Hiziqeeli 34:27 - Kafa Linguistics Project

²⁷ Gaddeexi mixinaꞌo aafemminaꞌone; showoo maayi colloon uummiyemmone; boonoshi showooch keqqaalloon diggoona beeyemminaꞌone; boonoshi waanjee kayoon ta tiishiyooba, boonoshin hajjii beetinaꞌo kishoochee boonoshin ta kichiyooba Doono Yeeri ta tunoon ariyemminaꞌone.

Hiziqeeli 34:27 ပူးပေါင်းရင်းမြစ်များ

Iyoobi 5:23

Ne gochaabeeti showooch xaqqo meetaachemmone; kubbi cooxinaꞌoo neen qaawaachemminaꞌone.

Shoddo 67:6

Showee maayoon immahane; no Nuggishoo Yeeri noon diiriye.

Shoddo 85:12

Doono Yeeri gaawe mooyon immemmone; no showee maayoon immemmine.

Shaahiyoo 3:24

Ne tokketaa beegaata, shataachemmo neene; shaawi tokketoon tokketemmo neene.

Isiyaasi 10:27

Arooba boonoshi shaago ittoshi gogoochee, boonoshi waanjoo ittoshi qettoochee kindemmone. Ittoshi aangoochee tiyitona bi waanjoo tiishemmone.

Isiyaasi 35:9

Daahereenaꞌo arooch beetaachemminaꞌone; kuxxii maabeeti cooxinaꞌo arooch waataachemminaꞌone; aroochoo daneyaachemminaꞌone; tunebaani shiweetinaꞌo aroona shaꞌemminaꞌone.

Isiyaasi 4:2

Arooba Doono Yeerichi michi qaakko mallet gaawoonaa oogechona tunemmone; showoochee daneebeeti aafo, muriccii woditi Israꞌeeleenaꞌoyich geecoonaa oogoonon tunemmone.

Isiyaasi 61:3

Tsiyoonaa eeppii beetinaꞌoyich, tullee keroon mocee bungee gubbichoon, eeppi keroon emiree zayitoon, ayinii tuummi keroon galletee tahoon, ta immemmoyich taan wochetone; boonoshiyoo bi oogoon boonoshi bekkiyemmoyich, Doono Yeeri bechiti cadiqee mixinaꞌo getteyemminaꞌone.

Isiyaasi 9:4

Miidiyameenaꞌo koyaa wottehooba bi tunetoommon, boonoshin maggeti waanjoon, boonoshi gogooch kindiibeeti gumboon, boonoshin xuuxiyechochi yaaboon, tiicheto neene.

Erimiyaasi 2:20

Beshe Mawe Doono Yeeri ishichiye: “Meeti yemeenoyee aafi ne waanjoon tiichehoye; ne cuyoonoo kuxxehoye; tunebaani ne, taach maddoon qajjehine. Yahechichoommon, geppe xaaꞌoo bulliich, waajjechi michi baatoo bulliich qeyehine.

Erimiyaasi 23:4

Boonoshin shiimeree qiddemmi qiddeenaꞌon boonoshich ukkiriyemmo taane; wochinnoon shataachemminaꞌone; keqqaachemminaꞌone; boonoshiichee ikkolla aalleyaachemmone” iye Doono Yeeri.

Erimiyaasi 25:14

Meeti aageteenaꞌonaa ogooge taateenaꞌona boonoshin hajjemminaꞌone; tawoo boonoshi tuniitoommonaa boonoshi kishee shuunoommonon boonoshich qoccemmo taane’ itone” iyo.

Erimiyaasi 27:7

Bi showoo baroyich tunemmi aabo waammi wottoon aagetoo bulli biich, bi bushoonaa bi bushaa bushiisheenaꞌonoyich hajjeyemmone; aroyee gubb meeti aageteenaꞌonaa ogooge taateenaꞌona biin hajjemminaꞌone.

Erimiyaasi 30:8

“Ebiyooba, iye Beshe Mawe Doono Yeeri, boonoshi qetteexi waanjoon tiichemmo taane; boonoshi cuyoon kuxxemmo taane; ebiyee bekk dallaawoo boonoshin hajjaachemmone.

Hiziqeeli 28:25

Nuggishoo Doono Yeeri ishichiye: “Israꞌeelee macceenaꞌon boonoshi shaceti aageteenaꞌo daggoochee ta kiciyooba, aageteenaꞌo ciini beetaa boonoshi daggoochaa ta yaafittinoon ta bekkiihooba, ta guuno Yaaqobich ta immeti boonoshi hajjee showooch kotemminaꞌone.

Hiziqeeli 30:18

Gibitsi giidoon ta tiishiyooba, Xafinaasich areddee showoo xumemmone; bi geeciibeeti bi giidoo niremmone; qubo biin guuppemmone; bi asheenaꞌoo kecceyemminaꞌone.

Hiziqeeli 33:29

Boonoshi tuniiti ciigiiti mooyoyich showoon shokkaachoonaa amolla aalloonon ta tuniihooba, ta, Doono Yeeri ta tunoon ariyemminaꞌone’ itone gete.

