Hiziqeeli 34:24 - Kafa Linguistics Project

²⁴ Doono Yeeri ta, boonoshi Nuggishoo tunemmo taane; ta guuno Daawitiyoo boonoshi daggooch iraashoon tunemmone; Doono Yeeri ta, ebin getteto taane.

Hiziqeeli 34:24 ပူးပေါင်းရင်းမြစ်များ

Shoddo 2:6

“Yaafee ta geppoo Tsiyooni toommoochaa ta kaacceti taatoon ukkiriito taane” gettemmone.

Isiyaasi 55:3

Ittoshi waamon gaꞌiiree ta waan wobote; kashoona ittoshi beeyemmoyich waayebote. Daawitich ta giyeti manje shunoona, bulli yemeenee wogoon ittoshina tookki giyemmo taane.

Isiyaasi 55:4

Biin aageteenaꞌoyich miixoo, wulloonaa iraashoonon tuniito taane.

Erimiyaasi 30:21

Boonoshi iraashoo boonoshi asho tunemmone; boonoshin qeejjemmo boonoshi daggoochee kechemmone; ta waan biin katichemmo taane; biyoo katinnemmone; ebi tuno qayigaata, kuppheree ta waan katinon hakkemmo kone?

Erimiyaasi 30:9

Tunebaani boonoshi Nuggishoo Doono Yeerinaa boonoshich ta tiijjiti boonoshi taatoo Daawitinoyich maddemminaꞌone.

Erimiyaasi 31:1

Doono Yeeri ishichiye: “Ebiyooba Israꞌeelee gumbo bullich Nuggishoon tunemmo taane; boonoshiyoo ta maccoon tunemminaꞌone” iye.

Erimiyaasi 31:33

“Tunebaani ebi are yemeenoyee gubb Israꞌeelee macceenaꞌona tookki ta giyemmi wogo ebine” iye Doono Yeeri. “Ta sheeroon boonoshi mullooch kotiyemmo taane; boonoshi mullee cilloochoo kooremmo taane; tawoo boonoshi Nuggishoo tunemmo taane; boonoshiyoo ta macceenaꞌo tunemminaꞌone.

Erimiyaasi 32:38

Boonoshiyoo ta asheenaꞌon tunemminaꞌone; tawoo boonoshich Nuggishoon tunemmo taane.

Hiziqeeli 20:5

Boonoshichoo Nuggishoo Doono Yeeri ishichiye gete: ‘Israꞌeelin ta kaaccehooba, Yaaqobi yareenaꞌoyich ta wogehooba, Gibitsee showoochaa boonoshich taan ta arichiihooba, “Ta, ittoshi Nuggishoo Doono Yeeri taane” iyaꞌa boonoshich wogeto taane.

Hiziqeeli 20:7

Tawoo boonoshich “Ittoshi ikkikkoona oogichii ittoshi shunniibeeti ciigiiti mooyinaꞌon ittoshi waanee wokkiibote; Gibitsee showeexi shahalleenaꞌona eeꞌeyaahote; ta ittoshi Nuggishoo Doono Yeeri taane” iyoye.

Hiziqeeli 21:27

Aallo, aallo, katemoon aalliyemmo taane; tunebaani katemoon bi aalliyemmoyich ta kaacceto waammi wottoon ebi tuneyaachemmone; arooba biich beshii immemmo taane.

Hiziqeeli 36:28

Ittoshi qaabbechinaꞌoyich ta immeti showooch beeyemmo ittoshine; ta ashoon tunemmo ittoshine; tawoo ittoshi Nuggishoo tunemmo taane.

Hiziqeeli 37:22

Showee toommooch, Israꞌeelee guudoochaa boonoshin ikke ashoon tuniyemmo taane; ikke taatoo boonoshi bulli toommooch taatemmone; ebiyee bekk gutte aagetoon tuneyaachemminaꞌone; gutte taatee showoon tune qoodeyaachemminaꞌone.

Hiziqeeli 37:23

Ebiyee bekk boonoshi nuggisheenaꞌona, ciigiiti boonoshi mooyona, boonoshi xuꞌoonoo boonoshi qelloon eeꞌiyaachemminaꞌone. Taan qayona boonoshi shuuneti axaaxoochee boonoshin wodiyemmo taane; boonoshin xalliyemmo taane; ta asheenaꞌon tunemminaꞌone; tawoo boonoshi Nuggishoon tunemmo taane.

Hiziqeeli 37:24

“ ‘Ta guuno Daawiti boonoshi toommooch taatemmone; bullichona ikke qiddoo tunemmone; ta geteenaꞌon dabbemminaꞌone; ta qociyeenaꞌonoo gaawichi quyemminaꞌone.

