Hiziqeeli 36:15 - Kafa Linguistics Project

¹⁵ Ebiyee bekk aageteenaꞌochi diigee qaaroon neech waayiyaachemmo taane; aageteenaꞌochi naagoon shaagaachemmi neene. Ebiyee bekk ne asheenaꞌo tepheyemmoyich tuniyaachemmi neene; Nuggishoo Doono Yeeri ta, ebin getteto taane’ gete” iye.

Hiziqeeli 36:15 ပူးပေါင်းရင်းမြစ်များ

Shoddo 123:3

Doono Yeero, nooch ariqqebe; oogeti hoxeyoo no toommooch bi shaggitoyich, nooch ariqqebe.

Shoddo 89:50

Ta Doonocho, ne guuno ta, am shaahoon ta cooqqireeto gaata, macceenaꞌochi naagoon haaꞌiyoona am shaahoon ta xuuxeto gaata, gabibe.

Isiyaasi 54:4

“Yeelleyaachemmi neene, shattaahine; cooneyaachimmi neene, keqqiyaahine. Ne bushittinooba ne toommooch shaggiti yeelloon battemmi neene; xuumittinee naagoon ebiyee bekk gabaachemmi neene.

Isiyaasi 60:14

Neen neexxii hajjitinaꞌochi yareenaꞌo yiti goyinnebee, ne waan woyemminaꞌone; neen hoxetinaꞌo bulli ne baatooch goyinnemminaꞌone; neenoo ‘Doono Yeerichi katemee, Israꞌeelee Yaafoochi tuneti, Tsiyoone’ geti ceeggemminaꞌone.

Isiyaasi 63:13

aachi dechi duchoona boonoshin yaabito aaye?” iyeete. Boonoshiyoo barahooch beeti hareshoochoommon tepheyaanoon besheheete.

Isiyaasi 65:19

Tawoo ta qelloona Yerusaaleminaa ta asheenaꞌona oogeton emiremmo taane; ebiyee bekk eefo tuneba bunnee qaaroo aroochee waayeyaachemmone.

Erimiyaasi 13:16

Manderoon bi deebaan beetaa, mandereti guudinaꞌo toommoochaa ittoshi baateenaꞌo tepheyaan beetaa, gibenoona ittoshi quyeebeeti bekkoon, manderooch, dunne manderoochoo shaddaani bi beetaa, ittoshi Nuggishoo Doono Yeerin oogiibote.

Erimiyaasi 18:15

Tunebaani ta asho taan battetone; duube mooyoyich ixaanoon shookkitone; gommoocheenoo tepheetone; wonnee gommoochee wokkiꞌi, shuuneyaani wuuqqe gommooch shokitone.

Hiziqeeli 21:28

“Ashi bushoocho, keemoon keembe; Nuggishoo Doono Yeeri ta Amooneenaꞌonaa boonoshi naagoochonon ta gettaa beeton ishichi gete: ‘Goraado guuroyich kaacceetone; aalliyoyich yoppheetone; xeeyoochoommon waccoyichoo yoppheetone.

Hiziqeeli 22:4

Ne ukkiti damoona xuꞌechi tuneti neene; ne shuuneti shahalloona eeꞌeti neene; ne aaboon katichihine; ne yemeenoonoo qamichihine; ebich aageteenaꞌona ne naakkemmoyich, showeenaꞌonoo ne cooneyemmoyich tuniito taane.

Hiziqeeli 34:29

Qeemi showoon boonoshich qanniyemmo taane; ebiyee bekk showee toommoochaa shaacoona ciireyaachemminaꞌone; ebiyee bekk aageteenaꞌona naakkeyaachemminaꞌone.

Hiziqeeli 36:14

Tunebaani ebiyee bekk ashoon maabeeti tuneyaachemmi neene; ne asheenaꞌonoo bushaalleenaꞌo tuniyaachemmi neene. Nuggishoo Doono Yeeri ta ebin getteto taane.

Hiziqeeli 36:16

Doono Yeeri taach ishichiye:

Hiziqeeli 36:6

Ebich Israꞌeelee showoon ciinnii beetona keemoon keembe; guudinaꞌonaa geppeenaꞌonoyich, woce aacinaꞌonaa bambeenaꞌonoyichoo ishichibe: ‘Nuggishoo Doono Yeeri ishichiye: Aageteenaꞌochi naagoona ittoshi xuuxetoyich ta qanaatee kaaroona yibbaatemmo taane.

Hiziqeeli 36:7

Ebich Nuggishoo Doono Yeeri ta ishichiyoye: Ittoshi guudoona beeti aageteenaꞌo boonoshi qelloona naagee naboona xuuxemminaꞌo boonoshi tunoon wogehoye.

Hiziqeeli 38:18

Nuggishoo Doono Yeeri ishichiye: “Googi Israꞌeelee showoon bi koyiyooba, ta kaaro cufemmone;

Yoꞌeeli 2:19

Boonoshichoo ishichiye: “Maayoon, woyinee uyoonaa zayitoonon ittoshich immemmo taane; ittoshiyoo michemmo ittoshine. Ebiyee bekk, aageteenaꞌo daggoochaa, ittoshi cooneyemmoyich tuniyaachemmo taane.

Sofoniyaasi 2:8

Beshe Mawe Doono Yeeri ishichiye: “Moꞌabee asheenaꞌonaa Amoonee asheenaꞌona ta asheenaꞌon coonee naageebee, boonoshi showoon yecha boonoshi miichoon waayeto taane.

Sofoniyaasi 3:15

Doono Yeeri ittoshi toommooch nalleeti nalloon tiijjitone; ittoshi etteenaꞌon yookkii kichitone. Israꞌeeleenaꞌochi Taatoo Doono Yeeri ittoshina tookkii beetone; ebich, ittoshi shattemmi gonde mooyo amolla aalloone.