Hiziqeeli 34:16 - Kafa Linguistics Project

¹⁶ Aalletinaꞌon qaawemmo taane; yallyallimitinaꞌon wochemmo taane; tiishetinaꞌon guuccemmo taane; hakka guuteenaꞌon kupphiyemmo taane; awujjitinaꞌonaa giidetinaꞌonon aalliyemmo taane; dayinnetoona bageenaꞌon qiddemmo taane.

Hiziqeeli 34:16 ပူးပေါင်းရင်းမြစ်များ

Shoddo 147:3

Boonoshi mullo tiishetinaꞌon goggiihe; boonoshi mayon kaappii wodiihe.

Shoddo 72:2

Biyoo ne asheenaꞌon tatoona qeejjemmone; xukketi ne asheenaꞌoyichoo tachi nallemmone.

Isiyaasi 1:5

Hukkoon andoo daakkii shuunoona, wochinnoon ittoshi sheereebeeto amoyichiye? Ittoshi ikkikkoona ittoshi qello mayetone; ittoshi mulloo baallitone.

Isiyaasi 10:16

Ebich Doono, Beshe Mawe Doono Yeeri, xaqqijje bi ginee naayinaꞌo toommooch muujjiibeeti biiyoon deejjemmone; qaaqqoochoommon, bi oogee yiiree dechiichaa aaxxemmone.

Isiyaasi 40:11

Qiddoochoommon bi bageenaꞌon quyemmone; bagee bushiishoon ikkooch kicemmone; bi sheenooch tiqqeree daammemmone; bagee indeenaꞌonoo ariqqoona yaabemmone.

Isiyaasi 49:26

Neen neexxii hajjitinaꞌo boonoshi hajjee meenon boonoshi maayemmoyich, boonoshi hajjee damoonoo woyinee uyoochoommon boonoshi uchemmoyich, tuniyemmo taane. Ebina Doono Yeeri ta, neen Shiwechonaa Biishee Wodiyechona, Yaaqobi goyinneebeeti Giidechi Nuggishoo ta tunoon, asho bulli ariyemmone” iye.

Isiyaasi 5:17

Ebi arooba, bagee bushiisheenaꞌo kexo happeeti xaaꞌoochaa mocoon maayemminaꞌone; bagee baaddeenaꞌonaa emmishee bushiisheenaꞌona ebi aroochaa mocoon maayemminaꞌone.

Erimiyaasi 10:24

Doono Yeero, taan sheeribe; tunebaani tatoona tunebe; ciroona taan ne aalliyaachemmoyich, kaaroona tunaaye.

Erimiyaasi 23:15

“Ebich Beshe Mawe Doono Yeeri ta, ebi keemechinaꞌochon ta gettaabeeto ishichiiniye: ‘Eeꞌe mooyo, Yerusaalemi katemeexi keemechinaꞌo waanee kechiꞌi showoo bulliich bi taatetoyich, caame maayoon boonoshich maanjemmo taane; xuppattee aacon boonoshich uchemmo taane’ ” iye.

Erimiyaasi 23:5

Doono Yeeri ishichiye: “Daawitichi gumboochee cadiqo tuneton taatoo bi tunemmoyich, ta kaaccemmi yemeeno woyemmone; ebi taatoo ariyoona qeejjemmone; showee toommooch dayinnetoonaa cadiqoona tuneti mooyon tuniyemmone.

Erimiyaasi 31:8

Dambi-waani showoochee boonoshin deebemmo taane; showee daaroochee boonoshin kicemmo taane; boonoshi daggooch wolloonaa baata sheqqoona, yeqqefechinaa maaxoo manjaa beetina, beeyemminaꞌone; ooge maccoo tuneree hiniich wottemminaꞌone.

Erimiyaasi 50:11

Doono ishichii beetone: “Ta hajjoon boggii beetinaꞌote, ittoshi emiritoyich, emiroona ittoshi wucwuccitoyich, gaddooch beeti gidereen ittoshi shaahitoyich, ittoshi coonderetoyich, giidechi hareshoochoommon ittoshi gashigishitoyich,

Erimiyaasi 50:6

“Ta asho aalleti bagoommon tunetone; boonoshi qiddeenaꞌo boonoshin muriciitinaꞌone; guudinaꞌo toommooch boonoshi yallyallimmemmoyich tuniiheete. Guudinaꞌoochee geppeenaꞌooch hammiyeete; boonoshi dogoonoo batteheete.

