nuggishoo Doono Yeeri.

Hiziqeeli 28:25

Nuggishoo Doono Yeeri ishichiye: “Israꞌeelee macceenaꞌon boonoshi shaceti aageteenaꞌo daggoochee ta kiciyooba, aageteenaꞌo ciini beetaa boonoshi daggoochaa ta yaafittinoon ta bekkiihooba, ta guuno Yaaqobich ta immeti boonoshi hajjee showooch kotemminaꞌone.

Hiziqeeli 34:30

Boonoshi Nuggishoo Doono Yeeri ta, boonoshina tookkii ta beemon, Israꞌeelee macceenaꞌo ta asheenaꞌo boonoshi tunoon ariyemminaꞌone.

Hiziqeeli 36:10

Tawoo ashoon, Israꞌeelee maccoo bullinoo meeto ta tuniitaa ittoshi toommooch kotemminaꞌone; tiisheti katemeenaꞌo wochi shuuneyemminaꞌone; katemeenaꞌoo ashi beeyi xaaꞌoo tunemminaꞌone.

Hiziqeeli 37:23

Ebiyee bekk boonoshi nuggisheenaꞌona, ciigiiti boonoshi mooyona, boonoshi xuꞌoonoo boonoshi qelloon eeꞌiyaachemminaꞌone. Taan qayona boonoshi shuuneti axaaxoochee boonoshin wodiyemmo taane; boonoshin xalliyemmo taane; ta asheenaꞌon tunemminaꞌone; tawoo boonoshi Nuggishoon tunemmo taane.

Hiziqeeli 37:25

Boonoshi qaabbechinaꞌo beebee echeti, ta guuno Yaaqobich ta immeti showooch kotemminaꞌone; boonoshi, boonoshi bushiisheenaꞌonaa bushaa bushiisheenaꞌona bulli aaboon arooch beeyemminaꞌone; ta guuno Daawiti bulli aaboon boonoshi toommooch taatemmone.

Hiziqeeli 37:27

Ta beeyi xaaꞌoo boonoshina tookki tunemmone; ta boonoshi Nuggishoon tunemmo taane; boonoshiyoo taach ta asheenaꞌon tunemminaꞌone.

Hiziqeeli 39:28

Kecaa aageteenaꞌo showooch boonoshi hammemmoyich ta tuniitaanona, koninolla arooch echiyaanoon kecoochee boono hajjee showooch wochii deebeto, boonoshi Nuggishoo Doono Yeeri ta tunoon ariyemminaꞌone.

Hosee'i 1:10

“Israꞌeeleenaꞌo haddaa woyee qeelletaa ciyaani baharee gasheexi qacoochoommon meettemminaꞌone. ‘Ta asho toono ittoshine’ boonoshi getteeti ebi xaaꞌoochaa ‘Beeyechi Nuggishoo Yeerichi bushiisheenaꞌo’ getteyemminaꞌone.

Zakaariyaasi 13:9

Ebi ikke beeroon qaaqqooch deebemmo taane; birewoon ukkoommon ukkiree boonoshin xalliyemmo taane; aachoon ukkoommonoo ukkiree boonoshin haattemmo taane. Boonoshiyoo ta waan corootemminaꞌone; tawoo boonoshi corootoon waayemmo taane. Boonoshin, ‘Ta asheenaꞌone’ gettemmo taane; boonoshiyoo ‘Doono Yeeri, no Nuggishoone’ gettemminaꞌone” iye.

Zakaariyaasi 8:8

Yerusaalem boonoshi beeyemmoyich boonoshin wochi deebemmo taane. Boonoshiyoo ta asheenaꞌo tunemminaꞌone; tawoo gibeneeti, cadiqe boonoshi Nuggishoo tunemmo taane” iye.

Maatiyoosi 22:32

Ebiyoo ‘Ta Abrahamichi Nuggishoo, Yisaaqichi Nuggishoo, Yaaqobichi Nuggishoo taane’ ii beetone. Illa kashechinaꞌochi Nuggishoani qititinaꞌochi Nuggishoo toonoone” iye.

2 Qorontoosi 6:16

Yeerichi yaafee kexonaa shahalloonoyich amee danittino beete? No, beeyechi Yeerichi yaafee kexo noone; Yeeri ishichiye: “Boonoshina tookki beeyemmo taane; boonoshi daggooch shaꞌemmo taane; boonoshi Nuggishoo tunemmo taane; boonoshiyoo ta macceenaꞌo tunemminaꞌone” iye.

Hibireena'o 11:16

Tunebaani beshoon, ebiyoo shimaajji xaaꞌoon qaatii beeheete. Ebich Yeeri boonoshi beeyemmi katemoon boonoshich qanniitone. Ebich Yeeri boonoshi Nuggishoo getaa ceekkoyich yeelleyaache.

Hibireena'o 8:10

Ebi are yemeenoyee gubb Israꞌeelee macceenaꞌona tookki ta giyemmi wogo ebine, iye Doono Yeeri: Ta sheeroon boonoshi mullooch kotiyemmo taane; boonoshi mullee cilloochoo kooremmo taane; tawoo boonoshi Nuggishoo tunemmo taane; boonoshiyoo ta macceenaꞌo tunemminaꞌone.

Yaaꞌoo 21:3

Aree hillooch ooge qaaro qeenoochee kechiꞌi, “Ebiyoche, Yeerichi qeyi xaaꞌoo asheenaꞌo daggooch tunetone; boonoshina tookki beeyemmone; boonoshiyoo bi asheenaꞌo tunemminaꞌone. Yeeriyoo bi qelloona boonoshina tookki tuneree boonoshi Nuggishoo tunemmone.

Yaaꞌoo 21:7

Gondoochi giidoon kochii wochito ebin woraashemmone; biich Nuggishoon tunemmo taane; biyoo ta bushoon tunemmone.