Hiziqeeli 34:25 - Kafa Linguistics Project

²⁵ “ ‘Diggee wogoon boonoshina tookki giyemmo taane; gonde cooxinaꞌon showoochee aalliyemmo taane; ebina boonoshi diggoona barahooch kotemminaꞌone; kuboochoo tokketemminaꞌone.

Hiziqeeli 34:25 ပူးပေါင်းရင်းမြစ်များ

Iyoobi 5:22

Aalloonaa shaacoonon qallayiree miiccemmo neene; kubbi cooxinaꞌon shataachemmo neene.

Iyoobi 5:23

Ne gochaabeeti showooch xaqqo meetaachemmone; kubbi cooxinaꞌoo neen qaawaachemminaꞌone.

Shoddo 4:8

Doono Yeero, diggoona ta beeyemmoyich tuniyaabeeto ne baach tunetoyich, ta qeyaa beegaata, diggoona tokketemmo taane.

Shaahiyoo 3:24

Ne tokketaa beegaata, shataachemmo neene; shaawi tokketoon tokketemmo neene.

Isiyaasi 35:9

Daahereenaꞌo arooch beetaachemminaꞌone; kuxxii maabeeti cooxinaꞌo arooch waataachemminaꞌone; aroochoo daneyaachemminaꞌone; tunebaani shiweetinaꞌo aroona shaꞌemminaꞌone.

Isiyaasi 54:10

Guudinaꞌo shuuroon, geppeenaꞌoo qewoon, hakkiyeete; tunebaani ta shoodo ne waanee wohaachemmone; ta giyeti diggee wogo happeyaachemmone” iye neech ariqqechi Doono Yeeri.

Isiyaasi 55:3

Ittoshi waamon gaꞌiiree ta waan wobote; kashoona ittoshi beeyemmoyich waayebote. Daawitich ta giyeti manje shunoona, bulli yemeenee wogoon ittoshina tookki giyemmo taane.

Isiyaasi 61:8

“Doono Yeeri ta, dayinnetoon shunnoye; bogoonaa gonde mooyonon shixxoye; gibeneeto ta tunoona boonoshich gaaccemmo taane; boonoshina tookki bulli aabee wogoon giyemmo taane.

Erimiyaasi 23:4

Boonoshin shiimeree qiddemmi qiddeenaꞌon boonoshich ukkiriyemmo taane; wochinnoon shataachemminaꞌone; keqqaachemminaꞌone; boonoshiichee ikkolla aalleyaachemmone” iye Doono Yeeri.

Erimiyaasi 23:6

Bi taatee yemeenooch Yihudee asheenaꞌo wodemminaꞌone; Israꞌeeleenaꞌo keqqaalloon beeyemminaꞌone. Bi ceeggeyemmoo ‘No Cadiqoo Doono Yeeri’ getenane.

Erimiyaasi 32:37

Ta kaaroonaa ta ippoona, ooge ta naxoonoo boonoshin ta yookketi showoo bulliichee boonoshin kicemmo taane; hini xaaꞌoochoo wochi deebemmo taane; keqqaalloon boonoshi beeyemmoyich tuniyemmo taane.

Erimiyaasi 33:16

Ebiyoobee yemeenooch Yihudee showeexi maccoo wodemmone; Yerusaalemi katemeexi asho diggoona beeyemmone; katemoo ceekkemmo ‘Doono Yeeri No Cadiqoone’ getenane” iye.

Hiziqeeli 16:60

Tunebaani ne bushittinooba neenna tookkii ta giyeti wogoon shalligemmo taane; neenna tookki bulli yemeenee wogoon manjiyemmo taane.

Hiziqeeli 16:62

Neenna tookkii ta wogeti wogoon manjiyemmo taane; newoo Doono Yeeri ta tunoon ariyemmi neene.

Hiziqeeli 20:37

Taach ittoshi hajjeyemmoyich tuniiree, ta wogooch ittoshin giijjemmo taane.

