Hiziqeeli 36:11 - Kafa Linguistics Project

¹¹ Ashoonaa gijjoonon ittoshi toommooch woddiyemmo taane; boonoshiyoo woddemminaꞌone; aafemminaꞌone; wonnee ittoshi gooroommon arooch ittoshi beeyemmoyich tuniyemmo taane; aafichoyee beshoon gaawe mooyon ittoshich tuniyemmo taane; Doono Yeeri ta tunoon ariyemmo ittoshine.

Hiziqeeli 36:11 ပူးပေါင်းရင်းမြစ်များ

Iyoobi 42:12

Doono Yeeriyoo Iyoobichi gubbi beemon aafichoyee beshoon diiriye. Biyoo aaraa awudde hume bagoon, shiritte hume gaaleen, hume kashee gattoonaa hume maache kureenaꞌonon hajjiye.

Isiyaasi 30:26

Doono Yeeri bi asheenaꞌochi tiishoon sheppheꞌi bi wodiihooba, bi naxo mayiiton bi wodiihooba, agene aabeechoommon aaxxemmine; aabee aaxxo aafichoyee shabaatte kishoon besho tunemmone; shabaatte qemi aabo ikkochee kechiton shaahiree bekkemmone.

Isiyaasi 51:3

Doono Yeeri ta, Tsiyoonin, shokkoon echeti bi xaaꞌoonoo, goggiyemmo taane; bi barahoon Edeniyoommon, Doono Yeerichi bechee mixinaꞌo beeti xaaꞌoommonoo, tuniyemmo taane; bi waan emiroonaa wucwucona danemmone; galletee shoddo bi waanaa shoddeyemmone.

Erimiyaasi 23:3

“Ta bagee cureenaꞌon boonoshin ta yookketi showoo bulliichee kicemmo taane; wochiree boonoshi showooch boonoshin deebemmo taane; boonoshiyoo aafemminaꞌone; meettemminaꞌone.

Erimiyaasi 23:4

Boonoshin shiimeree qiddemmi qiddeenaꞌon boonoshich ukkiriyemmo taane; wochinnoon shataachemminaꞌone; keqqaachemminaꞌone; boonoshiichee ikkolla aalleyaachemmone” iye Doono Yeeri.

Erimiyaasi 30:18

“Doono Yeeri ishichiye: Yaaqobichi duukkaanee kecoon wochemmo taane; bi beemi xaaꞌoyichoo ariqqemmo taane; katemoo wochinnoon bi xoobooch shuuneyemmone; taatee kexoo wonnee bi xaaꞌooch neexemmone.

Erimiyaasi 31:27

Doono Yeeri ishichiye: “Ebiyoche Israꞌeelee kexonaa Yihudee kexonon ashi yaaroonaa gijjee yaroona ta ceechemmi yemeeno woyemmone.

Erimiyaasi 33:12

Beshe Mawe Doono Yeeri ishichiye: “Ashaalloon woyee gijjaalloon shokkoon echeti hini xaaꞌoo, bi katemeenaꞌo bulliyoo, boonoshi bageenaꞌon qiddeebeeti, qiddeenaꞌochi beeyi xaaꞌoon tunemminaꞌone.

Hiziqeeli 16:55

Ne maneenaꞌo tuneti Sodoominaa Shamaarina boonoshi bushiisheenaꞌoo wonnee boonoshi goorooch wottemminaꞌone; neennaa ne bushiisheenaꞌonoo wonnee ittoshi goorooch wottemmo ittoshine.

Hiziqeeli 35:9

Bulli aabooch shokkoon neen echiyemmo taane; ne katemeenaꞌo asho beetaachemminaꞌon tunemminaꞌone; aroochee ta, Doono Yeeri ta tunoon ariyemmo ittoshine.

Hiziqeeli 36:35

Asheenaꞌoo ‘Shokkoon echeti showoo Eden bechee xaaꞌoommon tunetone; happeeti, shokkoon echeti, aalleti katemeenaꞌo mishigechi beeyi xaaꞌoon tunetinaꞌone’ gettemminaꞌone.