Hiziqeeli 37:25

Boonoshi qaabbechinaꞌo beebee echeti, ta guuno Yaaqobich ta immeti showooch kotemminaꞌone; boonoshi, boonoshi bushiisheenaꞌonaa bushaa bushiisheenaꞌona bulli aaboon arooch beeyemminaꞌone; ta guuno Daawiti bulli aaboon boonoshi toommooch taatemmone.

Hiziqeeli 37:27

Ta beeyi xaaꞌoo boonoshina tookki tunemmone; ta boonoshi Nuggishoon tunemmo taane; boonoshiyoo taach ta asheenaꞌon tunemminaꞌone.

Hiziqeeli 39:22

Ebiyee bekk Israꞌeelee macceenaꞌo Doono Yeeri ta, boonoshi Nuggishoo ta tunoon ariyemminaꞌone.

Hiziqeeli 44:3

Iraashoo baach Doono Yeeri aafoochaa koshon mamoyich arooch giyemmone; biyoo beshe boochoona giyiree aroona kechemmone” iye.

Hiziqeeli 45:7

“Iraashoochi ixee qoodoo yaafeeti xaaꞌoonaa katemee xaaꞌoonochi gaꞌooch okkinaa hachinooch tunemmone; yaafeeti xaaꞌoonaa katemee xaaꞌoonochi aabi-gimo waanaa showee daarooch beddaahaa, aabi-keyo waanaanoo showee daarooch beddaahaa shagoone; bi gidoo ikke yoodoochi showee gidoommon tuneechi, aabi gimi danoochee aabi keyi danooch shago tunemmone.

Hiziqeeli 48:21

“Yaafeeti xaaꞌoonaa katemee xaaꞌoonochi okkinaa hachinooch beeti echeti xaaꞌoo iraashoyich tunemmone; ebiyoo hiyaa uuche hume hiroo tuneti yaafeeti xaaꞌee daaroochee tiijjiꞌi aabi-keyo waani showee caappooch beddaahaa, aabi-gimoochaa hiyaa uuche hume hiroochee tiijjiꞌi aabi-gimo waani showee caappooch beddaahaa, Israꞌeelee yoodeenaꞌochi showee gaꞌooch beeti showoo iraashoocho tunemmone; yaafeeti xaaꞌoonaa yaafee kexona gutte daggooch tunemmone.

Hosee'i 3:5

Ebiyee gubb, Israꞌeeleenaꞌo wotteree boonoshi Nuggishoo Doono Yeerinaa boonoshi taatoo Daawitinon qaawemminaꞌone. Gubbi yemeenooch Doono Yeerin shatiree bi waan wottemminaꞌone; bi diiroonoo deqqemminaꞌone.

Mikiyaasi 5:2

Doono Yeeri ishichiye: “Beetilehem Efiraati katemeene, Yihudee showooch beeti gishiishi katemeenaꞌoochee ikke ne tunetaanoona, wonnee wonneecho, wohi yemeeneexo tuneti, Israꞌeelee showoon qeejjemmi woraaferashoo ne waanee taach kechemmone” iye.

Zakaariyaasi 13:7

Beshe Mawe Doono Yeeri ishichiye: “Goraadoocho, ta qiddoo toommooch, ta nuuchoo toommooch tibe! Qiddoonoo yexe! Bageenaꞌoo shacemminaꞌone; tawoo ta mochoon gishiisheenaꞌo toommooch tiijjemmo taane.

Zakaariyaasi 13:9

Ebi ikke beeroon qaaqqooch deebemmo taane; birewoon ukkoommon ukkiree boonoshin xalliyemmo taane; aachoon ukkoommonoo ukkiree boonoshin haattemmo taane. Boonoshiyoo ta waan corootemminaꞌone; tawoo boonoshi corootoon waayemmo taane. Boonoshin, ‘Ta asheenaꞌone’ gettemmo taane; boonoshiyoo ‘Doono Yeeri, no Nuggishoone’ gettemminaꞌone” iye.

Maatiyoosi 28:18

Yesuusi boonoshi waan giddeꞌi boonoshich ishichii gettiye: “Showoonaa shimaayoonooch beeti ukkirittino bulli taach ichetone.

Mishiraachechinaꞌo 5:31

Biinoo Yeeri axaaxee gommoochee bi waan wottoonaa maaroonon Israꞌeeleenaꞌoyich bi immemmoyich, bullichi Shimboonaa Wodiyechonon tuniiꞌi bi qanne badd kotiitone.

Yaaꞌoo 21:3

Aree hillooch ooge qaaro qeenoochee kechiꞌi, “Ebiyoche, Yeerichi qeyi xaaꞌoo asheenaꞌo daggooch tunetone; boonoshina tookki beeyemmone; boonoshiyoo bi asheenaꞌo tunemminaꞌone. Yeeriyoo bi qelloona boonoshina tookki tuneree boonoshi Nuggishoo tunemmone.