Hiziqeeli 36:10 - Kafa Linguistics Project

¹⁰ Tawoo ashoon, Israꞌeelee maccoo bullinoo meeto ta tuniitaa ittoshi toommooch kotemminaꞌone; tiisheti katemeenaꞌo wochi shuuneyemminaꞌone; katemeenaꞌoo ashi beeyi xaaꞌoo tunemminaꞌone.

Hiziqeeli 36:10 ပူးပေါင်းရင်းမြစ်များ

Isiyaasi 27:6

Woyemmi yemeenooch, Yaaqobi mixochoommon cammon awuremmone; Israꞌeeli bungiree aafemmone; bi aafoo showoo bulliich ceennemmone.

Isiyaasi 51:3

Doono Yeeri ta, Tsiyoonin, shokkoon echeti bi xaaꞌoonoo, goggiyemmo taane; bi barahoon Edeniyoommon, Doono Yeerichi bechee mixinaꞌo beeti xaaꞌoommonoo, tuniyemmo taane; bi waan emiroonaa wucwucona danemmone; galletee shoddo bi waanaa shoddeyemmone.

Isiyaasi 52:9

Yerusaalemi buriceenaꞌote, Doono Yeeri bi asheenaꞌon bi goggiitoyich, Yerusaalemin bi biishetoyich, ikkittinoona emiroona shoddebote.

Isiyaasi 58:12

Ittoshi shiijjereenaꞌo wonna happeeti buriceenaꞌon wochinnoon boonoshi xaaꞌooch shuunemminaꞌone; ittoshiyoo ‘Tiisheti uxereenaꞌon, gommechi beemi xaaꞌeenaꞌonoo wochii shuunechinaꞌo’ getteyemmo ittoshine” iye.

Isiyaasi 61:4

Boonoshiyoo wonna happeeti buriceenaꞌon shuunemminaꞌone; wonna dihitinaꞌon wochi tiijjemminaꞌone; meeti shiijjeroyee aafi tiishee aalleti katemeenaꞌon, wochi shuunemminaꞌone.

Erimiyaasi 30:19

Boonoshi waanee galletee shoddoonaa emiree ililoona waayeyemmone. Boonoshin meechemmo taane; boonoshiyoo shappaachemminaꞌone; ta boonoshin oogiyemmo taane; boonoshiyoo giisheyaachemminaꞌone.

Erimiyaasi 31:24

Yihudee showoonaa bi katemoo bullina beeyi xaaꞌoo tunemminaꞌone; goyee gochechinaꞌonaa gijjee shiijjechinaꞌona arooch kotemminaꞌone.

Erimiyaasi 33:12

Beshe Mawe Doono Yeeri ishichiye: “Ashaalloon woyee gijjaalloon shokkoon echeti hini xaaꞌoo, bi katemeenaꞌo bulliyoo, boonoshi bageenaꞌon qiddeebeeti, qiddeenaꞌochi beeyi xaaꞌoon tunemminaꞌone.

Hiziqeeli 36:33

“Nuggishoo Doono Yeeri ishichiye: Ittoshi axaaxoo bulliichee ittoshin ta xalliimmi aabooba, katemeenaꞌooch asheenaꞌon kotiyemmo taane; shokkoon echeti katemeenaꞌo wochinnoon shuuneyemminaꞌone.

Hiziqeeli 36:37

“Nuggishoo Doono Yeeri ishichiye: Israꞌeelee macceenaꞌo ashoon gaddeexi bagoochoommon ta woddiyemmoyich qollemminaꞌone; tawoo ebin tuniyemmo taane.

Hiziqeeli 37:11

Biyoo taach ishichiye: “Ashi bushoocho, ebi shaawusheenaꞌo Israꞌeelee macceenaꞌo bulline; boonoshiyoo ‘Ebiyoche, no shaawusho shuuqqitone; gibenoon kuxxeto noone; ciroona aalleto noone’ itinaꞌone.

Hiziqeeli 37:21

boonoshichoo ishichibe: ‘Nuggishoo Doono Yeeri ishichiye: Israꞌeelee asheenaꞌon boonoshi hammiti aageteenaꞌo daggoochee deebemmo taane; bulli kaattoochee boonoshin kicemmo taane; boonoshi hajjee showooch boonoshin deebemmo taane.

Hiziqeeli 37:22

Showee toommooch, Israꞌeelee guudoochaa boonoshin ikke ashoon tuniyemmo taane; ikke taatoo boonoshi bulli toommooch taatemmone; ebiyee bekk gutte aagetoon tuneyaachemminaꞌone; gutte taatee showoon tune qoodeyaachemminaꞌone.

Hiziqeeli 37:26

Diggee wogoon boonoshina tookki giyemmo taane; ebi wogo bulli aabee wogoon boonoshich tunemmone; boonoshin manjiyemmo taane; meechemmo taane; ta yaafee kexo bulli aaboon boonoshi daggooch bi beeyemmoyich tuniyemmo taane.

Hiziqeeli 39:25

“Ebich Nuggishoo Doono Yeeri ta ishichiibeeto taane: And Yaaqobichi kecoon wochemmo taane; Israꞌeelee maccoo bullich ariqqemmo taane; yaafe ta shigoyich qanaatemmo taane.

Amootsi 9:14

Ta asheenaꞌo tuneti Israꞌeeleenaꞌon boonoshi showooch wochiree deebemmo taane; boonoshiyoo tiisheti katemeenaꞌon wochinnoon hagiree arooch kotemminaꞌone; woyinoon bechiree woyinee uyoon uchemminaꞌone; maayoon bechiree bi aafoon maayemminaꞌone.