Hiziqeeli 34:10

Nuggishoo Doono Yeeri ta ishichiyoye: Ebiyoche ta qiddeenaꞌo toommooch tiyeto taane. Ta bageenaꞌon boonoshi kishoochee qaawemmo taane; wochinnoon boonoshi shiimemmoyich tuniyaachemmo taane; qiddeenaꞌo boonoshi qelloon wochi boonoshi shiimeyaachemmoyich tuniyemmo taane; boonoshich maayoon boonoshi tuneyaachemmoyich, ta bageenaꞌon boonoshi kookkoochee wodiyemmo taane.

Hiziqeeli 34:25

“ ‘Diggee wogoon boonoshina tookki giyemmo taane; gonde cooxinaꞌon showoochee aalliyemmo taane; ebina boonoshi diggoona barahooch kotemminaꞌone; kuboochoo tokketemminaꞌone.

Hiziqeeli 34:29

Qeemi showoon boonoshich qanniyemmo taane; ebiyee bekk showee toommoochaa shaacoona ciireyaachemminaꞌone; ebiyee bekk aageteenaꞌona naakkeyaachemminaꞌone.

Hiziqeeli 36:29

Ittoshi eeꞌo bulliichee ittoshin wodiyemmo taane; maayo ittoshich bi woddemmoyich geto beshiyemmo taane; ebiyee bekk shaacoon ittoshi toommooch deebaachemmo taane.

Hiziqeeli 36:30

Aageteenaꞌo daggoochaa shaacoona ittoshi cooneyaachemmoyich, ittoshi mixo aafemmonaa ittoshi maayo gaawichi shaggemmonoyich tuniyemmo taane.

Hiziqeeli 36:8

“ ‘Tunebaani Israꞌeelee guudinaꞌote, atoon atemmo ittoshine; katinoon woyemminaꞌo boonoshi tunetoyich, ta asheenaꞌo tuneti Israꞌeeleenaꞌoyich aafoon aafemmo ittoshine.

Hiziqeeli 38:11

newoo ishichemmo neene: “Gayaalli gafeenaꞌooch damba kechemmo taane; uxeraalli, kelloonaa tuggoona aalli katemeenaꞌooch keqqaalloon diggoona beetinaꞌochi toommooch dihemmo taane.

Hiziqeeli 38:8

Meeti yemeenoyee gubb ceekkemmo neene; gubbi natinaꞌooch koyoona tiisheechii batt qaalliibeeti Israꞌeelee showoon kochemmo neene. Ebi showoo, bi asheenaꞌo meeti aageteenaꞌo daggoochee kicaa waa, meeti yemeenoon shokko echeti Israꞌeelee guudinaꞌooch koteti showoone; boonoshiyoo aageteenaꞌo daggoochee waaꞌi, and bulliyona diggoona arooch kotetinaꞌone.

Hiziqeeli 39:26

Boonoshin shatiyemmo aalloon boonoshi showooch diggoona boonoshi kotehooba, boonoshi cooneyoonaa taach gibeneyaano boonoshi tunoonon battemminaꞌone.

Hiziqeeli 39:28

Kecaa aageteenaꞌo showooch boonoshi hammemmoyich ta tuniitaanona, koninolla arooch echiyaanoon kecoochee boono hajjee showooch wochii deebeto, boonoshi Nuggishoo Doono Yeeri ta tunoon ariyemminaꞌone.

Hiziqeeli 47:12

Aachi gashooch, okkinaa hachinooch aafo manjeebeeti mixinaꞌo beeyemminaꞌone; boonoshi waamo shoollaachemmone; boonoshi aafoo ooyaachemmone; yaafee kexoochee kechiti aacon danee beetinaꞌo boonoshi tunetoyich agen agenoona aafoon aafemminaꞌone; boonoshi aafo maayoon, boonoshi waamo attoon tunemmone” iye.

Hosee'i 11:11

Qewebee Gibitsee kafoochoommon, Asooree showoocheenoo uggechoommon, woyemminaꞌone. Tawoo boonoshi kexooch boonoshi beeyemmoyich tuniyemmo taane” iye Doono Yeeri.

Hosee'i 2:20

Gibeneeto tunoona neen tippemmo taane; newoo Doono Yeeri taan ariyemmi neene.

Leweenaꞌo 26:13

Gibitseenaꞌoyich guuno ittoshi tuneyaachemmoyich, Gibitsee ittoshin kichaa deebeti ittoshi Nuggishoo Doono Yeeri taane. Guuchittinee waanjoon tiichaꞌa, kaama qaalliree ittoshi hammemmoyich tuniito taane.

Leweenaꞌo 26:4

amiyon bi goori gooroona ittoshich dichemmo taane. Showoo maayoon shakkiyemmone; mixinaꞌoo aafoon aafemminaꞌone.

Leweenaꞌo 26:6

“ ‘Ittoshi showoon diggoo tuniyemmo taane. Amoyichona keqqaanoon tokkete qeyemmo ittoshine. Gonde cooxinaꞌon ittoshi showoochee aalliyemmo taane. Ittoshi showoon koniyoona koyaachemmone.

Zakaariyaasi 8:12

“Boonoshi maayi yaroon diggoona shookkemminaꞌone; boonoshi woyinoo aafemmone. Showoo maayoon shakkiyemmone; amiyo shimaayoochee dihemmone. Ebi bulli mooyon curo tuneꞌi echeti ta asheenaꞌo woraashemmoyich tuniyemmo taane.