Erimiyaasi 9:15

Ebich Israꞌeelee Nuggishoo Beshe Mawe Doono Yeeri ta, hini asheenaꞌo caame maayoon boonoshi maayemmonaa xuppattee aacon boonoshi uchemmonoyich tuniyemmo taane;

Hiziqeeli 20:34

Kupphe ta mochoonaa ta giidoonon bekkiyoona, ta neboonoo kindiyoona, ittoshi shaceti aageteenaꞌonaa showoonoochee ittoshin kicemmo taane.

Hiziqeeli 24:5

Bageenaꞌoochee beshe gaaweton daambe; shexxee dechiich qaaqqoon gaawichi shoohe; meenonaa shaawushoona gaawichi kashe’ itone gete” iye.

Hiziqeeli 34:11

“ ‘Ebich Nuggishoo Doono Yeeri ta ishichiyoye: Ta, ta qelloona ta bageenaꞌon qaawemmo taane; quyemmo taane.

Hiziqeeli 34:4

Nireton kupphiyaano ittoshine; biiyeton attee wodiyaano ittoshine; tiisheton sheppheyaano ittoshine; yallyallimiton wochaano ittoshine; aalleton qaawaano ittoshine; giidoona, mullee manjoonoo neexxii hajjiyote.

Hiziqeeli 39:18

Bashaani showeexi awujjiti ogooge bagee baaddoonaa gishiishi bagee baaddoonochi, emmishoonaa gubbenoonochi meenon mamoommon giidechinaꞌochi meenon maayemmo ittoshine; iraasheenaꞌochi damoonoo uchemmo ittoshine.

Mikiyaasi 5:3

Ebich, bi indee ebi bushoon bi shiyemmi wottoon, Doono Yeeri bi asheenaꞌon qajjemmone. Aroochee kecooch beeti bi asheenaꞌo wotteree boonoshi maneenaꞌona danemminaꞌone.

Mikiyaasi 7:14

Doono Yeero, boonoshi ikkeeto kubbi daggooch koteti, bechee mixinaꞌo daggooch beeti ne asheenaꞌon, qiddoo bi gumboona bi gijjoon quyoommon, ne hajjee asheenaꞌon quyebe; wonnee yemeenooch bi tunetoommon, gaaweto tuneti Bashaanee showoonaa Gilaadee showoonooch hamiree boonoshi beeyemmoyich tuniibe.

Sofoniyaasi 3:19

Ebi arooba, ittoshin neexxii hajjitinaꞌon naxemmo taane; baata sheqqeenaꞌon wodiyemmo taane; shacetinaꞌonoo kicemmo taane; boonoshi giishoon oog wochemmo taane; showee toommooch arichetinaꞌo tuniyemmo taane.

Zakaariyaasi 10:3

Doono Yeeri ishichiye: “Ta kaaro qiddeenaꞌo toommooch aaxxetone; boonoshin sheeremmo taane. Beshe Mawe Doono Yeeri ta, ta bago tuneti Yihudee asheenaꞌon aaxxii ciinnaabeeto taane. Boonoshinoo koyoochaa nagixiibeeti ta hareshoommon tuniyemmo taane.

Maatiyoosi 15:24

Yesuusiyoo wochiꞌi, “Bago aalloommon aalleti Israꞌeeleenaꞌo ikkeetoyichiye wochetaa ta waato” iye.

Maariqoosi 2:17

Yesuusi ishin waayeꞌi, ishichiye: “Biiyechinaꞌoyichalli wodeenaꞌoyich aakumo qaawiyaache; axaaxechinaꞌonalli cadiqeenaꞌon ceegoyich waataano taane” iye.

Luqaasi 19:10

Ashi Bushoo bi waato, aalleton qaawoonaa wodiyoonoyichiye” iye.

Yibbaatoo 32:15

“Israꞌeeleenaꞌote, ittoshiyoo gaannee michiꞌi Doono Yeeri toommooch tiyiyote; ittoshiyoo aangii nuuriꞌi gaannehote. Aroochee ittoshin halliti Yeerin qajjiyote; ittoshin wodiyechi Xaqqee Inderoon qallayiyote.