Hiziqeeli 28:26

Keqqaalloon kotemminaꞌone; kexinaꞌon haggemminaꞌone; woyinoonoo bechemminaꞌone. Boonoshin hoxeebeeti giyeenaꞌo bulli toommooch ta nalliyooba, keqqaalloon kotemminaꞌone; ebina boonoshi Nuggishoo Doono Yeeri ta tunoon ariyemminaꞌone” iye.

Hiziqeeli 34:27

Gaddeexi mixinaꞌo aafemminaꞌone; showoo maayi colloon uummiyemmone; boonoshi showooch keqqaalloon diggoona beeyemminaꞌone; boonoshi waanjee kayoon ta tiishiyooba, boonoshin hajjii beetinaꞌo kishoochee boonoshin ta kichiyooba Doono Yeeri ta tunoon ariyemminaꞌone.

Hiziqeeli 34:28

Ebiyee bekk aageteenaꞌona bokkeyaachemminaꞌone; kubbi cooxinaꞌonoo manjeyaachemminaꞌone; keqqaalloon diggoona kotemminaꞌone; koniyoona boonoshin shatiyaachemmone.

Hiziqeeli 37:26

Diggee wogoon boonoshina tookki giyemmo taane; ebi wogo bulli aabee wogoon boonoshich tunemmone; boonoshin manjiyemmo taane; meechemmo taane; ta yaafee kexo bulli aaboon boonoshi daggooch bi beeyemmoyich tuniyemmo taane.

Hiziqeeli 38:8

Meeti yemeenoyee gubb ceekkemmo neene; gubbi natinaꞌooch koyoona tiisheechii batt qaalliibeeti Israꞌeelee showoon kochemmo neene. Ebi showoo, bi asheenaꞌo meeti aageteenaꞌo daggoochee kicaa waa, meeti yemeenoon shokko echeti Israꞌeelee guudinaꞌooch koteti showoone; boonoshiyoo aageteenaꞌo daggoochee waaꞌi, and bulliyona diggoona arooch kotetinaꞌone.

Hiziqeeli 39:26

Boonoshin shatiyemmo aalloon boonoshi showooch diggoona boonoshi kotehooba, boonoshi cooneyoonaa taach gibeneyaano boonoshi tunoonon battemminaꞌone.

Leweenaꞌo 25:19

Showoo maayoon shakkiyemmone. Ittoshiyoo maaree michemmo ittoshine; aroochoo keqqaalloon diggoona beeyemmo ittoshine.

Leweenaꞌo 26:5

Ittoshi maayo woddoochee tiyitona, maayoon ittoshi bushi beetaa, woyinee aafoon ittoshi macemmii gooroo shaggemmone; wotta woyinee aafoon ittoshi maci beetaa maayoon ittoshi shookkemmi yarimmoo shaggemmone. Maayoon miyiree maayemmo ittoshine. Ittoshi showoochoo keqqaalloon diggoona beeyemmo ittoshine.

Leweenaꞌo 26:6

“ ‘Ittoshi showoon diggoo tuniyemmo taane. Amoyichona keqqaanoon tokkete qeyemmo ittoshine. Gonde cooxinaꞌon ittoshi showoochee aalliyemmo taane. Ittoshi showoon koniyoona koyaachemmone.

Zakaariyaasi 14:11

Yerusaalemi ashi beeyi xaaꞌoon tunemmine; wochinnoon aallo bi toommooch shagaachemmone; asheenaꞌo keqqaalloon diggoona beeyemmine.

Zakaariyaasi 6:13

Doono Yeerichi yaafee kexon haggemmo biine. Taatee oogoon deꞌiree, taatee qeenooch koteechi bi asheenaꞌon qeejjemmone; bi taatee qeechi gaꞌoochoo qeeshoon tunemmone. Guttiyona ikkittinoona, diggoona shuunemminaꞌone’ itone gete.

Haddoo 25:12

Ebich ta diggee wogoon biinna tookki geddemmo ta tunoon biich gete.

Hibireena'o 13:20

Ufeti bi damoona bulli yemeenee wogoon manjiiti, bi bageenaꞌochi ooge Qiddoo tuneti no Doono Yesuusin qitoochee tiijjiti Diggee Nuggishoo,