Hiziqeeli 37:13

Ta asheenaꞌote, ittoshi oppoon ta qechiyooba, oppoochee ittoshin ta kichiyooba, ta, Doono Yeeri ta tunoon ariyemmo ittoshine.

Hiziqeeli 37:26

Diggee wogoon boonoshina tookki giyemmo taane; ebi wogo bulli aabee wogoon boonoshich tunemmone; boonoshin manjiyemmo taane; meechemmo taane; ta yaafee kexo bulli aaboon boonoshi daggooch bi beeyemmoyich tuniyemmo taane.

Hiziqeeli 37:6

Maqqoonaa meenonon ittoshich imiree achee gooqqoona qeremmo taane; ittoshi kashooch kashee hiinnoon giijjemmo taane; kashoonoo beeyemmo ittoshine; ta, Doono Yeeri ta tunoon ariyemmo ittoshine’ gete” iye.

Hosee'i 2:1

“Ebich, anaami ittoshi maneenaꞌon ‘Ami’ maache ittoshi maneenaꞌon ‘Ruhaami’ getote!

Hosee'i 2:20

Gibeneeto tunoona neen tippemmo taane; newoo Doono Yeeri taan ariyemmi neene.

Amootsi 9:11

Doono Yeeri ishichiye: “Ebi arooba, kexo dihoommon dihiti Daawitichi taatittinoon tiijji neechemmo taane; tiisheti uxeroon wochinnoon uxereree andiriyemmo taane; wochinnoon hagiree wonnee bi goorooch wochemmo taane.

Amootsi 9:15

Boonoshi hajjee showooch daamiree, mixo bechoommon boonoshin bechemmo taane; boonoshich ta immeti showoochee, boonoshin waaxxemmo koniyoona aalloone” iye ittoshi Nuggishoo Doono Yeeri.

Mikiyaasi 7:14

Doono Yeero, boonoshi ikkeeto kubbi daggooch koteti, bechee mixinaꞌo daggooch beeti ne asheenaꞌon, qiddoo bi gumboona bi gijjoon quyoommon, ne hajjee asheenaꞌon quyebe; wonnee yemeenooch bi tunetoommon, gaaweto tuneti Bashaanee showoonaa Gilaadee showoonooch hamiree boonoshi beeyemmoyich tuniibe.

Zakaariyaasi 10:8

Boonoshin shennoona ceegiree, kicemmo taane; boonoshin biishemmo taane; ebiyee aafichoommon, meettemminaꞌone.

Zakaariyaasi 2:8

Ittoshi achooch shaggimmo ta aafee aachoon kochite getone” iye. Aroochee Beshe Mawe Doono Yeeri bi asheenaꞌon boggiti aageteenaꞌoyich ishichi ta gettemmoyich gettiye:

Yibbaatoo 30:5

Ne Nuggishoo Doono Yeeri ne qaabbechinaꞌochi hajjee showooch neen deebemmone; newoo are showoon hajjemmo neene. Ne qaabbechinaꞌoyee beshoon neen gaanniyemmone; neenoo meechemmone.

Hibireena'o 11:40

Danoon boonoshi qajjiti naboo, Yeeri beshe mooyon nooch bi gabitoyichiye; ebiyoo noonna tookkii tuno bi qayigaata, shappaalli ceeninaꞌo boonoshin tuniyaachemmo bi tunetoyichiye.

1 Yowannisi 5:20

Wotta Yeerichi Bushoo womonaa iberoo tuneti Yeerin no ariibeeti mulloon nooch bi imonon ariibeeto noone. Iberoo tuneti Yeerina tookkii nooch ikkittino beetone; wotta bi Bushoo Yesuus Kiristoosina tookkii nooch ikkittino beetone. Biyoo ibere Nuggishoonaa bulli yemeenee kashoonane.