Hiziqeeli 35:13 - Kafa Linguistics Project

¹³ Ittoshi noonoona ta toommooch ittoshi coodon, ta toommooch woddii ittoshi yibbaatoon waayeto taane.

Hiziqeeli 35:13 ပူးပေါင်းရင်းမြစ်များ

2 Taateenaꞌo 19:28

Ta toommooch ne nagixoonaa ne geecoona ta waamooch bi giyitoyich, ne muddooch tuutoon, ne kookkooch lugaamoon gediree, ne waati boochoona neen wochemmo taane’ itone.

2 Kiinoo 32:15

Andoo Hiziqiyaasi ittoshin dachaaye; ittoshin muriciyaaye; Hiziqiyaasin iberiyaahote. Bi asheenaꞌon ta kishoochee woyee ta qaabbechinaꞌo kishoochee wodiyoon hakkiti, amee showee asheenaꞌochi woyee taatoochi nuggisholla aalloone. Ittoshi nuggishochi, ta kishoochee ittoshin wodiyoon bi hakkemmo, aabichireeshiye?’ iiniye” iye.

2 Kiinoo 32:19

Boonoshiyoo ashi kishoona shuuneeti, aageteenaꞌochi nuggisheenaꞌo toommooch boonoshi yibbaatetoommon, Yerusaalemi Nuggishoo toommooch yibbaateheete.

Iyoobi 34:37

No bulli aafoochaa, cooqqirii koppeebee, Yeeri toommooch woddoon yibbaatoona, bi axaaxee toommooch hukkoon daakkitone” iye.

Iyoobi 35:16

Iyoobo, baad cikkaa yibbaatehine; shalligaanoon yibbaatoon meechihine” iye.

Shoddo 74:18

Doono Yeero, aabichii etto cooqqiriibeeto gaata, mullaalli asheenaꞌo ne shigoon hoxeebeeto gaatoo, ciine.

Shoddo 94:9

Waamon hallito waayeyaachehe? Aafoon hallito ciinaachehe?

Keyo 16:12

“Israꞌeeleenaꞌo guruuxiti guruuxoon waayeto taane. Ebin boonoshich gete: ‘Mayi xum, aabe gimooch, meenon maayemmo ittoshine; bi dechara maaddoona koshon maa michemmo ittoshine; ebina ittoshi Nuggishoo Doono Yeeri ta tunoon ariyemmo ittoshine’ gete” iye.

Dojjecho 10:14

Mullaalli asho yibbaatoon genjiihe; tunebaani gubb tunemmi mooyon ariibeeti asho koniyoona aalloone; bi qititoyee gubb tunemmon gettemmo koniyoona aalloone.

Isiyaasi 36:20

Ebi aagetee showeenaꞌochi nuggisheenaꞌo bulli daggoochee boonoshi showoon ta kishoochee wodiyoon hakkito beete? Doono Yeeri Yerusaalemin ta kishoochee bi wodiyemmo aabichireeshiye?’ itone” iye.

Isiyaasi 37:10

“Ishichiree Yihudee taatoo Hiziqiyaasich getote: ‘Ne gibenaabeeti nuggishoo “Yerusaalemi Asooree taatoo kishooch dihaachemmone” getona neen dachaaye.

Isiyaasi 37:23

Koniniye ne hoxaa naaggeto? Koni toommoochiye ne goohito? Koni toommoochiye geecoona aafoon ne ciixxeto? Israꞌeelee Yaafoo Yeeri ta toommoochiye.

Isiyaasi 37:27

Are showee asheenaꞌochi mochoo nirehe; gibenoon kuxxii yeelleheete; aabo keyigaata bekkech shoolliibeeti, gaddeexi mocoommon, mocee nolloommon, kechi toommooch colleti mocoommon, tuneheete.

Isiyaasi 37:29

Ta toommooch ne nagixoonaa ne geecoona ta waamooch bi giyitoyich, ne muddooch tuutoon, ne kookkooch lugaamoon gediree, ne waati boochoona neen wochemmo taane’ itone.

Erimiyaasi 29:23

Ebiyoo Israꞌeeleenaꞌo daggooch yeexeree mooyon boonoshi tuniitoyich, boonoshi giyeenaꞌochi mecheenaꞌona tookkii boonoshi shadditoyich, boonoshich ta getaani qaaroon ta shigoona kootoon boonoshi gettitoyichiye; ebinoo ta ariibeeto taane; miixoo taane” iye Doono Yeeri.

Erimiyaasi 48:26

“Doono Yeeri ta toommooch bi geecitoyich Moꞌabin mashiibote; bi cooyee toommoochoo gederebe; cooneebe.

Erimiyaasi 48:42

Moꞌabi Doono Yeeri toommooch bi geecitoyich aallemmone; ebiyee bekkoo aagetoon tuneyaachemmone.

Erimiyaasi 7:11

Ebi ta shigoona ceekketi kexo ittoshi aafoochaa bokkeenaꞌochi gofoon ittoshich shaahii beete? Ittoshi tunii beeton beeggeto taane, iye Doono Yeeri.

Hiziqeeli 35:12

Ne “Tiishee aalletinaꞌone; maayo tuniitaa nooch ichetinaꞌone” iyaꞌa Israꞌeelee guudinaꞌochi toommooch ne naageto bullin Doono Yeeri ta waayeto ta tunoon ariyemmo neene.

Hiziqeeli 36:3

Ebich keemoon keembe; ishichishoo gete: ‘Nuggishoo Doono Yeeri ishichiye: Kaatti kaattoona giichiꞌi koyona ittoshin boonoshi buriccitonaa shokkoon echiitonoyich, aageteenaꞌoyich iristoonoo ittoshin boono tuniitoyich, yibbaatechinaꞌo noonoona ittoshi tocheetonaa aageteenaꞌona ittoshi sheexxetonoyich,

Daaneeli 11:36

“Ebi Sooriyee taatoo bi shunniton shuunemmone; nuggisheenaꞌoyee damba bi qelloon oogiyemmone; nuggisheenaꞌochi Nuggishoo toommooch naagee yibbaatoon yibbaatemmone. Yeeri gabito bulli tuno echeyaano bi tunetoyich, Yeerichi kaaree yemeeno tunemmi wottoon ebin tunii beeyemmone.

Milikiyaasi 3:13

Doono Yeeri ishichiye: “Ta toommooch kupphe yibbaatoon yibbaateto ittoshine. “Tunebaani ittoshi ‘Ne toommooch ama iyaꞌa yibbaatehone?’ ito ittoshine.

Haddoo 12:2

Ishichiinoo iyeete: “Iberoon Doono Yeeri Muusina baachiye bi gettito? Noonna getaanoone?” iyeete. Doono Yeeriyoo ishin waayehe.

Haddoo 14:27

“Hini gonde iitoo ta toommooch bi guruuxi beeyemmo, aati wottooniye? Israꞌeeleenaꞌo ta toommooch boonoshi guruuxiibeeti guruuxoon waayeto taane.

2 Pheexiroosi 2:18

Geeciibee tuushee yibbaatoon yibbaatee beetinaꞌone; axaaxoona beetinaꞌo daggoochee muriccii kechii beetinaꞌon, bekkech batt boonoshi kecha iyaa, yeelliibeeti meechi qaatoona dawushii beetinaꞌone.

1 Saameeli 2:3

Doono Yeeri bullin ariibeeti Nuggishoone; asho shuuneebeeti shuunoon machoona qoccii beetone. Ebich coodona yibbaatoon qayote. Geecee yibbaatoo ittoshi noonoochee kechaaye.