Hiziqeeli 34:12 - Kafa Linguistics Project

¹² Qiddoo bi bageenaꞌo daggoochee aalletinaꞌon bi qaawoommon ta bageenaꞌon qaawemmo taane; quboobinaa dunne manderoobina boonoshi aalleti xaaꞌoochee boonoshin wodiyemmo taane.

Hiziqeeli 34:12 ပူးပေါင်းရင်းမြစ်များ

Shaahiyoo 27:23

Ne bageenaꞌon gaawichi ciine; ne gijjeenaꞌonoo manjii quyebe.

Isiyaasi 40:11

Qiddoochoommon bi bageenaꞌon quyemmone; bagee bushiishoon ikkooch kicemmone; bi sheenooch tiqqeree daammemmone; bagee indeenaꞌonoo ariqqoona yaabemmone.

Isiyaasi 50:10

Ittoshi daggoochee, Doono Yeerin shattii beetonaa bi guunochi qaaroyich deꞌa ii beetona, konine? Manderoona shaꞌeebeeto, bekko biich bekkeyaano, Doono Yeerin gibenebe; bi gibenoonoo bi Nuggishoo toommooch gede.

Isiyaasi 56:8

Shaceti Israꞌeeleenaꞌon kiciibeeti Nuggishoo Doono Yeeri ishichiye: “Kiceetinaꞌoyee bareenaꞌon ittoshi waan kicemmo taane” iye.

Erimiyaasi 13:16

Manderoon bi deebaan beetaa, mandereti guudinaꞌo toommoochaa ittoshi baateenaꞌo tepheyaan beetaa, gibenoona ittoshi quyeebeeti bekkoon, manderooch, dunne manderoochoo shaddaani bi beetaa, ittoshi Nuggishoo Doono Yeerin oogiibote.

Erimiyaasi 23:3

“Ta bagee cureenaꞌon boonoshin ta yookketi showoo bulliichee kicemmo taane; wochiree boonoshi showooch boonoshin deebemmo taane; boonoshiyoo aafemminaꞌone; meettemminaꞌone.

Erimiyaasi 31:10

“Aageteenaꞌote, Doono Yeerichi qaaroon waayebote; wohooch beeti baharee gashoonaa buure showeenaꞌonoyichoo ‘Israꞌeeleenaꞌon shaccito wochi kicemmone; qiddeenaꞌo boonoshi gijjoon boonoshi qiddoommon boonoshin qiddemmone’ getote.

Erimiyaasi 31:8

Dambi-waani showoochee boonoshin deebemmo taane; showee daaroochee boonoshin kicemmo taane; boonoshi daggooch wolloonaa baata sheqqoona, yeqqefechinaa maaxoo manjaa beetina, beeyemminaꞌone; ooge maccoo tuneree hiniich wottemminaꞌone.

Erimiyaasi 33:12

Beshe Mawe Doono Yeeri ishichiye: “Ashaalloon woyee gijjaalloon shokkoon echeti hini xaaꞌoo, bi katemeenaꞌo bulliyoo, boonoshi bageenaꞌon qiddeebeeti, qiddeenaꞌochi beeyi xaaꞌoon tunemminaꞌone.

Hiziqeeli 30:3

Ebi aabo katinnitone; Doono Yeerichi aabo katinnitone; ebiyoo qubee aaboone; aageteenaꞌoyichoo aallee aaboone.

Hiziqeeli 32:7

Neen ta aalliihooba shimaayoon qeremmo taane; xojjeneenaꞌonoo manderiyemmo taane; aabeenoo quboona kaappemmo taane; ageneyoo aaxxe bekkiyaachemmine.

Sofoniyaasi 1:15

Ebi aabo, kaaree aabo, iritee aaboonaa duꞌee aaboona, aallaa billimee aabo, shitirippimii mandereti aabo, quboonaa dunne manderoona tuneti aaboo tunemmone.

Zakaariyaasi 10:3

Doono Yeeri ishichiye: “Ta kaaro qiddeenaꞌo toommooch aaxxetone; boonoshin sheeremmo taane. Beshe Mawe Doono Yeeri ta, ta bago tuneti Yihudee asheenaꞌon aaxxii ciinnaabeeto taane. Boonoshinoo koyoochaa nagixiibeeti ta hareshoommon tuniyemmo taane.

Zakaariyaasi 9:16

Ebi aabo shagiyooba, qiddoo bi bagoon bi wodiyoommon, boonoshi Nuggishoo Doono Yeeri bi asheenaꞌon wodiyemmone. Gubbichee toommooch beeti shasho waccoommon boonoshiyoo bi showoochaa waccemminaꞌone.

Luqaasi 15:8

Yesuusiyoo daakkiꞌi ishichiye: “Wotta aashire shilinkechi ure ikke bi shilinko aallegaata, ceechoon ceechaꞌa kexon hidaabee bi danemmi wottoon manjiiree qaawaachehane?

Luqaasi 19:10

Ashi Bushoo bi waato, aalleton qaawoonaa wodiyoonoyichiye” iye.

Yowannisi 10:16

Hini maggooch giyaani bare bageenaꞌo taach beetinaꞌone. Boonoshinoo wotta deebo taach qaawiihe; ta qaaroonoo waayemminaꞌone; ikke qiddoo boonoshin ikkochiree quyemmone.